سوال عن تيل الفرامل لللانسر

[essamsh]

امبارح نزلت اشترى تيل فرامل للانسر 99 بس وجدت انواع كتير و الى يولى اليبانى وحش و المصرى حلو و الى يولى التيوانى وحش و الكورى حلو. فيا ريت يا جماعة تنصحونى احسن حاجة اية و اجبها منين و بكام؟

[مصراوي جدا]

اعتقد ان معظم اعضاء المنتدى متفقين ان تيل الفرامل من الحاجات الأساسية اللي يفضل تتجاب من التوكيل لأهميتها الشديدة

عموما سعر تيل فرامل اللانسر 99 في التوكيل بـ 275 جنيه شامل الضريبة

وممكن تشتريه من اي مركز من مراكز الخدمة وبيع قطع الغيار المذكورة في الاعلان ده حسب الأقرب لسكنك

http://www3.0zz0.com/2007/11/01/06/16265384.jpg

مع التحية

[أبو_حمزة]

زى ما قال لك البشمهندس طارق الأصلى من التوكيل هو الأفضل
يليه بفرق بسيط فى الجودة (وعن تجربة) التيل اليابانى و ماركته على ما اذكر Kashiama و سعره حوالى 100
الأسبانى سيئ جدا
و لم أجرب الكورى
المصرى لم اسمع عنه من قبل غير ايام العربية ال127 بس بصراحة كان جيد جدا
بس من الاخر:
وفر فى فانوس أو اكسسوارات بس الفرامل هات افضل حاجة حتى لو أغلى شوية
و على فكرة لو عربيتك مانوال و سواقتك معقولة ممكن التيل الأصلى يفضل معاك 40000

[Adham]

اعتقد ان معظم اعضاء المنتدى متفقين ان تيل الفرامل من الحاجات الأساسية اللي يفضل تتجاب من التوكيل لأهميتها الشديدة

عموما سعر تيل فرامل اللانسر 99 في التوكيل بـ 275 جنيه شامل الضريبة

وممكن تشتريه من اي مركز من مراكز الخدمة وبيع قطع الغيار المذكورة في الاعلان ده حسب الأقرب لسكنك

http://www3.0zz0.com/2007/11/01/06/16265384.jpg

مع التحية

و الله ابن حلال

انا لسة امبارح مراتي بتشتكيلي ان فرامل اللانسر مش كويسة و خدت العربية عملتلها سرفيس غيرت زيت فتيس و بوجيهات و نفخت الكاوتش نتروجين و كنت عاوز اشتري تيل جديد بس الوقت اتأخر عليا و عاوز انزل الصبح اشتري تيل امامي و و دي اول مرة اغيرلها تيل
العربية 1300 اوتوماتيك موديل 2006 و مع دوسة الفرامل باسمع صوت عالي للكاوتش الامامي عالارض انا امبارح بدلت الكاوتش الخلفي و الامامي (مقص)
و برضة سامع صوت الحكة دي

متهيالي الافضل اغير التيل و اضبط زوايا

اية رايك اجيب تيل منين, و هل عندك تعليق عالصوت دة ان فية حاجة تانية اشيك عليا ؟؟

و ياريت لو تقوللي اجيب تيل نوعه اية و منين و بكام, علشان اجيب الخامه الافضل و بسعرها الحقيقي

مع جزيل الشكر

[أبو_حمزة]

أخ ادهم
بالنسبة لصوت الحكة بتاع الكوتش فده عندى برضه و غيرت الكوتش وزى ما هو و فى التوكيل قالو ده عادى فى لانسر بكل موديلاتها (مش عارف ازاى)
افضل تيل طبعا هو الأصلى (Somitumu) و مش ها تلاقيه بره التوكيل و منافذه
لو مدينة نصر أو مصر الجديدة روح جسر السويس
و لو الجيزة و الهرم يبقى فرع سفنكس

[Adham]

طيب بكام في التوكيل ؟؟

بس صوت الكاوتش مع الفرامل دة مكانش باين اول ما جبنا العربية متهيألي انة ظهر من فترة بس

و اكيد لة سبب يا الكاوتش يالتيل يالبلي بتاع العجل, اية اللي عملوة في التوكيل لما رحت, و هل الصوت دة ظاهر معاك من و العربية زيرو و للا ظهر بعد شوية ؟؟

مع جزيل الشكر

[أبو_حمزة]

