سؤال عن الDs

[ahmedhosssamy]

الds هو عبارة عن تسقيط غيار لتحت فذلك يعطى عزم اعلى بكتير فمثلا لو عاوز من سرعة 50 او 60 تتسارع بشكل سريع جدا هات الغيار ds و عند 100 ارجع للغيار الاساسى الدى d

[dynamic_alpha]

انا كنت لسه مجرب Ds من شوية ... هي العربية بتشد و كل حاجة
بس فيه احساس ناقص , يمكن علشان مبتحسش بالنقلة ... بس كأنها مش جراية قوي

يعني لو عربية اوتوماتيك عادي بنقلات عادية و هورس باور اعلى زي السيفيك مثلا ... اللانسر تسبقها ؟

مع العلم عربيتي لانسر خليجي يعني المفروض موتور 122 حصان ... بس مش حاسس بيهم

[bmya]

لأ طبعا مش هيعمل أوفر درايف لأن ببساطة حضرتك لاغى وظيفة الأوفر درايف (over drive off) باينه حتى من إسمها و أنا قولت فى كلامى إن النقله الرابعه فى الأتوماتك كلها أوفر درايف زى النقله الخامسه فى المانوال و لكن العربيه تقدر تقفل الtop speed بتاعتها إللى فى الكتالوج على النقله اللى قبل الأخيرة زى الرابع فى المانوال أو الثالث فى الأتوماتك الأربع نقلات و حضرتك بالفعل جبت ال 170كم/س على الثالث و الrpm على أخره وهى ده الtop speed بتاعة العربيه و لما تجيب الرابع مش هتزيد عنها ولكن إستحالة تجيب الرابع و تعمل أوفر درايف و إنت أصلا لاغى الأوفر درايف من الزرار (المفرود انك تدوس على الزرار تانى عشان تلغى الموضوع ده و ترجع و ظيفة الأوفر درايف فيقوم الفتيس يجيب الرابع و يعمل أوفر درايف عليه و الفتيس مش هيلغى الموضوع ده من نفسه و أنت اللى لازم تدوس على الزرار تانى بعد ما حققت غرضك ووصلت للسرعه اللى انت عاوزها فى أقل وقت)

هممممممممممممم تمام ياباشا
انا كنت قصدي يعني ان يكون كومبيوتر العربيه عامل نظام حمايه يعني لما هيلاقي الموتور داخل الريد زون يقوم هو من نفسه يشغل الاوفر درايف ده كان قصدي
بس يعني انا لما جبت ال170 وشغلت االوفر درايف تاني الrpm نزل تقريبا علي5 مش فاكر بالظبط هل السرعه عمرها ما هتزيد عن 170 دول ؟!!

[zAzU]

محمد باشا انا ناسي يا راجل انك معاك بومه 1600 قولي بقه يا معلم
اصل انا كان معايا بومه من يومين بتاعت واحد صحبي وبعدين بجيب الDs لقيت الواد زي ميكون لدغه عقرب وصرخ انت بتعمل اييييييييييييييييه كده غلط والفتيس ممكن يفرقع وكلام عجيب مريب خلاني كنت هتجنن وقعد يقولي ده لو طالع مطلع جامد بس لكن تمشيعلي الD وانا بصراحه قلت اريحه وخلاص عشان مش عربيتي لكن انا مش مقتنع بكلامه خاااااااااااااالص
فهمني انت بقه ايه ظروف الDs

اعتقد مفيش كلام اقوله بعد كلام mohamedway بصراحه جاب من الاخر و الds ده انا بستعمله عادى جدا بس لما يكون فى بنزين كتير ههههههههههه

[amro_26]

اعتقد مفيش كلام اقوله بعد كلام mohamedway بصراحه جاب من الاخر و الds ده انا بستعمله عادى جدا بس لما يكون فى بنزين كتير ههههههههههه

كل اللى بيتكلم انه عادى يستعمل ال ds على الفاضى يسأل فى التوكيل ويعرف من المهندسين اللى عارفين العربية وحافظينها إذا كان كويس ولا لأ .
وياريت مش كل واحد يفتى وخلاص .

