عيب واضح من المصنع 2010 صنى

[eyadmorsy]

السلام عليكم ورحمة الله وبركاته،
أولا حسبى الله ونعم الوكيل، لسة جايب 2010 ب 93500 ( قبل ما تنزل ب 91000) وطلع فيها طنابير خلفية وبلى امامى بايظين ارسلت شكوى للمصنع وطنش طبعا السبع غيرهم مجانا فى ال1000 لكن يعنى ايه يحطوا قطع غيار بايظة فى المصنع؟؟؟؟؟؟؟؟؟؟؟؟؟؟؟؟؟؟؟
انا بنشر الموضوع ده عشان تخلوا بالكم التجربة اللى مريت بيها ..............
حكايتى من الأول رحت المعرض - اشتريت فى نفس اليوم تقريبا - طبعا العربية جديدة مش هكشف على الموتور ولا هرفع فى بنزينة ولا هجيب ميكانيكى معايا وهى دى غلطتى طالما احنا فى مصر والمصنع والتجميع مصرى ، حتى التجميع مش عارفين نجمعوا .. امال حنفلح فى ايه .. مش عارف .. المهم كشفت طبعا على الفوانيس والأشارات والبودى اللى هى الحاجات اللى الواحد بيكشف عليها والعربية واقفة لأنها جديدة - بعدين اتصال منى للمعرض تانى يوم شكوى بانى بسمع صوت خبط متتالى عند الضغط على الفرامل لحين الوقوف ( طلع فيما بعد طنابير خلفية) كمان طقطقة عند اللف لأقصى اليسار ( طلع فيما بعد بلى امامى خلانى اقعد فى التوكيل من 9 صباحا ميعاد دخول السيارة للفحص الى 5 مساء ميعاد انتهاء المواعيد فى الصيانة وكتر خيرهم السبع غيرهم واكتشف العيب منين) طبعا المعرض قاللى ولا يهمك فى صيانة ال1000 كم هيشوفوا الحاجات دى واكبد بسيطة .. يا اخوانى العربية جديدة ازاى يركبوا قطع غيار بايظة من المصنع لآنه اول ما اتركبت الجديدة فى الصيانة المشاكل راحت وازاى اقعد يوم كامل فى الصيانة والعربية لسة جديدة .
قال شاطرين يحطوا ok على فرش الكراسى دليل انه اتراجع وكلوا تمام ، احنا عندنا فرش فى البيت المهم قطع غيار الميكانيكا محتاجة ال ok دى .

انا عاوز ارسل شكوى لليابان حد يدلنى عليهم؟
وشكرا وأسف للإطالة.

[cameeron]

ده العادى يا صديقى كده تبقى انت اكيد اكيييييييييييد فى مصر و لو حصل غير كده تبقى صدفة و تجميع ايه اللى هنعمله صح اذا كان الكوريين و الصينيين اللى شغالين ليل نهار مش عارفين يحمعوا عربية صح احنا هنعملها صبح صبح يا عم الحاج و شكوتك لنيسان العالمية مش هتعمل حاجة لان المصنع اللى بيجمع هنا هو تبع نيسان نفسها مش راجل اعمال واخد توكيل و بيجمعلهم

[ahmed_aly78]

السلام عليكم ورحمه الله وبركاته

طبعا انا مضايق جدا من ال حصل لسيادتك لكن لازم نفهم اننا بشر وارد فينا الخطا يعنى انا شغال فى شركه كمبيوتر وارد يطلع جهاز من الشركه خطا وكذلك الجهاز من الخارج مثل dell يحدث فيه خطا
انا ارى انك تحمد الله ان مركز خدمه السبع قام بتغير هذه العيوب
نظرا لقله عدم الضمير فى ايامنا يوجد بعض التوكيلات بتخرب سيارات وتحملها على المستهلك ويمكنا التاكد من ذلك من خلال جهاز حمايه المستهلك
بالاضافه ان مشكلتك حاله نادره ولا تتكرر كثيرا
اما لموضوع الكراسى معروف اى سياره تجميع محلى الكراسى بتاعتها مش كويسه لكن من ناحيه جوده السياره وسعرها اعتقد انها معقوله افضل من سيارات اخرى بالسوق المصرى
واتمنى من الله ان المشكله التى واجهتك لاثؤثر على فرحتك بالسياره

[Elsayed]

انا فعلا اول مره اسمع بمشكله زى دى وان شاء الله تكون حاله نادره والحمد لله ان التوكيل حلها لك.

