فرامل الانسر شارك

[رامي طه]

انا ناوى ان شاء الله اجيب شارك بس انا هجيب الفئة الاولى واللى عرفته انها مفيهاش abs انا دى تالت عربية ليا كان معايا لانسر بومة و سيراتو والاتنين مكنش فيهم abs فانا بصراحة اكتر من حد بيقولى فرق شاسع بين العربية اللى فراملها abs واللى فراملها عادية بس انا للاسف الفلوس اللى معايا يادوب اجيب الفئة الاولى بصراحة فانا عايز رأيكم لو حد معاه الفئة الاولى يقولى ايه اخبار الفرامل معاه ولو حد عنده خبرة عموما يفيدنى هل فى فرق شاسع فعلا بين الفرامل العادية والفرامل اللى فيها خاصية abs ولا ايه اسف للاطالة بس سؤال اخير كمان انا عايز اعرف ايه افضل مكان من حيث الاسعار ياريت وممكن تكون فى حدود كام وشكرا لحضراتكم

[sehry]

أولا ربنا يوفقك في اختيارك ان شاء الله
ثانيا بالنسبة للفرامل أنا كان معايا نيسان صني فيها abs ودلوقتي معايا شارك 2015 خليجي الفئة الأولى برده بس من غير abs وبصراحه أنا مش حاسس بفرق جوهري أو فرق يذكر بالعكس فرامل الشارك ممتازه وانت واختيارك اللي تستريحله وربنا يوفقك ان شاء الله

[sound]

نصيحه خالصه لوجه الله , متجيبش العربيه من غير abs لاعتبارين مهمين

1- abs دى ابسط وسائل الامان فى العربيه وده حاجه هامه علشان تمنع الانزلاق على الارض الرمليه وفكرة عملها بغلق المكابح وفتحها عدد لا محدود فى أجزاء من الثانيه عند الضغط على الفرامل بشده فتقدر فى الحاله دى تناور بالعربيه وتلم وش العربيه مع ضغطك على الفرامل الفجائيه لتفادى وقوع حادث لا قدر الله , حقيقى انت مش حتفعل الاليه دى الا فى المواقف الطارئه وده عبر الضغط بشده على الفرامل وساعتها حتسمع صوت كركبه وترزيع معدن تحت رجليك وبكده تكون الفرامل شغاله بabs وملحوظه ان الكلام ده مبيشتغلش الا من سرعة 60 كم وانت طالع .
2- ومن وجهة نظر اخرى فكر كده ان فى حالة حبيت تبيع العربيه بعد كام سنه ساعتها بيكون فيه افضليه للعربيه اللى فيها abs لأنه حيكون تجهيز اساسى فى اى عربيه .
انا والله مقبل على شراء الشارك ومش معايا ثمنها كاش ولازم اقسط جزء من المبلغ وطبعا مش حشترى اقل من الفئه الثانيه وكيل ..
والله مقدر كل شىء أزلا..

[amr1881]

نصيحه خالصه لوجه الله , متجيبش العربيه من غير abs لاعتبارين مهمين

1- abs دى ابسط وسائل الامان فى العربيه وده حاجه هامه علشان تمنع الانزلاق على الارض الرمليه وفكرة عملها بغلق المكابح وفتحها عدد لا محدود فى أجزاء من الثانيه عند الضغط على الفرامل بشده فتقدر فى الحاله دى تناور بالعربيه وتلم وش العربيه مع ضغطك على الفرامل الفجائيه لتفادى وقوع حادث لا قدر الله , حقيقى انت مش حتفعل الاليه دى الا فى المواقف الطارئه وده عبر الضغط بشده على الفرامل وساعتها حتسمع صوت كركبه وترزيع معدن تحت رجليك وبكده تكون الفرامل شغاله بabs وملحوظه ان الكلام ده مبيشتغلش الا من سرعة 60 كم وانت طالع .
2- ومن وجهة نظر اخرى فكر كده ان فى حالة حبيت تبيع العربيه بعد كام سنه ساعتها بيكون فيه افضليه للعربيه اللى فيها abs لأنه حيكون تجهيز اساسى فى اى عربيه .
انا والله مقبل على شراء الشارك ومش معايا ثمنها كاش ولازم اقسط جزء من المبلغ وطبعا مش حشترى اقل من الفئه الثانيه وكيل ..
والله مقدر كل شىء أزلا..

كلام مظبوط ميه فى الميه انا معايا اول فئة بس لو كان معايا فلوس زيادة ما كنتش ترددت فى الفئة التانية او اعلى