كل شيئ عن لانسر بالأسكندرية

[salehgharib]

بقترح إن أعضاء نايل موتورز الإسكندرانية يشاركونا عن كل ما يخص لانسر فى محافظة الإسكندرية
لعمل موسوعة عن أماكن الخدمة بالأسكندرية ( أحسن مكان لبيع قطع الغيار واسعارها- أحسن سروجى سيارات- أحسن مكان تشترى منه كماليات- أحسن ميكانيكى- أحسن مكان للعنايه بالسيارة........الخ
وأى معلومات أخرى حتى يتثنى لأعضاء نايل موتورز بالأسكندرية بالإستفادة بتجارب الأخرين

[salehgharib]

والبدايه ما هو أفضل سروجى سيارت

عاوز أعمل فرش جلد للسيارة بومة عاوز واحد يكون امين وكويس
عاوز اعمله فرش بيج زى لون الفبريكة

[marwan_147]

السلام عليكم ......... فكرة جميلة جدا جدا مشكور عليها ولاكن مع الاسف منتدى متسوبيشى فعلا فى النازل اول ما ربنا كرمنى وجبت سيارتى استفت كتير جدا جدا من المنتدى ولاكن مع الاسف المنتدى ينحدر بسرعة الصاروخ الى الاسفل واتمنى ان فكرتك تلاقى القبول لانة فعلا فكرة جميلة تحياتى

[salehgharib]

شكرا يا استاذ/ مروان
إحنا بنحاول إن يكون لسكان الإسكندرية موسوعة كامله عن كل ما يخص لانسر داخل المحافظة
ونجاحها يأتى من مشاركات جاده وصادقة أتيه من تجربة حقيقية أو معلومة دقيقة

[omaroof]

ياااااااااااااريت

احنا نعمل موضوع ونطلب من الاداره التثبيت ويتم فيه مناقشه كل شى وعرض اماكن الخدمه وقطع الغيار وكل شىء خاص باللانسر فى اسكندريه

[slimbig]

طيب يا جماعه انا شايف ان المشاركه تبقى هنا فنفس الموضوع ده و الي عندو معلومه يريت يتفضل علينا بيها و شكرا

[salehgharib]

أكرر أن كل ده يعتمد على المشاركة الفعالة وعلى اهميه المعلومات وياريت نبتدى نشارك

أماكن بيع قطع غيار لانسر خارج التوكيل
أحسن ميكانيكى
أحسن سمكرى
أحسن سروجى
أحسن مكان لبيع كماليات السيارات
أحسن مكان تشترى منه كاوتش وانواعة
أحسن بنزينة يمكن الحصول منها على خدمه مميزة
بالإضافة الى أعمال الصيانة البسيطة التى يمكن عملها من خلال تجربة شخصية
المساهمة فى تسعير السيارات المستعمله
المساهمة بكيفية العناية بالسيارة من الداخل والخارج
واى افكار أخرى تكون مفيده لللإعضاء

وعندما يكون الموضوع يستفيد منه الكثيرون نطلب من الإدارة التثبيت

[slimbig]

يا جماعه ادخلو عالموضوع ده مهم

http://www.nilemotors.net/Nile/98075-a.html

[salehgharib]

مجدى شاهين أولا ليس له علاقة بتوكيل لانسر
وناس كثيره جدا بتشتكى منه
مجدى شاهين عمل ايه
بيبيع لانسر خليجى وبيدى عليها ضمان بيتم عنده فى مراكز الخدمة الخاصة بيه فبيركب أسوء حاجة وأرخص حاجة

فأنا لا أنصح أحد بالتعامل معة

ومن الأفضل الحصول على قطعه الغيار الأصلية من التوكيل أو حد مضمون خارج التوكيل فى حاله وجود فرق فى السعر
وتركيبها عند واحد يكون انتى تعرفة ومضمون
ويكون شغال فى الأنسر

[slimbig]

مجدى شاهين أولا ليس له علاقة بتوكيل لانسر
وناس كثيره جدا بتشتكى منه
مجدى شاهين عمل ايه
بيبيع لانسر خليجى وبيدى عليها ضمان بيتم عنده فى مراكز الخدمة الخاصة بيه فبيركب أسوء حاجة وأرخص حاجة

فأنا لا أنصح أحد بالتعامل معة

ومن الأفضل الحصول على قطعه الغيار الأصلية من التوكيل أو حد مضمون خارج التوكيل فى حاله وجود فرق فى السعر
وتركيبها عند واحد يكون انتى تعرفة ومضمون
ويكون شغال فى الأنسر

زي مين كده بقه؟

[a_soliman_eng]

فى ميكانيكى اسمه وليد فى سيدى بشر قبلى مش بطال فى اللانسر

[salehgharib]

عارف وليد ده شغال عند مجدى شاهين

فى ميكانيكى اسمه وليد فى سيدى بشر قبلى مش بطال فى اللانسر

انا اتعاملت معاه قبل كده ورقم تليفونة 0128748986
وهو كويس لو تقول له من طرف الإستاذ/ صالح هيقوم معاك باحلى واجب ورد عليا

[lovelorn]

قطع الغيار أكيد طبعا تتجاب من التوكيل ماعدا الحاجات التافهة زى الفوانيس .

انا اعرف سمكرى كويس بس غالى شوية وبوياجى نمرة واحد واضمنه برقبتى بس معرفش أوصف السكة ليه بس هوا فى الحرفيين لو حبيت تروحله بعد الشر يعنى قولى ...

[lovelorn]

بالنسبة للكاوتش ... انا بصلح عند اتنين

بريدجستون اللى قدام جامع يحيى أو اللى قدام مدرسة زهران

لو بطاريات روح لخالد مشعل على شارع ابو قير فى جليم قدام البنك الأهلى سوسيتيه جنرال

قطع غيار من ككان غير التوكيل ... عبد الرزق فى شارع صلاح الدين وفى واحد فى أخر شارع الجواهر

[salehgharib]

جميل جدا

جميل يا إسكندرانية

عارفين لو نوثق الكلام ده بأرقام تليفونات ووصف دقيق تبقى موسوعة جميلة جدا

عارف يوم ما تحتاج لحاجة فى يوم من الأيام خاصة بصيانة السيارة تفتح الموسوعة الخاصة بنا ولا تحتار ولا تضيع وقت وخاصة الموسوعة نابعة من تجارب الأخرين