مصرى بالخارج يفكر فى شراء نيسان ؟

[Omarmax]

كل عام وانتم بخير جميعاً، أنا مصرى مقيم بالخارج وانوى العودة الى مصر فى الصيف المقبل نهائياً وبعد بحث طويل بأفكر جدياً فى شراء سيارة نيسان صنى سوبر صالون لأنى مقتنع انها افضل سيارة فى السعر والمواصفات بس ...........بصراحة محتار ناس تقول العفشة ناشفة وناس تقول صوت الموتور عالى ..........وناس تقول ان اللانسر افضل ..........وانا عايز اقول حاجة لانى انا عندى فى مصر حالياً سيارة لانسر مركونة موديل 2005 خليجى 1300 اتوماتيك والسيارة دى للأسف مش زى ما الناس يتقول عليها وبتشكر فيها خالص للأسباب التالية:
1- سحب السيارة ضعيف جداً حتى معى البنزين 92.
2- العربية بتعمل صوت وهى ماشية على الارض زى ميكون صوت رولمان البلى بيزن بشكل سخيف وفى التوكيل قالو لى عادى؟
3- استهلاك البنزين عالى .
4- صوت الموتور عالى جداً وفيه خشونة مزعجة فى السفر.
4- تشعر ان السيارة ورق خالص خاصة عند غلق الابواب.
طبعاً السيارة فيها مميزات: مثل انعدام الاعطال / الثبات على السرعة والطرق السريعة / شكل التابلوه جميل / امتصاص المطبات بشكل جيد.

أنا متردد شوية بالنسبة للنيسان لانى لم اجربها حتى الان وانا حاليا فى رومانيا ومفيهاش نيسان صنى علشان اقوم بتجربة. اتمنىان النيسان لا تكون بها هذه العيوب.
ومؤخراً قمت بتجربة لمدة يومين كل واحد فيهم استخدمت فيه الكورولا الجديدة 2008 وكذلك الشكل القديم 2007، وبصراحة الشكل القديم من ناحية متعة القيادة والراحة وعزل السيارة من الداخل لا يعلى عليها، اما الجديدة مش زى الـ 2007 فى العفشة والرحة، بس بصراحة التجهيز الداخالى ممتاز والتابلوه خرافى .

سؤال الى كل من لديهم نيسان صنى:
هل أقدم على حجز الصنى سوبر صالون اخذاً فى الاعتبار السعر.
ما هو الاختلاف بين الـ 1600 اتوماتيك والسوبر صالون؟
هل العفشة وامتصاص المطبات زى الكورولا او قريب منه؟
ما هى فترة الحجز لحين الاستلام.
متى سيتم تجميع الشكل الجديد الى موجود على الانترنت؟
يعنى ارجوكم عايز نصيحة علماً انى لايمكن ان ادفع اكثر من 100 الف جنيه.

شكراً الى جميع اعضاء النتدى.....
omarmax

[cpt_shawky]

هتبيع اللانسر بكام ؟

[sab3aawy]

لو عايز رأييى كاحد ملاك النيسان صنى وبقالها معايا 10 آلاف كيلومتر تقريبا

لو اللانسر مش عاجباك الصنى مش هتعجبك لان الإتنين قريبين من بعض جدا

انا معايا الصنى ومبسوط منها جدا وشايف انها ممتازة، لكن طبيعة الإحساس باداء السيارة بتختلف من واحد للتانى فممكن تكون النقط المهمة بالنسبه لك غير التى تهمنى، لان انا انا لما بركب اللانسر بحس ان اللانسر والصنى واحد تقريبا، يعنى السحب والثبات على الأرض وصوت المحرك مش فارق خالص بين اللانسر وبين الصنى ، يمكن الفرق الوحيد اللى حسيته ان الصنى الأتوماتيك بتطلع من الثبات اسرع من اللانسر الأوتوماتيك شوية (المقارنة هنا بين سيارتين 1600 سى سى) وبالمقابل اللانسر الأوتوماتيك غياراتها انعم شوية من الصنى(يعنى مش بتحس بنتشة النقلة من غيار لغيار) فلو اداء اللانسر مش مناسب لتصورك فأنا لا انصح انك تبيعها وتجيب صنى لانك مش هتحس بفرق، يا إما تقبل اللانسرعلى عيبها يا إما تعلى الميزانية شوية وتجيب حاجة زى الهوندا سيفيك مثلا ، لأن السيفيك فعلا مستوى تانى

[Omarmax]

بصراحة مش ناوى ابيع اللانسر لأنها سيارة زوجتى لكن .........لو سيارتى كنت بعتها من زمان

[Omarmax]

شكراً يا سيد سبعاوى على ردك بس المشكلة ان الميزانية كده على الاخر خالص......وهل يمكن اجد كورولا موديل 2006 مستعمل خفيف 1300 اتوماتيك ولا افضل انظر فى الياريس 1300 فول ابشن؟ بصراحة محتار؟

