حادثة والعربية لسه زيرو..

[wounded]

السلام عليكم اولا...
كنت ماشى فى امان الله قام دخلت عليا عربية من العربيات القديمة موديل 1940 .( عربية حديد ).
وجرت عربيتى حوالى متر من الجنب.
وطبعا نزلت من العربية متوقع الاقى الجنب كله متاكل خالص.
بس لقيت الحمد لله خبطه بسيطة قطرها حوالى 10 سم على الرغم ان العربية اتخبطت جامد.
والخبطة جت فى الرفرف الجانبى الامامى من ناحية السائق وطبعا عدلتها على البارد بس انتو عارفين ان العدل على البارد بيسيب اثر فى الدهان وبيبوظ شكل العربية.
فياريت تدلونى ادخل العربية الفرن وادهنها دوكو . مع العلم ان العربية اسود ميتاليك.
ولا اغير الرفرف كله .وفى الحالة دى عايز اعرف كام سعر الرفرف فى التوكيل.
ولا اسيبها كده واهى بتشيل العين ...؟
منتظر الردود .......

[A.Saad]

سيبها فترة تشيل العيون

[م.محمد علاء]

انا شايف بردو انها تتساب عشان العين فعلا..وأهو مفيش عربيه فى مصر ماشيه ومفيهاش خبطه

[fady_anis]

سيبها كده احسن عشان العين

[nab!l]

لاحول ولا قوة الا بالله

[sab3aawy]

تدهنها او تسيبها دى مسألة تخضع لقدرتك على تحمل منظرها، انا شخصيا لو دى عربيتى مش هقدر امشى بيها بالمنظر ده متر واحد، لكن فيه ناس بتقدر تتحمل

طالما ان الرفرف قبل التصليح على البارد يبقى اكيد لما يتعمل علىالسخن هيطلع كويس وبالتالى لا داعى لشراء رفرف، كما ان الأسود من الألوان سهلة الدهان ومش بيعمل فروقات لون(صحيح هى العربية صنى وللا تيدا وللا ايه؟ لو صنى تبقى مش ميتاليك لأن اسود الصنى المجمعة فى مصر مش ميتاليك، حتى لو كان البياع قال لك غير كدة، اللون الميتالك هو اللون اللى بيكون فيه حبيبات فضية موجودة ضمن اللون ومرئية بالعين ويتم رشه على طبقتين، طبقة اللون اولا ثم طبقة المثبت الشفاف ثانيا، وجميع الوان الصنى الموجودة فى مصر ميتالك ماعدا الأبيض والأسود،لو تيدا او موديل آخر احتمال تكون ميتالك وان كنت لا اذكر انى شفت تيدا اسود ميتاليك)

[wounded]

العربية نيسان صنى اسود موديل 2010.

[kasten]

الحمد لله جت بسيطه

[wounded]

انا عايز اضرب مكان ا لخبطة اسود زى الاول.
بس مش الرفرف كله اعمل ايه ؟
ولو وديتها التوكيل ودهنهالى هل حيدهنلى الرفرف كله ؟ ولو ده حصل بكام تمن الدهان؟؟
ياريت اللى يعرف يرد علشان انا خام فى حكاية الدهان دى..

[princex1]

الف سلامه

متابع علشان عندي حته صغيره في العتب و خايف من البارومه

[mohamedhamam]

سيبها شوية و قدر الله و ماشاء فعل