أختيارى صح ولا............

[ahmed alaa]

نويت و ربنا يسهل أنى أشترى نيسان صنى سوبر صالون 103500 جنيه
بس خايف من كلام الاعضاء فى المنتدى عن (صوت فى علبة الدركسيون - صوت مع الفرملة)
وأنا عجبانى العربية أوى و كان معايا لفترة قليلة النيسان صنى exم موديل 2001
لا تنصحونى أزود شوية و اجيب التيد سيدان 109500 جنيه بس خايف من قطع الغيار
أسف على الاطالة

[fady_anis]

اختيار سليم وتوكل على ربنا يا استاذ احمد وبالنسبة للعيوب اللى حضرتك ذكرتها بتبقى على ما اعتقد حالات خاصة وقليلة يعنى انا مثلاً عندى سوبر صالون 2008 ومفيهاش اى عيب نشكر الله.

[Samir Elshahawy]

اختيار سليم وتوكل على ربنا يا استاذ احمد وبالنسبة للعيوب اللى حضرتك ذكرتها بتبقى على ما اعتقد حالات خاصة وقليلة يعنى انا مثلاً عندى سوبر صالون 2008 ومفيهاش اى عيب نشكر الله.

أختيار موفق و سليم أن شاء الله طالما انها بتحقق لك متطلباتك انت لكن هيا عربية كويسة جدا و عملية و انا شايف انها كصاج و بودي اجمد و أثبت كتير من عربيات تانية في فئتها

ربنا يوفقك

[amr.elsayed]

السوبر صالون بجد محترمة اوى توكل على الله
واستخير ربنا قبل اى شيئ

[ahmed alaa]

1000 شكر لتفاعلكم معى و مساعدتى فى أتخاذ القرار و باذن الله سوف أكون واحد من أعضاء قسم النيسان قريب جدا و أتشرف بمعرفتكم

[محمد ابراهيم 1]

مبروك مقدما وبإذن الله مش حتندم

[princex1]

خليك في الصني اكثر عمليه فقط التيدا اكثر عائليه
لا اجد فرق يستحق بين الصالون و السوبر صالون في الصني
انصحك تطلب ايه بي اس على الرغم ان الفرامل ممتازه
بالتوفيق في كل الحالات باذن الله

[ahmed alaa]

الاختلاف بين الex saloon و super saloon
4 sport rims
fog light
abs standard
خشب أبانوس فى الابواب و التابلوه عفشة كاملة اسبور وليس مساعدين أسبور فقط مثل ex saloon

[princex1]

الاختلاف بين الex saloon و super saloon
4 sport rims
fog light
abs standard
خشب أبانوس فى الابواب و التابلوه عفشة كاملة اسبور وليس مساعدين أسبور فقط مثل ex saloon

الفوجات موجوده في السوبر و في الصالون 2009 أيضا موجوده أساسي

[sab3aawy]

الاختلاف بين الex saloon و super saloon
4 sport rims
fog light
abs standard
خشب أبانوس فى الابواب و التابلوه عفشة كاملة اسبور وليس مساعدين أسبور فقط مثل ex saloon

مش بس كدة ، فيه ايرباج اضافية للراكب اليمين، حامل نضارات شمس مع اضاءة اضافية فى سقف السيارة، طارة ديريكسيون وعصاية فتيس وفرامل يد جلد، مخدع قابل للطى فى الكنبة الخلفية، حليات معدن للاكر الداخلية ، حليات نيكل للبكتات الخارجية

السوبر صالون عربية ممتازة وحكاية علبة الديريكسيون اللى بتطقطق-احيانا- بتتحل فى 3 دقائق باستخدام مفتاح بلدى وحلها اتشرح فى مرات عديدة جدا على المنتدى ولا تعتبر مشكلة اصلا

[night_whisper]

أختيار موفق جدآ
النيسان سوبر صالون عربية عملية - قوية - صالون شيك - فيها كل الأمكانيات اللى ممكن تحتاجها - تكيف ممتاز - ثبات رائع على الطريق - توكيل ممتاز
ألف مبروك مقدمآ
و أهلآ بيك فى قسم نيسان

[ahmed alaa]

تم بحمد الله أستلام الصنى عربية فوق الممتازة بمراحل بس حاسس أن الدركسيون ثقيل حبتين عن الطبيعى

[night_whisper]

تم بحمد الله أستلام الصنى عربية فوق الممتازة بمراحل بس حاسس أن الدركسيون ثقيل حبتين عن الطبيعى

ألف مبروك على العربية
و أهلآ بحضرتك فى قسم النيسان
ربنا يبارك ليك فيها يا رب و يكفيك شرها و يسعدك فيها
العربية ادائها هيتحسن فى كل مرة هتركبها فيها
هتلاقى كمان الفتيس تقيل شوية فى النقل فى الأول و بعد شوية هتلاقية بقى مرن جدآ
العربية ما شاء الله ممتازة

[noon_eg]

الف مبروك عليك العربيه اللزقه !

انا بقى لى 10 سنين معايا صنى ومن كتر ما حبتها لزقت فيها ومش عارف اغيرها
عقبال ما نبارك لك على صيانه ال 250 الف زى حلاتى ههههههههههه

[princex1]

ألف مبروك ربنا يبارك فيها و يكفيك شرها

انا عامل 6600 كم العربيه حاجه تانيه بفضل الله
ثم التليين زي ما الاساتذه علمونا