[الريس]

لو عاوز تحس بفرق في الاداء فعلا .. فكر في سيفيك او ميجان

لو عاوز تاخد كماليات اكتر بنفس سعر الصني .. ممكن تفكر في الواجا .. و زميلنا ابو عبد الرحمن ممكن يفيدك

غير كده السيتي 1500كويسة

اما مستعمل .. مش هتنبسط اوي...من كورولا 300 لو لانسر مش عاجبكتسارع بتاعها

[Omarmax]

انا مفكرتش فى الهوندا سيتى واعتقد انها فكرة جيدة وبالنسبة للميجان انا عارف انها اكتر من 100 الف بكتير ، هل هناك صور فى المنتدى للهوندا سيفك والهوندا سيتى؟

[hh]

الصني vs لانسر 1300

بعد اذن حضرتك يا باشمهندس سبعاوي انت بتقارن الصني ب لانسر 1600. أنا ما سوقتش الاثنين بس سمعت شكاوى كتير جدا من لانسر 1300 أوتوماتيك خصوصا في السحب عكس الانسر1600 أوتوماتيك التي يشكر فيها الجميع. في حين أن الصني سحبها ممتاز بشهادة أصحابها (و أنت أولهم يا باشمهندس) فيا ريت حضرتك تقوللنا رأيك في الصني من حيث النقاط التي أبدى صاحب السؤال مضايقتها له في اللانسر 1300.

[dreslam]

هوه انا اعتقد انه لا يمكن مقارنه اللانسر 1300 بالصني 1600 خاصه الاوتوماتيك لان سحب الصني 1600 الاوتوماتيك جبار والنتشه بتاعه الغيار الاوتوماتيك انا مش باحس بيها "صني 1600 اوتوماتيك ياباني 2005" والعفشه بتاعتها كويسه جدا اما عن متانه "الابواب بالذات" فهي متينه وتقيله .بالنسبه لصوت الموتور انا بحس انو عالي زي اللانسر والعزل برضه زي اللانسر لكن لا بسمع اصوات ولا غيره ولو قفلت الزجاج بخ ما فيش صوت.ومرة تانيه اضيف "سحب الاوتوماتيك الصني 1600 جبااار"

[sab3aawy]

الحقيقة انا ماسقتش اللانسر 1300 ولذلك قصدت انى اوضح ان المقارنة كانت بين سيارتين صنى ولانسر1600، وكما قلت فإن الصنى بتسحب احسن من اللانسر 1600 مقابل غيارات انعم شوية للانسر ، فيما عدا ذلك انا محسيتش بفروق جوهرية، لكن اللى اعرفة عن اللانسر 1300 كله من واقع كلام اصحابها ومعظمهم اجمعوا على ان المانيوال معقولة جدا لكن الأوتوماتيك بطيئة شوية

[dr_3eshoo]

توكل على الله في الصني و متخفش احسن من اللانسر 1300
صوت الصني عالي نسبيا بالنسبه للبسات المفروض اني مسمعلهاش صوت دي الصني طبعا
في السفر مش مزعجه خالص قصدي ان الصوت عالي نسبيا بس متحسش بيه خالص هتحس بزنه عاليه شويه
الاداء ممتاز زي مقال سبعاوي
بس هيا اضيق من الانسر مش ضيقه في العرض قصدي في الطول
الصاج ضعيف بس احسن من الانسر
في المطبات معقوله مش وحشه
بس لو فكرت شويه هيا احسن عربيه بسعرها في اتلوقت الحالي

[Omarmax]

شكراً جداً يا باشا

[أبو_حمزة]

زى ما اخونا سبعاوى قال بالضبط
لو لانسر مش عاجباك يبقى اكيد صنى مش ها تعجبك بغض النظر عن انهم عاجبين ناس تانيين أو لا
خد بالك كمان ان صنى تجميع محلى و ممكن تحس ان تقفيلها أقل جودة من لانسر
و يا اخوانا العربية مش سحب بس
لو مدايق قوى من لانسر (و بالقياس عليها الصنى) يبقى لما تيجى بالسلامة ان شاء الله بص على ياريس و ستى (ال2 1300 )
اما لو تقدر تزق الميزانية فيبقى فى اقتراحات تانية
و فى اقتراح مختلف تماما
عربية المدام مش ها تتباع
و بما انها سيدان يبقى تعتبرها عربية العيلة و العربية الجديدة تجيبها صغية هاتش باك
فى الحالة دى ممكن جدا سيريون 1500 اتوماتيك تعجبك
ها تكون فى حدود الميزانية (حوالى 90-94) + فيها كل المميزات اللى عايزها مع شنطة صغيرة