استلمت الصني ومحتاجة رايكم الكريم

[jasenanno]

أنا جبت الصني 2010 اتوماتيك اللي فيها abs من السبع ورخصتها الحمدللة واحب أشكر كل الناس اللي في المنتدى هنا على مشاركتهم المفيدة في أي استشارة بتتبعت. حصلت معايا حاجة كده بعد مااستلمت العربية لقيت العداد مش شغال,المندوب اللي كان معايا قال لي دي فيشة كده بس عايزة تتركب بس أنا مش عارف مكانها وده عادي اغلب المعارض بتعمل كده ,المهم عديت على معرض جنب البيت خليت واحد هناك راكبهلي والحمدلله العداد اشتغل.
العربية اتخدشت و اطبقت بسيط كده جنب باب السواق والبواب كان بيركنهالي المهم الحمدله إنها جت على اد كده ,أنا كنت عايزة اخد رأيكم في شركة التأميين اللي أؤمن فيها على العربية وهل عادي أؤمن على العربية وهيا كده ولا اعالج الخدش والتطبيقة دي الاول واعالجهم في صيانة الألف ولا في مكان بره ولا إيه و اي احسن شركة تأمين,آسفة على التطويل وشكرا جدا لوقتكم

[khaled_amer]

اولاً: الف مبروك على السيارة الجديدة
ثانياً: بالنسبة لفيشة العداد , دي غالباً بيشيلوها بتوع المعرض علشان عداد الكيلومتر ميعدش و هما بينقلوا العربيه من مكان لمكان
ثالثاً: قدر الله و ماشاء فعل و الحمدلله ان الخبطه بسيطه, بس يستحسن تتصلح قبل العربية ما تتصور و يتامن عليها, و كان احسن انك تعملي التامين قبل ما تتطلعي من المعرض و قبل الترخيص
على العموم قدر الله و ماشاء فعل
المهم بالنسبة لشركات التامين انا افضل الشركات الخاصة لانها بتكون اسرع في حالة وقوع الحوادث, و عن تجربة شخصية انا جربت شركة حكومة "من غير ذكر الاسم" و كانوا بيعذبوني لغاية ما اخد فلوس
عموما انا دلوقتي مشترك مع شركة اسمها aig و هي حتى الان جيده

[zalpany2000]

أولا الف الف مبروك
ربنا يبارك ليكي فيها ويكفيكي شرها
الخبطة مش يستحسن انها تترد .. لا .. دي لازم تترد بدل ما يطلعولك الرش من التأمين

فعلا aig سمعتهم كويسه .. وهما اسمهم دلوقتي اتغير مش عارف الاسم الجديد زي ما استاذ خالد قالك
و عن تجربة في حادثة بعربيتي ..allianz اكتر من ممتازين
والشيك بيطلع في اقل من اسبوع
و أسمع كمان عن دلتا سمع كويس

وربنا يعافيكي وايانا و ما تحتاجيش ليهم خالص ان شاء الله
تحياتي

[khaled_amer]

أولا الف الف مبروك
ربنا يبارك ليكي فيها ويكفيكي شرها
الخبطة مش يستحسن انها تترد .. لا .. دي لازم تترد بدل ما يطلعولك الرش من التأمين

فعلا aig سمعتهم كويسه .. وهما اسمهم دلوقتي اتغير مش عارف الاسم الجديد زي ما استاذ خالد قالك
و عن تجربة في حادثة بعربيتي ..allianz اكتر من ممتازين
والشيك بيطلع في اقل من اسبوع
و أسمع كمان عن دلتا سمع كويس

وربنا يعافيكي وايانا و ما تحتاجيش ليهم خالص ان شاء الله
تحياتي

انا لسه مجدد التامين من شهرين و الاسم لسه aig
فعلا انا سمعت انا allianz ممتازين

[mohamedhamam]

ألف مبروك ربنا يديكى خيرها و يكفيكى شرها و صدقينى خليها كده شوية تأخذ العين و بعدين إبقى فكرى فى إصلاحها و حقيقة أنا غير مأمن على عربيتى و مش حاقدر أفيدك فى هذا الموضوع

[sas5]