[mohamedway]

كل اللى بيتكلم انه عادى يستعمل ال ds على الفاضى يسأل فى التوكيل ويعرف من المهندسين اللى عارفين العربية وحافظينها إذا كان كويس ولا لأ .
وياريت مش كل واحد يفتى وخلاص .

ياريت حضرتك توضح معنى كلمة (يفتى و خلاص؟!) هل حضرتك تقصد ان كل كلامى فتى و مالوش أساس من الصحه؟؟

على العموم أنا كلامى وارد انه يكون فيه أخطاء لأنه مش قرآن يعنى...... بس علفكرة أنا قولت فى كلامى إن كثرة إستخدام الDs بتعجل بنهاية الفتيس و ما أنكرتش هذه الحقيقه و لكن الفتى اللى بجد هو إن الDs بيستخدم على سرعه معينه و إن غلط الواحد يجيبه و هو ماشى و ان الواحد ما يدوسش بنزين فى الأول لما يجيب الDs و يستنى شويه و بعدين يدوس و الكلام الفاضى ده كله النابع من الجهل الهندسى بفكرة عمل الفتيس. و أنا لست مختلف مع مهندسى التوكيل فى إن كثرة إستخدام الDs بيقصر عمر الفتيس و ده كلامى اللى قولته قبل كده و شرحت أسبابه الميكانيكيه و لكن لو مهندسى التوكيل هما اللى بيقولوا انه يستخدم على سرعه معينه و غلط الواحد يجيبه و هو ماشى يبقه أنا مستعد أتحداهم و أدخل معاهم فى مناظرة هندسيه فنيه لعلهم يقدروا يقنعونى بالسبب لأن الDs هيقصر عمر الفتيس هيقصره حتى لو أستخدم بالطريقه الفتى اللى إسمعتها ده و لو أستخدم عادى هيقصر عمره بنفس الدرجه عادى جدا و علفكره الجرى الجامد و القرص على الD العادى بردو هيقصر عمر الفتيس بدرجه أكبر من اللى بيمشى على الD بدون قرص.

[mohamedway]

بصوا يا جماعه:
الفتيس الCVT تكنولوجيا جميله جدا و أحلى من الفتيس العادى و لكن من الآخر كده عمره الإفتراضى أقل من الأتوماتك العادى و هيبوظ هيبوظ قبل توقعات أى حد معاه هذا الفتيس و ليس له إصلاح يعنى من الآخر أنا لو عربيتى فيها الفتيس ده مش هحسس عليه و لازم أستمتع بالتكنولوجيا اللى فيه و أطلع كل الأداء اللى ممكن يديهولى و أثناء ده هابقى عارف إنى هغيره على 150000كم فقط مثلا و لو حسست عليه هأغيره بردو على 200000كم مثلا......... يبقى مش فارقه قوى و أستخدمه براحتى (هذا الفتيس عبارة عن بكرتين معدنيتين متغيرنين القطر و سير معدنى بينهم و أساس فكرة عمله هو الإحتكاك بين السير و البكر و السير بيبقه مشدود جدا و الإحتكاك ده موجود دائما مع الD و الDs ومع كل انواع الإستخدام و هذا الفتيس تحديدا نقدر نشبهه بتيل الفرامل فى عمره الإفتراضى يعنى هيخلص هيخلص و لما بيخلص و بيترمى و يتركب تيل غيره بس لما بفرمل بحنيه مش بيخلص بسرعه لكنه فى النهايه بيجيله وقت و يخلص و كمان البكر بتاعه بتحصل فيه رييجه زى اللى بتحصل فى طنابير الفرامل و هو الفتيس كله عباره عن البكرتين و السير عشان كده لما بيخلصوا الفتيس كله بيترمى لأنه ما فيهوش تروس تذكر زى الفتيس التقليدى اللى عمره أطول و يوم ما بيبوظ بتبقه لعبة صمامات و شوية كلتشات بتتغير و يرجع تانى جديد و لكن أساس الفتيس و التروس موجوده.

هو ده الفرق بين الCVT و الأتوماتك العادى من ناحية الصيانه و العمر الإفتراضى و ليس الأداء (هذا هو الوجه الآخر للمقارنه).