السعر فى التوكيل زى ما قال المهندس طارق 275 جنيه
اما صوت الحكة فأنا بسسبه غيرت الكوتش ورحت التوكيل (فرع جسر السويس 3 مرات) و رحت ل2 ميكانيكية كويسين
أول مرة فى التوكيل قالوا لى الكوتش وغيرت الكوتش و رحت لهم بعدها قالوا لى يبقى البلى ما حبيتش اعك فى العربية و قلت اخد رأى تانى
روحت ل2 ميكانيكية كويسن بتوع يابانى قالوا مفيش أى حاجة و ده عادى بالذات فى لانسر
رجعت تانى التوكيل و عملت عبيط كأنى محدش قال حاجة قبل كده المهندس قال العربية تمام و زى الفل
الحكة مش بتظر عندى غير لما ادوس فرامل جامد لحد ما العربية تقف و مرة تحصل وخمسة لأ
فى الاخر كبرت دماغى و فين وفين على ما الحكة تظهر
العربية تانى يد و صاحبنها الاولى معرفة و سواقتها كانت هادية جدااااا و مش ممكن كانت تبان معاها لو موجوده من الأصل

[Adham]

السعر فى التوكيل زى ما قال المهندس طارق 275 جنيه


الحكة مش بتظر عندى غير لما ادوس فرامل جامد لحد ما العربية تقف و مرة تحصل وخمسة لأ
فى الاخر كبرت دماغى و فين وفين على ما الحكة تظهر
العربية تانى يد و صاحبنها الاولى معرفة و سواقتها كانت هادية جدااااا و مش ممكن كانت تبان معاها لو موجوده من الأصل

ايوة فعلا دة برضة اللي بيحصل عندي, مع دوسة فرامل جامدة و في الآخر قبل العربية ماتقف بس

و تحس زي مايكون العربية ماشية بالكاوتش على اسفلت خشن قوي, بتدي نفس الصوت
المهندس طارق كان بيتكلم عن لانسر 1999 انا باقول عن ال 2006و بصراحه لا أعلم ان كان نفس التيل و لا مختلف

[Adham]

على فكرة انا باضبط كاوتش اللانسر زي ما مكتوب عالقايم بتاع السواق بالضبط و بمقياس ديجيتال دقيق

باضبط الكاوتش على 29 قدام و 36 ورا

يعني مش عيب نفخ الكاوتش
لأن الصوت بيوحي ان الكاوتش مريح زي مايكون نايم و بيفرمل على اسفلت خشن بالضبط

[أبو_حمزة]

تمام نفس الصوت اللى عندى بالضبط و الكوتش عندى بريدجستون يابانى جديد و مليان نيتروجينو الضغط مضبوط زى الكتوب على القايم
التيل مش هو نفسه والله أعلم ان بتاعك يزيد 25-50 جنيه
يا ريت تبقى تقول لنا و صلت لأيه فى مو ضوع صوت الحكة ده

[Adham]

انا كمان زي ما قلتلك امبارح رحت بريدج ستون كالتكس العقاد و بدلت الكاوتش ورا قدام و نفخت نتروجين و برضة صوت الكاوتش زي ماهو

[essamsh]

[quote="sabbagh"]
يليه بفرق بسيط فى الجودة (وعن تجربة) التيل اليابانى و ماركته على ما اذكر Kashiama و سعره حوالى 100


اجيبة منين يا باشا؟

[Adham]

ايوة منين بقـــى؟؟؟

قوللي الله يكرمك انا من مدينة نصر يا ترى الاقيه عند حد قريب في مدينة نصر او دمشق ؟؟

[atolba]

بالنسبة لصوت الحكة بتاع الكوتش فده عندى برضه و غيرت الكوتش وزى ما هو و فى التوكيل قالو ده عادى فى لانسر بكل موديلاتها (مش عارف ازاى)
افضل تيل طبعا هو الأصلى (Somitumu) و مش ها تلاقيه بره التوكيل و منافذه
لو مدينة نصر أو مصر الجديدة روح جسر السويس
و لو الجيزة و الهرم يبقى فرع سفنكس

when i change my brake pads for the first time the original was somitumo but those i got from the dealer which supposed to be original wasnt the same kind it was something written on it ATK , and about the price i got them for 315 le please some one confirm that price !

[atolba]

and about the nitrogen ! for how much does each tire cost and where could i inflate them ?