سؤال في الترخيص

[Rawan]

انا غيرت عنوان مشاركتي السابقة يمكن اي حد يرد المرة ده علي أسئلتي

كان ليه استفسار بخصوص الترخيص المعرض سلمني ورقتين واحدة "خطاب مرور" و الثانية "شهادة ملكية" و قالولي ان الشهادة دي لازم اروح أختمها من مرور بين السريات لانهم مسجلين فية (علي فكرة انا اشتريتها من مودرن موتورز الدقي و كنت بصراحة مستعجلة اوي علي الورق). ممكن لو حد عمل الموضوع ده قبل كدة يقولي وهو فعلا لازم أختم من مرور السرايات ولا ممكن من أي مرور تاني.

و ياريت لو حد ممكن يفيدني فية أوراق تانية مطلوبة للترخيص ولا ايه؟ و المفروض اجيب المثلث و الشنطة ولا لأ؟ بصراحة انا مش عارفة حاجة خالص.
معلش هتعبكم بس دي اول عربية ليه

[wounded]

الف مبروك على السيارة.
انا مش عارف حكاية انك تروح السرايات دى بس مفيش مشاكل مش حتاخد منك وقت.
وطبعا لازم تشترى طفاية حريق والكيلو تقريبا فى حدود 130 جنيه.
لكن الشنطة والمثلث المرور بيوزعهم لما ترخص العربية مجانا.( لسيارات الاجرة بفلوس ).
من الاخر تاخد معاك حدود 800 جنيه لو حترخص سنة وحده. ( ده اللى صرفتو من 4 شهور لما رخصت ).
يارب اكون افدتك.

[Rawan]

شكرا

انا متشكرة جدا. انا فعلا كنت محتاجة المعلومات دي.

[A.Saad]

هما ممكن يختموها وياخدوا بالكتير 50 او 60 جم وممكن تروحى انتى تختميها
انا ااعرف انها مش صعبة
بس لازم المرور اللى قالوا عليه

[AhmadKamal]

انا غيرت عنوان مشاركتي السابقة يمكن اي حد يرد المرة ده علي أسئلتي

كان ليه استفسار بخصوص الترخيص المعرض سلمني ورقتين واحدة "خطاب مرور" و الثانية "شهادة ملكية" و قالولي ان الشهادة دي لازم اروح أختمها من مرور بين السريات لانهم مسجلين فية (علي فكرة انا اشتريتها من مودرن موتورز الدقي و كنت بصراحة مستعجلة اوي علي الورق). ممكن لو حد عمل الموضوع ده قبل كدة يقولي وهو فعلا لازم أختم من مرور السرايات ولا ممكن من أي مرور تاني.

و ياريت لو حد ممكن يفيدني فية أوراق تانية مطلوبة للترخيص ولا ايه؟ و المفروض اجيب المثلث و الشنطة ولا لأ؟ بصراحة انا مش عارفة حاجة خالص.
معلش هتعبكم بس دي اول عربية ليه

Tab3an lazme kont tseeb modern motors homma elly ykhalasouha,

anyway, If they canm still do it, go on,

if not, U have to go there and ask @ the unbit leader office from ehere to sign and register this certificate.

God luck and I recommend to go again to Modern motors and ask them for finalizing this issue.

Cheers

[Bishoy.Girgis]

علي فكرة حضرتك المفروض ان المعرض هو اللي كان يختم الورق ده مش حضرتك اللي تروحي المشوار ده خالص
انا مرخص عربيتي نيسان 2009 من سنة بالظبط بـ 1000 جنيه ترخيص ثلاث سنوات بالنمر الجديدة و طفاية جديدة

[mohamedhamam]

أولاً: ألف مبروك على السيارة و ربنا يديكى خيرها و يكفيكى شرها
ثانياً: المفروض هما اللى يختموا الورق و ليس حضرتك و لا داعى للأستعجال و بالذات فى أنتظار أوراق السيارة
ثالثاً : ترخيص السيارة لمدة 3 سنوات بطفاية جديدة 2 كيلو يعمل فى حدود 1200 جنيه و هذا ما دفعته أنا شخصياً و ليس منقول عن أحد