اية اخبار التيدا فى الوقت الحالى

[احمد عزت]

بالنسبة لو الواحد فكر يشترى التيدا الهاتشباك سواء كان الموديل اللى ب 119 او اللى ب 127 موديل 2010 ؟؟؟؟
طبعا انا عارف انها عربية جامدة ومفيش عليها كلام
بس اة اخبار الصيانات وقطع الغيار ومدى اعتماديتها كسيارة معمرة
وهل فى شكل جديد قرب ينزل ولا نيسان بطول شوية فى اشكال عربياتها
وهل تستحق هذا المبلغ....وياريت نعرف من خبراء النيسان الفروقات بين الموديلين ...
وياريت الاخ سبعاوى كمان يشرفنا بردة.........ولكم جزيل الشكر

[abou_ruqi]

بالنسبة لو الواحد فكر يشترى التيدا الهاتشباك سواء كان الموديل اللى ب 119 او اللى ب 127 موديل 2010 ؟؟؟؟
طبعا انا عارف انها عربية جامدة ومفيش عليها كلام
بس اة اخبار الصيانات وقطع الغيار ومدى اعتماديتها كسيارة معمرة
وهل فى شكل جديد قرب ينزل ولا نيسان بطول شوية فى اشكال عربياتها
وهل تستحق هذا المبلغ....وياريت نعرف من خبراء النيسان الفروقات بين الموديلين ...
وياريت الاخ سبعاوى كمان يشرفنا بردة.........ولكم جزيل الشكر

أولا مبروك عليك التيدا مقدما , علشان مفيش حد فكر فيها إلا وبيجبها في الأخر

ثانيا بالنسبة للصيانة
أنا مرتاح لمودرن موتورز اسكندرية و الأخوة في القاهرة مرتاحين للسبع و معتقدتش حتلاقي مشاكل مع مراكز خدمة نيسان

ثالثا : بالنسبة لقطع الغيار
معرفش عنها حاجة , بس لو على القطع الداخلية هي في الضمان لمدة 3 سنين او 100 ألف كيلو , ولو القطع الخارجية أكيد اللي بيجيب عربية بالسعر ده حيأمن عليها , فحنشغل نفسنا بسعر قطع الغيار ليه , هو إحنا حنشتري ؟؟؟

رابعا : الإعتمادية و العمر
دي حاجة بتاعة ربنا , والعربية اول م,ديل فيها 2007 يعني أقدم عربية معملتش 3 سنين لسه وماسكة نفسها كويس , وخلي بالك إنت بتشتري عربية ياباني و نيسان كمان , فمتقلقش

خامسا : بيقولوا الشكل حيتغير 2011 وغالبا ده الشكل الجديد



أنا أعتقد إنها تستحق المبلغ اللي مدفوع فيها خاصة لو البلس , السعر ده يجيب كوري دلوقتي
وبعدين هي كده أرخص بتاع 20 ألف من مثيلتها الكورولا , وأنا في رأيي إنها أحسن منها , طبعا مش حنتكلم عن اليارس اللي في سعرها مفيش مقارنة

إنما أنا مستغرب إنك مسألتش عن الأمان فيها وموتورها والراحة في السفر والعفشة ؟؟؟

على العموم , أي خدمة إحنا تحت أمرك

[AhmadKamal]

It is a great car,

Really I was surprised by all its specification and performance, specially on the high ways,

as all my requirments are in travelling, so it is very good:


1- Fuel consumption: great car.
2- Spare parts: not yet tested, I just made 1070 km
3- Stability: Many brothers here mentioned that its stability is not good,
Till 160 Km/hr, it is good and by the way, this gives U an indication about the performance @ 200 Km/hr or maybe higher.
4- A very good safety features: ABS, EBD and Ba and air bags.
5- I will write it in franco arab: Very Rasheeka,

I was in Alex, when someone cut the road infront of me in a U-turn, I did not push the brakes, I increased the speed and made a good manouver with the car,

Totally,

I recommend it to anyone.


Thank U and Sorry for the long reply,


Cheers

[احمد عزت]

اولا شكرا لرد حضرتك المحترم
ثانيا انا مسألتش على موتورها علشان عارف انة موتور محترم جداوالتكنولوجى بتاعتة سى فى تى زى بتوع التويوتا ويمكن احسن كمان لان اللى يعرف ان نيسان احسن شركة بتصنع مواتير يابانى ناعمة واقتصادية ومعمرة
ثالثا بالنسبة للعفشة فانا ركبتها مرة بالصدفة مع طبيب استاذ لية فى الجامعة وكانت بجد مريحة جدا
رابعا عن الراحة والكماليات بجد تحفة وشكلها الخارجى لا ينم ابدا عن رفاهيتها الخارجية ..كأنهم مش مهتمين بيها اوى من برة علشان الحسد............علشان كدة ما سألتش عن الحاجات دة

بس سألت عن قطع الغيار لانى مش من انصار التأمين وبستحرمة وسايبها على الله بس انا عموما سألت على حاجات بسيطة وعرفت انها زى اخوتها فى نفس الرنج واضف ليها انها معمرة

بالنسبة لسعرها فهية الكاملة ب 125 الهتش او السيدان فهية بسعر الكورى وبغض النظر عن الكورى او اليابانى فهية احسن بحبة حلوين وبتفكرنى بالظبط بالكورولا الشكل القديم

اما الحاجة الوحيدة اللى كنت بسأل عليها هوة تغير الشكل علشان يمكن انا شايف ان الهاتشباك احلى من ورا لكن من ادام مش اوى بس عموما فرق اللون بيغير من شكلها بس لو كل حاجة فيها حلوة ممكن اتغاضى عن جمال وابهار الشكل يعنى .....بس هضايق لو الواحد جبها وكمان كام شهر نزل منها الجديد مع انى عارف ان الجديد بيبقى غالى عن القديم بفرق حلو وساعات ما بيقاش مضمون.....على الاقل القديم متجرب ومضمون.....وبينى وبينكم ما اظنش فية تغير قبل 2012 والصورة اللى حضرتك حاطتها دة دة تيدا عادية بس ملعوب فيها بالفوتو شوب....ولك جزيل الشكر

[abou_ruqi]

بس سألت عن قطع الغيار لانى مش من انصار التأمين وبستحرمة وسايبها على الله بس انا عموما سألت على حاجات بسيطة وعرفت انها زى اخوتها فى نفس الرنج واضف ليها انها معمرة

أنا معاك طبعا
على فكرة أنا لما جبت سيرة التأمين كان قصدي التامين التكافلي (أنا مأمن مع وثاق) ولم يكن قصدي التأمين التجاري
ولكن لإن التامين مش موضوعنا هنا فمحبتش أسهب في الموضوع ده غير لما تسألني

[احمد عزت]

طب لو تكرمت ممكن تشرحلى التأمين التكافلى وتفهمونى وتقولى شروطة ومصاريفة على التيدا كمثال...

[abou_ruqi]

طب لو تكرمت ممكن تشرحلى التأمين التكافلى وتفهمونى وتقولى شروطة ومصاريفة على التيدا كمثال...

تابع من أول المشاركة رقم 43 في الموضوع ده

http://www.nilemotors.net/Nile/61069-a-5.html