استفسار عن لانسر عيون صفيه

[ابوهاشم]

ارجو الافاده من الاعضاء عن ميتسوبيشى لانسر عيون صفيه
موديل 90 او 91
عاوز اعرف كل حاجه عنها
وتقييمكم ليها وهى كام سى سى
لانى بفكر اشتريها ومتردد
مش عارف اذا كانت كويسه ولالا
قطع غيارها هل متوفره واكسسواراتها
وياترى سعرها كام حاليا لو حالتها كويسه
وشكرا ليكم جميعا

[HeMa_LanCeR]

طيب ما تخليك في البطه والفرق مش كبير خالص في السعر

[ابوهاشم]

بس انا سمعت ان عيون صفيه احسن من البطه
وانا مش خبير فى اللانسر
ياريت ردود باقى خبراء اللانسر
او اللى جربو العربيه دى

[HeMa_LanCeR]

لا طبعا البطه أحسن بمراحل
ده كفايه نظام التعليق المنفصل اللي في البطه
ومن رأيي باردو البطه شكلها احلي بكتير من العيون

[Dr.SherifMansy]

لا طبعا البطه أحسن بمراحل
ده كفايه نظام التعليق المنفصل اللي في البطه
ومن رأيي باردو البطه شكلها احلي بكتير من العيون

100000000+

كلام سليم سليم سليم

البطة بداية التعليق المنفصل ، يعنى اريح فى المطبات ، فى رأيى شكلها اشيك ، العربية تصميمها انسيابى اكتر من عيون صفية

عيبها انها واطية جدا فبتحك فى مطبات شوارع المحروسة

و كان معايا بطة 92 قبل كده و بعتها اول 2008 (اختى اخدتها) و الحمد لله ما شاء الله زى الفل لحد دلوقتى

[hishamkenawy]

خليك فى البطة احسن علشان كمان قطع الغيارالايستراد بيتهايئلى ان عيون صفية قليلة

[ابوهاشم]

اشكركم جدا على الردود والافاده

[a_sabeq]

لو سمحتم يا جماعة الخير.. أنا معايا عربية لانسر عيون صفية وانبسطت كتير من كلامكم عنها..
أنا بس لي سؤال ، عربيتي مكيفة وديتها لواحد عىل قد حاله كده معرفش بلف الشحن منين وتاني حاجة الفريون بتاعها 12 ولا 134 ولا إيه لأني ملقيتش ولا ليبل عليها يوضح نوع الفريون.. وشكرا