الفرق بين الصنى اليابانى و المصرى

[TOOLA]

يا جماعة استفسار,

هل فى فرق ملموس بين الصنى اليابانى 1600 سى سى م 2005 م و بين الصنى التجميع المصرى بعد 2005.

و يا ترى ايه هى الفروقات ديه لو وجدت.

[fady_anis]

مفيش فرق كبير ولو فى ممكن يكون فى الفرش الداخلى اقل فخامة لكن حلو برضه لكن فى غير كده مأعتقدتش ان فى فروق ملحوظه وتقدر تقول ان المصريه نفس تقفيل اليابانيه بنسبة 90%

[mahamedaraby]

النيسان الصنى والله شهاده حق من احسن العربيات اللى بتخرج من المصنع فى مصر و تقفيل نقدر نقول عليه جيد جدا وهو يعبيه بس فقر بعض الخامات المصنعه محليا لكن كجوده تقفيل عشره على عشره يمكن ده بيرجع ان المصنع مملوك بالكامل لنيسان

[mohamedhamam]

الصنى اليابانى أخر موديل لها كان موديل 2004 و كانت 1300 و ليس 1600 و الصنى المصرى بدأت من 2005 و نزلت 1600 و الفروق ليست كثيرة

[TOOLA]

شكرا لكل من شارك فى الافادة.
أ/ محمد همام, أنا شبه متأكد بنسبة 99% ان صنى نزلت يابانى 1600 سى سى الشكل الجديد م 2005 قبل ماتتجمع فى مصر, و ده كنت قريتو فى المنتدى و كمان من المعروض للبيع موديلات 2005 كلو بياكد انها تقفيل يابانى

[TOOLA]

لكن أنا منمتش عارف الفرق بين اليابانى و المصرى و ان كان الركب اليابانى القديم (شكل 99 و 2003) بيشكر فى التقفيل عن الصنى الجديد و لسه مقابلتش حد معاه ال 2005 عشان أقارن

[noon_eg]

فعلا الصنى نزل منها تقفيل يابانى عام 2005 وكان سعرها ساعتها 109 الف جنيه

المهم الفروق مش جوهريه وتتمثل فى الاتى:

1- الفرش الداخلى فى المصرى الكراسى جودتها اقل وساعات بتزييق وحجمها اكبرمما يسبب ضيق فى المساحه الداخليه
2- الضفيره فى المصرى محليه الصنع مما قد يسبب بعض المشاكل ويتم تغييرها بيابانى فى التوكيل اثناء الضمان
3- الزجاج فى المصرى من مصانع د/ جريش ولا مشاكل فيه
4- البطاريه فى المصرى محليه الصنع ولا مشاكل فيها
5- الموكيت فى المصرى خاماته اقل بدون مشكله جوهريه
6- كاوتش الابواب فى المصرى خاماته اقل مما يسبب سوء العزل الخارجى
7- الدهان محلى بدون مشاكل الا نادرا

باقى العربيه بالكالمل يابانى من موتوروتكييف و بور وعفشه وجر وتعليق وكاوتش وشاسيه وده الاهم

ملحوظه اللى عنده صنى سواء مصرى او يابانى ويعامالها معامله حسنه حتزهقه لانه مش حيبيبعها ولا بعد 10 سنوات
وعن تجربه ممكن تعمل معاك 500 الف كم بدون ما تفتح موتور

تحياتى

[mohamedbook]

ممكمن تتاكد من التوكيل وتعرف اذا كان نزل منها في 2005 يباني ام لا

[أحمد علاء]

ممكمن تتاكد من التوكيل وتعرف اذا كان نزل منها في 2005 يباني ام لا

نزلت ياباني 2005 - 1600 سي سي
انا زميلي في العمل معاه اوتوماتيك 2005 ياباني 100% - 1600 سي سي وكمالياتها من جوه فيها كتير من السوبر صالون زي جراب النظارة مثلا
مفيش فروق زي مالناس متخيلة في جودة التقفيل الفروق طفيفة وبعضها حالات فردية

[TOOLA]

شكرا لكل من شارك