هل التييدا غير ثابته عالطريق ؟

[rafeee2]

الموضوع ده ملوش علاقة بالثبات أوى بمعنى العفشة
الموضوع ده سببه حاجتين:
العربية عالية عن الأرض
العربية نفسها ارتفاعها كبير (يعنى من أرضية العربية للسقف)

ده بيتسبب فى ان مركز الثقل يبقى عالى عن الأرض، مما يسبب سهولة تأثر العربية بأى رياح عرضية (Crosswinds) أو كمثال المرور بجانب سيارة نقل

بالضبط زى ما بيقولو فى الكورة إن اللاعب الطويل بيقع أسهل من اللاعب القصير اللى من صنف مارادونا كده!

ممكن محاولة علاج الموضوع ده عن طريق زيادة ال Down force عن طريق توطية العربية و اضافة spoiler (بجد مش منظر بس) و Splitter/Diffuser.

[abou_ruqi]

الحمد لله العربية ثابتة جدا , بعكس معظم الأسيوي
والسفر بيها ممتع ده علشان الثبات و كمان كراسيها مريحة جدا

[funy76]

العربية ثابته جدا على الارض بعد تجربتي لأكثر من عربية .. وركوبي بعدها للتيدا ما شاء الله ثبات ممتاز واتزان على الطريق .

[Hamada_sheble]

يا جماعه والله العربيه ثابته جدا والله وانا سوقت عربيات كتير اوي و عارف كنت ماشي 190 غرز والله عالدائري، رغم انها عاليه، بس اللي عايز اقولو الكاوتشات لو منفوخه زياده و لو حاجه بسيطه اوي بتفرق جامد جدا، العرببه قربت عالسنه معايا، الباور فيها جامد جدا يضرب الباور بتاع اللانسر و المازدا 3 بالجزمه بموأخذه

[alhamza]

يا جماعه والله العربيه ثابته جدا والله وانا سوقت عربيات كتير اوي و عارف كنت ماشي 190 غرز والله عالدائري، رغم انها عاليه، بس اللي عايز اقولو الكاوتشات لو منفوخه زياده و لو حاجه بسيطه اوي بتفرق جامد جدا، العرببه قربت عالسنه معايا، الباور فيها جامد جدا يضرب الباور بتاع اللانسر و المازدا 3 بالجزمه بموأخذه

معلش ممكن استفسار انا معايا تيدا اوتوماتك وثابته فعلا جدا وجبت بيها 190 و195 كمان بس يعني ايه لو الكاوتشات منفوخه زياده هتفرق يعني احسن ولا اوحش اما الباور فهوا كهربا علشان كده خفيف وبيتقل مع السرعه اما حكاية عاليه فدي حكايه تانيه العربيه ارتفاعها عن الارض واطيه وجرب كده جمب اي رصيف من بتوع المحروسه الاصليين واركن جمبه هتلاقيها خبطط فيه وده اللي مديها ثبات رهيب وعلي فكره هيا اوطي من الصني اما ارتفاع السقف فعالي جدا وده اللي بيدي احساس بالاتساع وطبعا اعلي من الصني

[Ash]

انا معايا تيدا 2008 سيدان
العربية ثباتهما ممتاز لحد 140
اكتر من كده لو انت ماشى على طريق الساحل مثلاً و الهوا جامد هتحس انها خفيفة وانك مش متحكم فيها
انا عن نفسى كنت بجربها بس........لكن مش بحب امشى على سرعات عالية و اكتر سرعة ممكن امشى بيها 120.....علشان كده مش شايف ان ده عيب فيها
لكن واحد قريبى غاوى 160 و 180 و السرعات الغريبة دى......مانبسطش منها خالص
بس ده مش هينبسط من الفئة دى على الطلاق
العربيات اللى تبقى وحش على الطريق فى السرعات الجنونية هى الفئة اللى بتبدى بالجيتا و الباسات و الفئات الاعلى من الالمانى

[ahmad--ezzat]

