تغيير كاوتش الصنى

[wael_ao]

سيارتى وصلت الى 60000 كم . برجاء الافاده عن انواع الكاوتش و اسعارها......وشكرا

[mohamedway]

بريدجستون يابانى turanza gr-80 وسعر الفرده هتبقه فى حدود من 620 إلى 650 جنيه.

[sab3aawy]

لو الكاوتش مش مضايقك فى حاجة ممكن تستعمله لفترة اطول ، 60 ألف كم للاطارات مقاس 13 بوصة ممكن يقابلها حوالى 70 ألف كم للاطارات مقاس 15 لأن القطر الخارجى للفردة اكبر بحوالى 15% مما يعنى انها تلف عدد لفات اقل بحوالى 15% لنفس المسافات وهذا ينعكس مباشرة على تعرضهل للتآكل ، كما ان النوعية المباعة مع السيارة(بريدجستون) يمكنها ان تتحمل حتى 80 ألف كيلومتر بدون مشاكل، لذلك انت ممكن تحتفظ بالكاوتش لفترة قادمة

[mzaher]

الميشلان

انا رايي تجيب الميشلان احسن لان سعره تقريبا زي البريدجستون واكيد احسن

[mohamedway]

انا رايي تجيب الميشلان احسن لان سعره تقريبا زي البريدجستون واكيد احسن

البريدجستون اليابانى أفضل و عن تجربه للأتنين فى أكتر من مقاس و موديل و ده لا يقلل من الميشلان لأنه طبعا ممتاز و لكن جميع تجاربى العملية و خبرتى الشخصيه بتقول بريدجستون يابانى.

[ahm128]

انا لسه مغير الكاوتش كنت عامل 55000 وركبت بردجستون turenza -gr80 وهو فيه ميزة انه ملوش صوت مع الارض يعنى افضل من اللى كان راكب فيها وتمنه 515 جنيه من توكيل بردجستون نفسه فى محطة كالتكس بعباس العقاد وبيتباع فى السبع 620 ومودرن موتورز 750 وهو افضل من ميشلان لان ميشلان في منه صينى أو تركى

[TopDom]

[overline]بالمناسبة يا جماعة، أنا معايا سوبر صالون 2009 ودوست على كوباية قزاز قطعتلي الكاوتش، المهم رحت اشتري فرده بدلها، الواد بتاع الكاوتش قالي إن الجنط بتاع السوبر صالون ممكن يركب عليه كاوتش عرض 195 مش 185 زي الفابريكه بتاعها
طبعا أنا ركبت ال 185 عشان الأربع فرد يبقو زي بعض، لكن كنت حابب أتأكد من موضوع المقاس الأكبر عشان لما آجي أغير الأربع فرد (كمان 50 ألف كيلو كده) أركبهم كلهم 195
[/overline]

[mohamedhamam]

بريدجستون يابانى أفضل بكل تأكيد و لكن فرق سعركبير بين توكيل بريدجستون و السعر اللى بره

[mzaher]

انا لسه مغير الكاوتش كنت عامل 55000 وركبت بردجستون turenza -gr80 وهو فيه ميزة انه ملوش صوت مع الارض يعنى افضل من اللى كان راكب فيها وتمنه 515 جنيه من توكيل بردجستون نفسه فى محطة كالتكس بعباس العقاد وبيتباع فى السبع 620 ومودرن موتورز 750 وهو افضل من ميشلان لان ميشلان في منه صينى أو تركى

هو البريدجستون ماركه شهيره وممتازه ولكن في ناس كتير بتقول انو ناشف شويه وبالنسبه للسعر انا اعرف واحد بيبيه الميشلان الالماني ب 500 جنيه وممكن يعمل تخفيض كمان لو هتغير ال اربع كاوتشات انا شايف ان في الحاله دي الميشلان يكسب

[mzaher]

[overline]بالمناسبة يا جماعة، أنا معايا سوبر صالون 2009 ودوست على كوباية قزاز قطعتلي الكاوتش، المهم رحت اشتري فرده بدلها، الواد بتاع الكاوتش قالي إن الجنط بتاع السوبر صالون ممكن يركب عليه كاوتش عرض 195 مش 185 زي الفابريكه بتاعها
طبعا أنا ركبت ال 185 عشان الأربع فرد يبقو زي بعض، لكن كنت حابب أتأكد من موضوع المقاس الأكبر عشان لما آجي أغير الأربع فرد (كمان 50 ألف كيلو كده) أركبهم كلهم 195
[/overline]

والله انا كمان هغير قريب ال كاوتش وفي ناس كتير نصحوني اني اغير المقاس الي 195/60/15 بدلا من 185/65/15 اللي نازل اصلا مع العربيه وقلولي انو متجرب ومابيعملش مشاكل في العفشه وبيدي stability اكتر للعربيه الحقيقه انا لسه ماغيرتش وياريت لو حد عنده معلومه يفدنا بيها

[ashrafafify]

نصيحتي استنى الprofit share وهات حاجة نظيفة

[ahm128]

انا رأى ان العربيه ثابته كويس ومش مستأهلة تغيير المقاس لانى انا اعرف العرض الزيادة فى العجل يخلى سحب العربيه اقل - صوت العربية مع الجرى اعلى - استهلاك بنزين اعلى

[mzaher]

انا رأى ان العربيه ثابته كويس ومش مستأهلة تغيير المقاس لانى انا اعرف العرض الزيادة فى العجل يخلى سحب العربيه اقل - صوت العربية مع الجرى اعلى - استهلاك بنزين اعلى

علي حد علمي الكلام ده صحيح لو انت عرضت الكاوتش اوي يعني مثلا من 185 الي 205 وياريت المهندس سبعاوي ياكد المعلومه دي

[T_M_Zenhom]

أنصحك بالبريدجستون يابانى ودة مش هتلاقية كتير للأسف لأنى لفيت علية وفى الأخر لقيتة فى مركز السبع ب 600 جنية +60 جنية ضريبة مبيعات يعنى الأجمالى 660 جنية للفردة وجميع الأماكن إللى سألت فيها شكروا جدا فيها وفى قوة تحملها

[ahm128]

زى ماسبق وأوضحت انه فى توكيل بردجستون نفسه ب 515 فقط ولو مش موجود بتحجز (من غير فلوس) وتسيب رقم تليفونك وهيكلموك اول لما يوصل وده توكيل بردجستون بمحطة كالتكس بتقاطع عباس العقاد مع مصطفى النحاس بمدينة نصر