[aboezz44]

الحمد لله ان التوكيل حل المشكله
ياما سيارات بماركات عالميه بتشتريها زيرو وتفاجئ بعيب صناعه يرفض التوكيل التدخل لحله
المشكله دى حصلت لخالى وكان شارى فيكترا مو 2002وكان فيها صوت زنه فى العربيه من ورا واكتشف انه بلى وطنابير والتوكيل رفض يتدخل لحل المشكله رغم ان العربيه كانت عامله 2500كم فقط وصباح الطناش الى عايشوه فيه
فالحمد لله ان مشكلتك اتحلت

[romeo_6887]

المهم العربيه اتظبطت و لا لأ ؟
و يا تري دفعوك كام ؟؟؟؟؟؟؟؟

[ahmed1981]

طالما كان ردهم إيجابي
وظبطوا العربية
وغيروا كله في الضمان بدون تلاعب
يبقى مفيش مشكلة
والحمد لله
بتحصل في أحسن الماركات

التوكيل الحرامي بيظهر في هذا الوقت ويحاول التهرب من إصلاح السيارة

[د.محمود صلاح]

بس المفروض يكون فيه pdi فحص ما قبل التسليم اللى بيكون مكتوب عليه ok ومعناه ان العربية قبل ما تطلع من المصنع بيتكشف عليها كويس قبل التسليم

[eyadmorsy]

شكرا لوقوفكم معى

السلام عليكم اخوانى /

شكرا لوقوفكم معى فى هذا الموقف الغريب ، فمن الممكن سيارة تطلع من المصنع بعيب صغير غير ملاحظ زى ما حصل من درج التابلوه فى نفس السيارة دى كل شوية يخرج من مكانه وحاجات صغيرة مذكرتهاش ومش هذكرها فى نفس السيارة برضه 2010 لكن اللى انا بتكلم فيه عيوب رئيسية طنابير وبلى اكتشفته من اول يوم استعمال لى .. ازاى تخرج من مصنع محترم بالشكل ده.. الصراحة صديقى لمل اشترى السيراتو قبل ما اجيب النيسان قلت له عيب تترك الصنى وتجيب كورى وانت صاحب معرض سيارات وعارف الكلام ده كويس قال لى عشان كده دى تجميع كورى ودى مصرى معرفتش كلامه غير ما جربت وعلى فكرة واحد شغال فى توكيل نيسان قال لى مشكلة الطنابير دى عادى بس البلى مش عادى !!!!!!!!!
انا بكتب عشان عاوز المصريين يبقوا حاجة .
وخايف جدا جدا جدا جدا زى ما ذكرتوا سابقا ان المشكلة دى تكررت فى ماركات تانية انه يكون نظام سرقة من المصنع ينزل عربية فيها ( قطع غيار بايظة) مع ان طبعا قطع الغيار بتييجى من اليابان وطبعا بختم ok ، المصنع يضع البايظة وياخد السليمة يعيد بيعها لأصحاب قطع الغيار وده ممكن يكون اسلوب سىء من عمال المصنع اللى بيجمعوا العربية .. المهم بتنزل تسليم بايظة او مغشوشة .........
والطامة الكبرى اذا ما اكتشفتش العيب ده فى صيانة ال 1000 كم المجانى ، طبعا هموا بيشتغلوا على كده عديت الفترة المجانى واشتكيت ما لكش حاجة غير ادفع واستلم لآنهم كده كده بيحاسبوا ( التوكيل بيحاسب المصنع) على كل قطع الغيار المصروفة مجانى فى صيانة ال1000 كم
وشكرا

[mohamedhamam]

حضرتك يجب أن ترسل فاكس أو خطاب الى المصنع بالشكوى و على فكرة هم بيهتموا جداً بمثل هذه الشكاوى و ستجد اهتمام بالغ بهذه المشكلة و ستتلقى اتصالات عديدة منهم لمعرفة تفاصيل المشكلة

[kita66]

الحمد لله جت سليمه

[eyadmorsy]

حضرتك يجب أن ترسل فاكس أو خطاب الى المصنع بالشكوى و على فكرة هم بيهتموا جداً بمثل هذه الشكاوى و ستجد اهتمام بالغ بهذه المشكلة و ستتلقى اتصالات عديدة منهم لمعرفة تفاصيل المشكلة

أخى العزيز م / محمد همام

أرسلت بالفعل شكوى رسمية للمصنع (مصر) بالورق الرسمى كله وارفقت رقم موبايلى للرد ولكن لا حياة لمن تنادى .
الصراحة انا دخت من كثر اللف على مواقع نيسان للشكوى ومش لاقى منفذ عشان اقدم اللى بيحصل ، طبعا الواحد دافع 93500 اظن مش شوية وحرام عربية زيرو اقعد يوم كامل فى التوكيل لإصلاح .
وشكرا لك لردك وشكرا للجميع.

[Ahmed.TV]

ابعت تانى وتالت ومش تسكت على حقك ابدااااااااااااااااااااا

[K_Morsy]

ابعت لجهاز حماية المستهلك .. لهم موقع على النت فيه كل البيانات
.. انا لقيت فيه خبر بالأهرام (اليوم) كالتالي :
إلزام تويوتا بحماية المستهلكين المصريينالقاهرة ـ من محمود دياب ـ طوكيو ـ وكالات الأنباء:

تم الاتفاق مع شركة تويوتا مصر علي إلزامها بتطبيق نفس المعايير التي تطبقها شركة تويوتا العالمية, صرح بذلك سعيد الألفي رئيس جهاز حماية المستهلك.
-----------------------------------------------
ادخل على هذا اللينك فيه كيفية تقديم الشكوى.. والله الموفق
جهاز حمايه المستهلك

[eyadmorsy]

نعم إخوانى سوف ارسل فاكس مرة اخرى وبعدها علطول لحماية المستهلك ولو انى خايف الرد يكون خلاص العربية اتصلحت. هروح انام عشان انا تعبيت من كتر اللف فى موقع نيسان العالمى مفيش قسم للشكاوى