سيات كوردوبا افضل من النيسان صنى

[Mohamed.Ramah]

السلام عليكم ورحمة الله

انا عاوز اعرف هل النيسان صنى موديل 2008 افضل من سيات كوردوبا 2008 وبالنسبة للفرق بينهم اية وايهما افضل وبالنسبة لقطع الغيار هل هى غالية

[asnady]

الصنى عربيه كبيره عن السيات كوردوبا فا مافيش مقارنه على ما اعتقد
كمان معروف ان الالمانى قطع غياره غاليه جدا ( بس انا مش متاكد من الموضوع دا)

[M.almaghraby]

الصنى عربيه كبيره عن السيات كوردوبا

يعني ايه حضرتك...


انا اعتقد عامة ان الكوردوبا افضل

[Mohamed.Ramah]

بعدا اذنم تذكورو مواصفات الكوردوبا والصنى وعيوبهم اية لعمل مقارنة مبينهم لاكن مينفعش ان العربية اطول والعربية التانية احسن انا عاوز رد شامل للمقارنة مبينهم

[Mohamed.Ramah]

انا صرفت نظر عن النيسان صنى

موضوع العزل دة مشكلة لان الواحد حتبقى اغلبية مشاويرة للشروق والرحاب فحيجيلى صداع بسبب الموضوع دة دا انا فى الفيرنا حاسس بالموضوع شوية امال النيسان كمان لا وضيق الكنبة الخلفية وتقل الدركسيون على جنوط 15 نشوفية العفشة والكراسى كمان ناشف انا صرفت نظر عنها خلاص وشكرا لكل اللى رد على اسئلتى شكرا ليكم

[ahmedmohelsayed]

انت اختصرت خالص يا وولف
بس والله جدع
ريحت دماغك
يا رب اعرف اعمل زيك واخد قرار
عشان انا تعبت جدا من الحيرة

[ahmad--ezzat]

موضوع العزل دة مشكلة لان الواحد حتبقى اغلبية مشاويرة للشروق والرحاب فحيجيلى صداع بسبب الموضوع دة دا انا فى الفيرنا حاسس بالموضوع شوية امال النيسان كمان لا وضيق الكنبة الخلفية وتقل الدركسيون على جنوط 15 نشوفية العفشة والكراسى كمان ناشف انا صرفت نظر عنها خلاص وشكرا لكل اللى رد على اسئلتى شكرا ليكم

هو حضرتك متنرفز اوى كده ليه
العربيه مكنه حلوه وجرايه وثابته وقطع غيارها بتعيش...ولو جبت السيات هتتعب معاها

[Ahmed.TV]

السيات كوردوبا 1600 سى سى افضل من النيسان صنى بكتيررررررررررررررررر كفاية انها ماتور المانى فولكس فاجن وماتور الجيتا وفتيس الجيتا وبعدين قطع غيار الاوروبى كمان حتبقا رخيصة ولو كانت غالية دلوقتى عن النيسان صنى فمش غالية اوى يعنى

[ahmad--ezzat]

المواتير الالمانى ليست افضل من اليابانى ولكن كل واحد منهم ليه مميزاته وعيوبه

[M.almaghraby]

...ولو جبت السيات هتتعب معاها

ميين الي تعب مع السيات؟.

المواتير الالمانى ليست افضل من اليابانى ولكن كل واحد منهم ليه مميزاته وعيوبه

يعني موتور bmw m3 ولا مايفك؟

[zico900]

ميين الي تعب مع السيات؟.



يعني موتور bmw m3 ولا مايفك؟

1+

والله الراجل ده بيكلم كلام زي الفل!

[khpopo]

كوردوبا
ربنا وفق

[م.محمد علاء]

مش عارف..حاسس إن المقارنه بينهم متنفعش..
زى مقارن بين..رونالدو..و كارلوس..ده حاجه وده حاجه..
النيسان أسلوب صناعه و قياده مختلف..و السيات دى مدرسه تانيه خالص..
النيسان أنا شايف إنها سياره عائليه الطبع نوعا ما..
السيات مش كده خالص..دى عربيه شبابى نوعا ما.يعنى.ممكن تقارنها مع المازدا مثلا.
بس النيسان.عربيه يتقال عليها .ترضى جميع الأزواق بنسب معقوله

[sab3aawy]

السيات كوردوبا 1600 سى سى افضل من النيسان صنى بكتيررررررررررررررررر كفاية انها ماتور المانى فولكس فاجن وماتور الجيتا وفتيس الجيتا وبعدين قطع غيار الاوروبى كمان حتبقا رخيصة ولو كانت غالية دلوقتى عن النيسان صنى فمش غالية اوى يعنى

انا مش من انصار اليابانى او الأوروبى وبحترم الاتنين، لكن شايف ان حكاية(موتور ألمانى) دى مش مقياس ، لأن الفيليشيا كانوا بيقولوا عليها موتور المانى وشفنا منها الويل، والأوكتافيا برضه ماشية رافعة العلم الألمانى المزعوم فوق دماغها ومع ذلك سحبها ضعيف بالمقارنة بأى عربية يابانى او حتى كورى فى فئتها، والأوبل كورسا"هاتشباك" كانت موتور ألمانى ومع ذلك بتسحب لما يجيلها مزاجها مش لما بمزاج اللى سايقها
ارجو ميتفهمش من كلامى انى بقول ان الكورودوبا وحشة لأنى مجربتهاش، لكن المقصد ان كلمة"موتور المانى" لا تصلح كحجة لا رد لهالإسكات المعارضين، التجربة هى المحك الوحيد، والكوردبا قليلة جدا فى مصر وليس لها سمعة معروفة سواء بالخير او بالشر، ولا نستطيع الحكم عليها لمجرد انها تحمل تحت كبوتها"موتور ألمانى" بدون تجربة او خبرة عدد من مالكيها الأمناء

[م.محمد علاء]

انا مش من انصار اليابانى او الأوروبى وبحترم الاتنين، لكن شايف ان حكاية(موتور ألمانى) دى مش مقياس ، لأن الفيليشيا كانوا بيقولوا عليها موتور المانى وشفنا منها الويل، والأوكتافيا برضه ماشية رافعة العلم الألمانى المزعوم فوق دماغها ومع ذلك سحبها ضعيف بالمقارنة بأى عربية يابانى او حتى كورى فى فئتها، والأوبل كورسا"هاتشباك" كانت موتور ألمانى ومع ذلك بتسحب لما يجيلها مزاجها مش لما بمزاج اللى سايقها
ارجو ميتفهمش من كلامى انى بقول ان الكورودوبا وحشة لأنى مجربتهاش، لكن المقصد ان كلمة"موتور المانى" لا تصلح كحجة لا رد لهالإسكات المعارضين، التجربة هى المحك الوحيد، والكوردبا قليلة جدا فى مصر وليس لها سمعة معروفة سواء بالخير او بالشر، ولا نستطيع الحكم عليها لمجرد انها تحمل تحت كبوتها"موتور ألمانى" بدون تجربة او خبرة عدد من مالكيها الأمناء

حقول إيه؟؟؟رد ميطلعش من حد غيرك يا بشمهندس والله..
فعلا حاجه غريبه ..كل متيجى سيرة عربيه المانى ولا أوروبى عموما
يقولك د موتورها فلانى..وهو اليابانى ماله؟