اختى العزيزه مادام سوف تامنى اذهبى الى السبع او مودرن موتورز
وشوفى هم بيتعاملوا مع اى شركه واعملى التاعقد من خلال مركز الصيانه.
وذذلك لانه سوف يوفر عليكى التعب مستقبلا فى حاله حدوث ايه مشكله.
لانه سوف يكون عليكى تسليم العربيه لمركز الصيانه وهم يتولون الموضوع مع شركه التامين

[romeo_6887]

1000000 مبروك

[alrabeh]

كونتاكت كارز أغلى شوية بس أفضل شركة خاصة انك تقوم بتسليم السيارة للتوكيل وهم الذين يقومون بالدفع مباشرة له
أما شركة وثاق الأرخص نسبة فقامت بتعذيب أحد أصدقائى بشكل عجيب على مطالبة ب 2000ج لدرجة ان صديقى هذا لو افتكر مشاويره لهذه الشركة لمدة شهرين واتصالات لا نهائية بيتضايق بدرجة لا تتصورها شركة فعلا لا تستحق الإشتراك فيها

[jasenanno]

اشكركم جميعا على ردودكم السريعة واهتمامكم الكريم ,في ناس قالتلي إن مصر للتأمين كويسة ,أي رايكم وكمان كنت عايزة اعرف اظبط الخبطة دي في التوكيل احسن ولا في أي مكان بره و هل لو ظبطه في التوكيل التأمين هيكتب الموضوع ده برده ويؤثر على التأمين ولا عادي ولو ظباطها بره اظبطها فين.شكرا

[AhmadKamal]

Good day,


I10000000 trillion mabrouk,

Sorry for hearing about the accident,

I had a small accident before and I fixed the car @ Alsab3 @ Zahraa almaady

For the insurance company, I had bad experience about the gameeya before,

So be away from them,

I heared that Allianz is a good company,

Go to Alsab3,

ask them what company are they dealing with, and You can do insurance with them there


Good luck and wishing You a safe ride ISA....


Cheers

[ddddd]

الف مبروك يا باشا و ربنا يحفصلك عليها بس انا عندى سوال هى العربية شكلها زى 2008 &2009 و لا اتغيرت انا لسة شايف صنى كان شكلها تحفة و مختلف خالص و كانت ملاكى مش جمرك معلش هتعبك معى

[haythoomatos]

شركات التأمين

يستحسن التأمين فى شركة مصر للتأمين او كنتاكت كارز... انا كنت مأمن فى شركة مصر للتأمين و الإصلاحات اتكلفت 10 الاف جنيه فى التوكيل... انا معايا ميتسوبيشى لانسر.. المهم... انا دفعت العشر تلاف جنيه و استلمتهم من شركة التأمين بعد 3 شهور بالظبط... بس كانو ناقصين حوالى 600 جنيه فرق استعمال و حاجات كده ... تحذير من التأمين تبع معرض السيارات لأن معظم المعارض بتأمن تبع الجمعية التعاونية للتأمين و دول نصابين و حرامية و معروف عنهم كده... يحظر ايضا التعامل مع شركات التأمين الخاصة لأن معظمهم نصابين فى ظل عدم وجود حكومة تدافع عن حق المواطن المصرى ...

[د.محمود صلاح]

الف مبروك وننتظر التقييم والسعر

[waelbaha]

السلام عليكم يا جماعه

ياترى كونتاكت كارز فيها تامين اسلامي ولا مافيش النظام ده عندهم
وهل لو عملت تامين بنظام اسلامي بيبقى مش تامين شامل
ياريت تفيدوني في الموضوع ده لاني اعرف ان التامين العادي ده مالوش فايده اما التامين الشامل فهو حرام
وشكرا لردودكم مقدما

[Eng_Nissan]

مبروك على العربيه اولا
تاني حاجه اسالي في الوكيل اذا كانوا بيتعاملوا مع شركة تأمين معينه ولا لأ عشان ده هيبقى افضل . انا لما كنت في نيسان كنا بنتعامل مع شركه اسمها aaa , ده هيبقى افضل و اسهل حاجه ليكي , ومش شرط تعالجي الخبطه قبل ما تأمني عليها .