ممكن حد يقولى ليه ده بيحصل

[hanyelrakhawy]

النهارده .... و بعد صلاة الجمعه ... لقيت عربيتى - ex 2010 - واحد الله لا يسامحه مجرح الشنطه بمسمار و تجريح بشكل فيه غل واضح .... مش بس كده .... كمان كلمة صنى - Sunny - متشاله و غالباً الكلام ده تم إمبارح بالليل لإنى لحد الساعه 12 إمبارح بالليل مكنش فيه أى حاجه ..... و العربيه لونها إسود و التحريح باين فيها جداً .... ممكن حد يقوللى ليه الناس بتعمل كده .... بصراحه حاجه تقرف

[fady_anis]

يبقى انت اكيد اكيد فى مصر

[mohamed10]

طب ممكن تفسر لى سرقة علامة الصنى من على الشنطة فى عز الضهر فى المدينة الجامعية بالقاهرة وحد يخبط الرفرف ويطبق جزء من الكبوت والعربية راكنة اسفل البيت بدون ماتعرف اى حاجة الخلاصة قول الحمد لله انها بتيجى على قد كده وربنا يسامحهم ولاد الحرام دول ويجعل كيدهم فى نحرهم

[fady_anis]

هقول لك يا mohmed10 يبقى انت اكيد اكيد فى مصر
وربنا يهدى

[Mostafa.Mahran]

المشكلة انك لو فكرت فى سبب واحد مقنع يخلى اى حد يعمل كده مش هتلاقى

[ahmad--ezzat]

تلاقيه واد بيلعب بمسمار....

[aymenseef]

معلش قدر الله وما شاء فعل
الناس دي مريضه نفسيا
وانا معاهد نفسي لو قفشت واحد منهم
هموته ضرب او احطه على الكابوت وادخل فى الحيطه

[mohamedhamam]

صدقنى حصل معى هذا الموقف منذ أسبوع بمسمار و لف على داير العربية و هات يا تجريح و عربيتى لونها أسود زيك بس الحقيقة طلع ذوق و لم يسرق العلامات مع العلم أنها مركونة فى جراج طبعاً سايس الجراج خد حقه و زيادة و لكن ما هى النتيجة فى النهاية الحمد لله و قدر الله و ما شاء فعل و ربنا يهدى و يصلح الحال

[أحمد علاء]

ربنا يصبرك ويخفف عنك ما تجد من هذا الموقف السخيف
بس عموما في ناس لم تربى ولم تعرف الصواب من الخطأ لكنها تعرف علوم كثيرة ولغات عديدة ودول موجودين حوالينا . وهم لا يعرفون عاقبة التعدي على ممتلكات الأخرين وجزاءة عند الله
الخلاصة مفيش اخلاق ولا خوف من ربنا ولا ابسط مبادئ الدين
ربنا يستر على حالنا

[sunny4ever]

هانعمل ايه بس كلنا بنتعرض لكده الحل اللي وصلتله هو انك لازم تغطي العربيه بغطا water proof عشان ماتبقاش متاحه قدام اي حد ولو حصل كده تاني يبقي اعرف ان ده حد متعمد وقاصدك انت شخصيا

[omar-saad]

والله دى ناس مقرفة وخللو الواحد يتشل
عييل صغير برضة تانى يوم جبت فى الكورولا بيلعب على الرفرف اللى ورا اكس او
والمصيبة انو المسمار مش خربش بس
لا دا فحر جوة الصاج
انا مش عارف اقول ايه بس

[hanyelrakhawy]

انا متشكر جداً يا جماعه على ردودكم .... بس أعتقد إن الفحر م كانش بمسمار .... ده غالباً بمفك .... لإن فيه قرصه تحت الكلمه اللى متشاله و بالمناسبه الكلمه اللى متشاله هى ExSaloon مش Sunny زى م كنت كاتب - ساعة م كنت بكتب أول مره كنت بكتب بإنفعال - و أعتقد إن اللى عمل كده واحد من بتوع الميكروباصات - السوزوكى - لإنى من إمبارح للنهارده شوفت أكتر من سوزوكى معلقين تقريباً مش أقل من 3-4 ماركات على عربياتهم ... بس هقول إيه .... حسبى الله و نعم الوكيل فى اللى عمل كده و فى أهله كمان لو كان طفل -لإنهم م عرفوش يربوه -

[esraa29]

انا بقي عارفه الناس دي بتعمل كده ليه
الناس دي حاسه بحقد وغيظ فظيع من اي حد راكب عربيه ومتهيألهم ان الي راكب عربية ده بيلعب بالفلوس لعب وخصوصا لو كانت العربيه جديدة
فعشان كده هما بيعملوا كده (بيفشوا غلهم ).
تعرف انا اشتريت عربية اسبرنزا مو 2010 سودة وبصراحة العربية شكلها جميل وملفت
عايزة اقولك من ساعت ما اشترتها وكل ما انزل اركبها الاقي حاجه شكل
مرة الاقي حد مجرحها من الجنب ومره الاقي حد فاتح المرايات ولاعب فيها وانت عارف المرايات دي اتوماتيك ماينفعش يتلعب فيها بالايد وهكذا وهكذا اخر ما زهقت اشتريت غطاء وغطتها بيه ومن ساعتها ما مافيش حد بييجي جنبها
فانا بانصحك تجرب تغطيها وربنا يبعد عنك كل سوء

[Eng_Nissan]

يا ريس ابتسم انت في مصر .
طب هقولك حاجه ..
انا يوم ما رشيت عربيتي تاني يوم مباشرة 4 مرات ورا بعض حد يريح عليه من ورا عالاكصدام , لدرجة ان الاكصدام الحديد اتنى في خبطه منهم لاني كنت شايل الفيبر ساعتها .و اتجرحت بعدها بيومين بالمفتاح بطول العربيه .
قول الحمد لله والافضل تغطي العربيه لما تركنها ده هيقلل شويه

[AhmadKamal]

Good day

Unfortunatly, if U cover your car,

The cover will be stolen,

The solution is to catch one of them, and then U shall avoid the word mercy,

Please do not kill him,

Try to make him a good example to all stupid MFs that do
so


Good luck and Rbna y3awad 3aleek,


Cheers