سؤال عن امكانية تركيب حساسات ركن خلفية

[fady_anis]

مساء الخير يا جماعه عايز اعرف امكانية تركيب حساسات ركن خلفيه فى صنى سوبر صالون

2008

وهل من الافضل تتركب فى التوكيل ولا بره ؟

وتكلفتها كام فى التوكيل وكام فى بره؟

وشكراً

[roffa1]

أنا سألت فى التوكيل علشان اركبهم - ولما المهندس عرف ان عربيتى 2010 قاللى ان الفتحات الموجوده فى الاكصدام بتاعى أكبر من من الحساسات الموجوده حاليا فى السوق - وعرض علي انه ممكن يخرم الطبه اللى ساده فتحة الحساس اللى جايه الاكصدام بس انا مرضيتش و قلت انتظر شويه لما تنزل حساسات على أد فتحات أكصدام 2010
أما عن السعر :450 +150 مصنعيه
مع العلم بانه صينى و مفيش منه أصلى -- ولو ركبته بره تخرج العربيه من الضمان لأنك هتلعب فى كهربة العربيه

[fady_anis]

يااااه 600 جنيه يا اما تخرج العربية من الضمان !!!!

[Samir Elshahawy]

انا كنت مركبهم بره الضمان في اللانوس و احسن من اللي بينزلوا في التوكيلات و ب 400 جنيه :
- 4 حساسات خلفية
- شاشة بتعرض المسافة الخلفية بالمتر
- أمكانية بيان الجزء الخلفي الجانبي
- أنذار صوتي و ضوئي

[fady_anis]

كويس جداً يا SE_coralsea بس انا عندى سؤال هل كل حساس ب 100 جنيه ؟؟؟
والسؤال التانى هل 4 حساسات احسن من اتنين ؟

[AHMADKAMAL1]

على فكرة انا لسة مركب حساسات فى التوكيل مودرن موتورز الهايكستب 390 جنية شامل كل شئ وعربيتى سوبر صالون 2009 الشكل الجديد وبتركب فى حلال ساعة

[fady_anis]

طيب كويس جداً يا استاذ احمد كمال مبروك عليك الحساسات
بس انا عندى سؤال انتا ركبت اتنين حساس ولا اربعه؟
وشكراً لمشاركتك

[Samir Elshahawy]

كويس جداً يا se_coralsea بس انا عندى سؤال هل كل حساس ب 100 جنيه ؟؟؟
والسؤال التانى هل 4 حساسات احسن من اتنين ؟

هو الجهاز كله كان ب 400 جنيه و بيكون عبارة عن 4 حساسات دلوقتي علي ما أعتقد سعره أقل
طبعا الاربعة أفضل لأنه كمان بيعطي أحساس بالزوايا الجانبية للأكصطدام الخلفي يعني مش الخلف و بس

عموما الجهاز ده كنت ركبته من عند توكيل كلاريون اللي في مصر الجديدة

[fady_anis]

انا متشكر جداً يا SE_coralsea على مشاركتك بجد انا استفدت
بس انا من المنصورة

[Samir Elshahawy]

انا متشكر جداً يا se_coralsea على مشاركتك بجد انا استفدت
بس انا من المنصورة

ممكن تسأل عليه في المنصورة هو ماركة "سيمفوني" و الحساسات منها ألوان علشان تناسب لون عربيتك و كمان ممكن ترشها مع الاكصطدام مافيش مشكلة

و لو مش لاقي الجهاز عندك ممكن اجيبه و أبعته لك و حد يركبه لك هناك لأن تركيبه سهل, بس الافضل أنك تركبه هنا عند "كلاريون" علشان هما نضاف أوي في شغلهم

[fady_anis]

متشكر جداً يا SE_coralsea

[AHMADKAMAL1]

العفو يا استاذ فادى ان ركبت اتنين وبيغطو كل العربية لكن ممكن تركب اربعة بنفس السعر بس هيخرم فى الأكصدام لأن الشكل الجديد فية مكان جاهز للسنسور وهو فتحتين فقط بالاضافة الى شاشة بتعرض المسافة الخلفية بالمتر
- أمكانية بيان الجزء الخلفي سواء يمين او شمال
- أنذار صوتي و ضوئي

[fady_anis]

متشكر مره تانيه يا استاذ احمد كمال
ومش هتفرق بقا 2 من 4 حساسات بقا هه اصل اللى عندى سوبر صالون 2008 مش مجهزة للحساسات فا كده كده هيخرم.