نصب ولا ايه

[samar828]

السلام عليكم ورحمه الله وبركاته
انا عضوه جديده في هذا المنتدي بس ليه استفسار خطير جدا انا معايه عربيه اوكتافيا واخويه معاه عربيه نيسان صني 2009 عمل بيها حادثه شنيعه بس الحمد لله هوه بخير وتمام التمام العربيه اتصلحت بس ناقصها الموتور لانه اتفتفت خالص والبلوك اتكسر حتى البساتم طلعت بره من مكانها
الميكانيكي قاله لازم موتور روحنا نجيب موتور من الحرفين لاقينا الراجل بيطلع موتور موديل 2001 من نص عربيه شكلها قديم الاشاره منفصله عن الكشاف غير شكل النيسان 2005 خالص لان من 2005 لغايه 2009 الشكل واحد اما الشكل اللي شفته من بدايه 99 لغايه 2002 على ماعتقد وبعدين بينزل 1300 سي سي بس مفيش 1600 منه المهم الراجل بيقنعنا بالورق الافراج الجمركي انه الموتور 1600 وان العربيات ديه بره مش زي مصر 1300 بره 1600 اما بتنزل مصر 1300 طبعا هل ممكن يبقى في نصب في الموضوع ده واتاكد ازاي ان الموتور ده 1600 ولا 1300 بغض النظر عن الافراج الجمركي وياريت الرد بسرعه لاننا لسه مشتريناش وشكرا لكم اخواني

[د.محمود صلاح]

الف سلامة واهلاً بك عضوة جديدة في المنتدى ,, ياريت تحطى مشاركة في قسم الورشة فرع المحركات هنا في المنتدي عشان الإخوة هناك يردوا ويفيدوكي بصورة صحيحة .

[sunny4ever]

الصراحه معنديش فكره بس انتبهي كويس عشان فعلا الصني كانت بتنزل 1300 لغايت فتره قريبه

[omar-saad]

هوة الموضوع دة صحيح ان الفترة دى كانت النيسان بتنزل بموتور 1300 سىسى فقط
بس دا مايمنعش انها كانت برة بتنزل بموتور 1600 و1800 كمان
لكن انتى لازم تتاكدى
ممك ميكانيكى معرفة يبصلك عليها بس يكون متخصص وفاهم شغلة كويس
وربنا يوفقك ويسلم اخوكى

[engineerahmed]

السلام عليكم
الرد على سؤال حضرتك بايجاز شديد
1- السيارة النيسان مو 2001 سعتها اللترية 1300
2- المحرك به كربراتير (و ايس انجكشن)
3- ممكن ترسلى لى رقم المحرك لافادتك ببياناته
مهندس/احمد

[romeo_6887]

حضرتك لازم تخدي ميكانيكي ثقه و بيفهم عشان يشوف المحرك معاكي

[A.Saad]

هل لو انتى جبت محرك مكانش بينزل هتلاقوا قطع غيار بسهولة
لانه هيكون مختلف فى كل حاجة
بساتم وسلندر وعمود كرنك .... الخ
وهل البائع بيقنعك بمحرك سعته غير اللى فى الورق

[aymenseef]

السلام عليكم
الرد على سؤال حضرتك بايجاز شديد
1- السيارة النيسان مو 2001 سعتها اللترية 1300
2- المحرك به كربراتير (و ايس انجكشن)
3- ممكن ترسلى لى رقم المحرك لافادتك ببياناته
مهندس/احمد

الكلام ده مش مظبوط
النيسان الصني ليها 3 مواتير 1.3 1.6 1.8
انا طبعا بتكلم على الصني الشكل من موديل 2001 الى 2010
الاختلاف فى الموديلات من 2001 الى 2003
ومن 2004 الى2009 و2010 فى شكل الفوانيس وعلبه فيوز والرفارف والشنطه
انا عربيتي 2002 1600 سي سي لما اروح اشتري اي قطعه غيار للميكانيكا بقوله موديل 2008 او 2005 او 2002 مش هتفرق خالص
المواتير دي كلها انجكشن
ومن الاخر الموتور ال 1300 بيبقى لون غطاء التاكيهات (وش الموتور من فوق ) فضي
اما المواتير ال 1.6 و 1.8 بيبقى اسود
المواتير ال 1600 كودها بيبقى qg16de والكود ده بيبقى محفور على البلوك