[bmya]

محمد باشا كلامك انا مقتنع به جدااا لانه كلام علمي مش كلام الشعب المصري المفتي
صحبي اللي معه الانسر هو عربيته 2007 سبورت ماشيه 16000 فقط وبيحسس عليها
يوم ما جبت الDs كان هيمووووووووت ويقولي الفتيس هيتكسر وهيبوز وكلام غريييييييييب جداا معرفش جابه منين
المهم الحمد لله انعته وجربه وقالي ايه ده ده حاجه تانيه خاااااااااااااالص غير D العادي و حاسس ان العربيه بتجري اوي وبقه فرحان جدااااااا مع انه كان بيقولي الفتيس هيفرقع
وسيبك ياباشا من الناس اللي بتحب تاحفظ علي الحاجه بدون درايه لدرجه انها تبوزها من كتر المحافظه
زي واحد اعرفه كان بيخاف يشغل التكييف ااحسن الكومبيريسور يبوظ ههههههههههههههه
لحد ما الكومبريسور باظ من الركنه وعدم التشغيل

[fahd_628]

اكيد يعنى لو ال ds غلط مكنوش عملوه !!!!

[dynamic_alpha]

انا كنت لسه مجرب Ds من شوية ... هي العربية بتشد و كل حاجة
بس فيه احساس ناقص , يمكن علشان مبتحسش بالنقلة ... بس كأنها مش جراية قوي

يعني لو عربية اوتوماتيك عادي بنقلات عادية و هورس باور اعلى زي السيفيك مثلا ... اللانسر تسبقها ؟

مع العلم عربيتي لانسر خليجي يعني المفروض موتور 122 حصان ... بس مش حاسس بيهم

مفيش رد ؟

[Kareem Khattab]

انا كنت لسه مجرب Ds من شوية ... هي العربية بتشد و كل حاجة
بس فيه احساس ناقص , يمكن علشان مبتحسش بالنقلة ... بس كأنها مش جراية قوي

يعني لو عربية اوتوماتيك عادي بنقلات عادية و هورس باور اعلى زي السيفيك مثلا ... اللانسر تسبقها ؟

مع العلم عربيتي لانسر خليجي يعني المفروض موتور 122 حصان ... بس مش حاسس بيهم

YouTube - zahir's cs lancer

ايه رايك بقي :]

[mohamedway]

انا كنت لسه مجرب Ds من شوية ... هي العربية بتشد و كل حاجة
بس فيه احساس ناقص , يمكن علشان مبتحسش بالنقلة ... بس كأنها مش جراية قوي

يعني لو عربية اوتوماتيك عادي بنقلات عادية و هورس باور اعلى زي السيفيك مثلا ... اللانسر تسبقها ؟

مع العلم عربيتي لانسر خليجي يعني المفروض موتور 122 حصان ... بس مش حاسس بيهم

الفتيس الCVT كفاءته فى التسارع أكيد أفضل من الأتوماتك التقليدى بس متقارنش بالسيفيك لأن موتورها أقوى من الانسر فممكن تسبقها بس مش بسبب الفتيس و لكن بسبب الموتور لكن لو العربيتين سيفك نفس الموتور وواحده أتوماتكها CVT و التانيه أتوماتك عادى يبقه اللى فيها CVT هتسبق بكل تأكيد و بدون شك.

الفتيس الCVT تكنولوجيا جميله جدا يا جماعه و لكنه مش بيطبق لسه بشكل واسع على موديلات كثيرة من السيارات لعدم الثقه فى إعتماديته بنفس الدرجه اللى وصلها الفتيس العادى و لكن الشركات مستمره فى عمل أبحاثها لتطوير الCVT و إيجاد أساليب مختلفه ليه غير البكر و السير المعدنى و بالفعل يوجد عدة أساليب أخرى و لكن السير المعدنى و البكر ما زال الأكثر عملية و قمة النجاح الهندسى اللى نفسهم يوصلوله هو فكرة الGearth CVT أو الCVT المعتمد على التروس و لكنه هندسيا مستحيل حتى الآن.