انا معايا تيدا 2008 سيدان
العربية ثباتهما ممتاز لحد 140
اكتر من كده لو انت ماشى على طريق الساحل مثلاً و الهوا جامد هتحس انها خفيفة وانك مش متحكم فيها
انا عن نفسى كنت بجربها بس........لكن مش بحب امشى على سرعات عالية و اكتر سرعة ممكن امشى بيها 120.....علشان كده مش شايف ان ده عيب فيها
لكن واحد قريبى غاوى 160 و 180 و السرعات الغريبة دى......مانبسطش منها خالص
بس ده مش هينبسط من الفئة دى على الطلاق
العربيات اللى تبقى وحش على الطريق فى السرعات الجنونية هى الفئة اللى بتبدى بالجيتا و الباسات و الفئات الاعلى من الالمانى

تصدق وتؤمن بأيه....(قول لا اله الا الله)
انا معايا النوبيرا جامده جدا جدا واجمد من الصنى فى الثباات...واعمل بيها اللى انت عاوزه على 160 و170.....
الجين 2 ملاكها بيقولو انها ممتازه....والفيات لينيا كمان جمده....فى عربيات كتير رائعه واقل من الجيتا والباسات

[bona]

العربيه ممتازة يا جماعة ... انا بجيب ال 140 طبعن محدش محتاج يجيب اكتر من كده ... و ثابتة بدرجة مرضيه جدا ... مقارنه بغيرها احسن ميت مرة من الايلنترا و السيراتو و ... و الباور ممتاز جدن بردو

[Hamada_sheble]

يعني ايه لو الكاوتشات منفوخه زياده هتفرق يعني احسن ولا اوحش

العربيه بتبقي طايره طبعا و مش ثابته خالص و بتحس انها بتتزحلق عالارض، و صوت الكاوتشات صوته بيعلي و انت ماشي، لازم تتأكد ان الكاوتشات متظبطه كويس.

[Hamada_sheble]

تصدق وتؤمن بأيه....(قول لا اله الا الله)
انا معايا النوبيرا جامده جدا جدا واجمد من الصنى فى الثباات

انت جبت العربيه اللي مينفعش تتكلم فيها في الموضوع ده خالص، قريبي كان مهندس في مصنع دايو اللي في 6 اكتوبر معروف عندهم ان النوبيرا بتعوم جامد، اكتر من اللانوس كمان، واحد صحبي عدا ما بين تريللا و الرمل بيقلي لمست الرمل بس اتقلبت 4 قلبات، انا بقولك كده عشان تاخد بالك بس، ربنا يستر طريقك و طريقنا.

[Hamada_sheble]

علي فكره الهاتش باك من السيدان تفرق في الستابيليتي و اللي فيها جنط و اللي مفهاش تفرق برده

[scorpion_81]

انا من عشاق الجميلة تيدا......
بصراحة يا جماعة العربية معايا بقلها سنة بس العربية ثبتها جيد جدا و لكن ليس ممتاز , بمعنى انا جبت بيها 180 و بصراحة العربية كانت ثابتة على الطريق لا بتحدف و لة حاجة بس لما بتيجى شوية هواء جامدين على الطريق السريع بتحدف و اعتقد ان دة طبيعى فى اى عربية و الباور الكهرباء ملوش اى دعوة.. و شكرا

[Elsayed]

هى فعلا ثابته ولكن لانها مرتفعه عن الصنى مثلا او غيرها فتاثير الهواء بيكون اكبر

[yasoxp]

انا من عشاق الجميلة تيدا......
بصراحة يا جماعة العربية معايا بقلها سنة بس العربية ثبتها جيد جدا و لكن ليس ممتاز , بمعنى انا جبت بيها 180 و بصراحة العربية كانت ثابتة على الطريق لا بتحدف و لة حاجة بس لما بتيجى شوية هواء جامدين على الطريق السريع بتحدف و اعتقد ان دة طبيعى فى اى عربية و الباور الكهرباء ملوش اى دعوة.. و شكرا

+111111111111111111

[Hamada_sheble]

ماهو حوار الهوا ده في اي عربيه، الcivic اكتر عربيه ثابته تقريبا في الياباني و فيها الحوار ده، عشان دي حاجه physically لازم تحصل، بس ببختلف الاحساس بيها من عربيه لعربيه.