هل أجزاء الصنى ماليزى وليس يابانى ؟

[alrabeh]

كنت عند مركز الخدمة الخاص بى (شيفرولية) فقلت أسأل الميكانيكى رأيك ايه فى الصنى ؟
قاللى عربية كويسة بس الجديد كل اللى فيه ماليزى سألته طيب والجير بوكس قاللى ماليزى برضه
على فكرة أنا لسه لم أشترى الصنى حتى الآن بس فوجئت صراحة بكلامه خللى الواحد محتار أكتر
هل فيه حد من الإخوة معنا ممكن يفيدنا فى هذا الموضوع الهام والأهم لو حد يعرف حد فى أى مركز خدمة يكون قريبه او صاحبه حتى يصدقه القول
لأننى على حسب ما أنا فاهم كل القطع والأجزاء الأساسية يابانى والباقى مصرى!

[kita66]

كلها اختراعات

[د.محمود صلاح]

الموتور والفتيس يابانى أكيد

[hany79]

سيبك من الغث ده
كل اللي فيها يأما ياباني يأما مصري
لكن قصة ماليزي دي ده بيحلي بضاعته و يخبط في الباقي
يا شيخ ده اللمبات الصغيرة و البلاستيكات مكتوب عليها Made in Japan

[fady_anis]

كله made in japan يا باشا ماعدا الاجزاء البسيطه البلاستيكيه زى وصلات الكهرباء والبطاريه والاكسدامات والمرايات

[mahamedaraby]

بجد بليه المصرى مش هيبطل يخترع ويفتى وهو ممكن اصلا ميعرفش ان شكل الصنى اتغير او نزل تحت عريبه صنى موديل 2009 علشان يعرف هو يابانى او ماليزى

بالنسبه للعربيه الفتيس والموتور يابانى ميه فى الميه

[lamada]

العربيه النيسان حاجتها بتيجى من اليابان وشششششش

[alrabeh]

شكرا لكم على الردود والمشاركات وبارك الله فيكم

[pharonicking]

يابانى تقفيل مصرى""

[mohamedhamam]

بجد بليه المصرى مش هيبطل يخترع ويفتى وهو ممكن اصلا ميعرفش ان شكل الصنى اتغير او نزل تحت عريبه صنى موديل 2009 علشان يعرف هو يابانى او ماليزى

بالنسبه للعربيه الفتيس والموتور يابانى ميه فى الميه

يابانى تقفيل مصرى

[azhk]

النيسان الموجودة فى الخليج حاليا هى صناعة ماليزية فعلا وهذا شئ مؤكد حيث اننى سألت عنها فى التوكيل هنا فى الامارات وهذ هو الشكل الجديد للصنى وهذا يعطى انطباع ان مكوناتها فعلا ماليزية لانه من غير المعقول ان تكون ماليزية فى الخليج وتكون هنا ماتزال يابانية فى مكوناتها الميكانيكية ليس هذا تقليلا منها فى مصر لكن المنطق يقول ان اليابان لن تصنع هذه الاجزاء خصيصا لمصر هذا مااعلمه والله اعلم

[hgavrdi]

السياره فى السعوديه صناعه كوريه وشكرن

[sab3aawy]

السيارة الموجودة فى الخليج صناعة كورية وهذا لا علاقة له بمصر لأنه بالنسبة لا نيسان لا تصنف مصر ضمن اسواق الشرق الأوسط، وموقع نيسان الشرق الأوسط لا يشمل مصر ، وانما تصنف كمنطقة منفصلة لوجود مصنع بها، وبالتالى ليس معنى ان نيسان طرحت الانتج الكورى فى الخليج ان مصر لازم تاخد بالجزمة علشان مترفعش عينها فى عينين اسيادها الخليجيين ، هذة ادارة وتلك اخرى ولا علاقة بينهم فى تفاصيل سياسات التصنيع والتسويق

لكن الامر المؤكد تماما ان كل مكونات السيارة الصنى المجمعة فى مصر مكتوب عليها بوضوح باللغة الانجليزية انها مصنوعة فى اليابان مع وجود اسم الشركة المصنعة اليابانية فى معظم الاحيان مثل نيسان او دنسو او ميستوبيشى او هيتاشى او بريدجستون ...الخ

[Usama Nagi]

بس اللي اعرفه من ويكيبيديا ان انتاج الصني متوقف في اليابان من 2004 يبقي ازاي العربية بتجيلنا ياباني

[alrabeh]

أعتقد لازم حد يكون عارف حد فى مصنع نيسان أو ادارة أحد الموزعين الكبار
مع العلم بأن الراجل اللى قاللى أنا أعرفه كويس وليس له مصلحة فى قول هذه المعلومة