فيه ملاحظه هاااااامه جدا لكل اللى بيتعامل مع هذه التكنولوجيا فى عربيته:
الإحساس بالتسارع مع هذا الفتيس ضعيف رغم ان التسارع فى الحقيقه بيبقه ممتاز و لكنه مجرد إحساس سببه نابع من إن الفتيس لا يوجد به فروق محسوسه بين النقلات و الفروق ده بتعمل حاجه إسمها الهندسى Jerk أو بالعربى بيقولو عليه (النتع) و ده عبارة عن تفاضل العجلة بالنسبه للزمن (يعنى تغير العجلة بالنسبه للزمن)

ملحوظه للى ما يعرفش:
السرعه عبارة عن تفاضل المسافه بالنسبه للزمن.
العجلة عبارة عن تفاضل السرعه بالنسبه للزمن.
النتع(Jerk) عبارة عن تفاضل العجلة بالنسبة للزمن........ وده مش موجود فى الCVT لذلك يقل الإحساس بالتسارع.

[mohamedway]

http://www.nilemotors.net/Nile/55824-2006.html

هذا الموضوع مهم جدا لأى حد عنده الفتيس الCVT لعدم تكرار أخطاء صاحب الموضوع و فهم طبيعة مشاكل الفتيس لما عمره بينتهى و إزاى بينتهى فجأة بدون مقدمات لما السير بيتنقطع.

[dynamic_alpha]

YouTube - zahir's cs lancer

ايه رايك بقي :]

انت ازاي عملت كدة !!!!!!!!!!!!!!!!!!!!!!!!!!!!

العربية كانت في منزل و لا انت عامل حاجة في الموتور ؟؟

انا كنت ماشي بالعربية عل طريق العالمين و انا لوحدي في العربية

و جايب اخر الدواسة و مكانتش بتعدي 170-180 مع انه RPM على 6000 و مكنتش تفرق D من Ds

و انا شايفك ماشي على D بس , انا جربت اصور تسارعها و انا دايس على L من 0 و بعدين Ds عند 60 لغاية 100 ... و طلعت 10.5 sec

[dynamic_alpha]

الفتيس الcvt كفاءته فى التسارع أكيد أفضل من الأتوماتك التقليدى بس متقارنش بالسيفيك لأن موتورها أقوى من الانسر فممكن تسبقها بس مش بسبب الفتيس و لكن بسبب الموتور لكن لو العربيتين سيفك نفس الموتور وواحده أتوماتكها cvt و التانيه أتوماتك عادى يبقه اللى فيها cvt هتسبق بكل تأكيد و بدون شك.

الفتيس الcvt تكنولوجيا جميله جدا يا جماعه و لكنه مش بيطبق لسه بشكل واسع على موديلات كثيرة من السيارات لعدم الثقه فى إعتماديته بنفس الدرجه اللى وصلها الفتيس العادى و لكن الشركات مستمره فى عمل أبحاثها لتطوير الcvt و إيجاد أساليب مختلفه ليه غير البكر و السير المعدنى و بالفعل يوجد عدة أساليب أخرى و لكن السير المعدنى و البكر ما زال الأكثر عملية و قمة النجاح الهندسى اللى نفسهم يوصلوله هو فكرة الgearth cvt أو الcvt المعتمد على التروس و لكنه هندسيا مستحيل حتى الآن.

فيه ملاحظه هاااااامه جدا لكل اللى بيتعامل مع هذه التكنولوجيا فى عربيته:
الإحساس بالتسارع مع هذا الفتيس ضعيف رغم ان التسارع فى الحقيقه بيبقه ممتاز و لكنه مجرد إحساس سببه نابع من إن الفتيس لا يوجد به فروق محسوسه بين النقلات و الفروق ده بتعمل حاجه إسمها الهندسى jerk أو بالعربى بيقولو عليه (النتع) و ده عبارة عن تفاضل العجلة بالنسبه للزمن (يعنى تغير العجلة بالنسبه للزمن)

ملحوظه للى ما يعرفش:
السرعه عبارة عن تفاضل المسافه بالنسبه للزمن.
العجلة عبارة عن تفاضل السرعه بالنسبه للزمن.
النتع(jerk) عبارة عن تفاضل العجلة بالنسبة للزمن........ وده مش موجود فى الcvt لذلك يقل الإحساس بالتسارع.

شكرا على ردك بس هو ممكن يبوظ من ايه ؟؟