ارجو من رجالة النيسان تسعير هذه السياره

[mahmoudysf]

اولا السيارة بتاعة واحد قريبي
نيسان صنى 2008 سوبر صالون
عاملة 10000 كيلو
فاربيقة بالكامل بدون خدش العربيه ما بتشتغلش تقريبا لانو راكب عربيه الشغل
الحالة العامة نادرة
يا ريت تفيدونا سعرها كام
اللون بترولى

[fady_anis]

انا عربيتى نفس الحالة تقريباً مع اختلاف اللون
السعر من 87 إلى 90 ألف جنيه

[elamerstar]

80- 85 ألف جم على اقصى تقدير

[khela]

80- 85 ألف جم على اقصى تقدير

اعتقد كده برضه

[fady_anis]

العربية حالة شاذه يا جماعه
ده احسن من الجديد كمان لأن دى اتلينت

[AHMED12345678]

اخى الفاضل الاستاذ فادى
هو تليين العربية مشكلة علشان المستعمل يكون احسن من الجديد
وادفع 90 الف جنية فى عربية مستعملة وبقالها سنتين ودى التالتة
والفرق بينها وبين الجديدة 9 الاف جنية وكمان شكل قديم ونزل فيس ليفت ليها.
بيتهيألى مع احترامى لحضرتك وكتير اعتقد هيتفقوا معايا ان دة كلام غير منطقى بالمرة.
تقبل تحياتى

[fady_anis]

طيب تفسرلى بأيه عربية تويوتا كورولا موديل 2004 لسه متباعه من كام يوم على 95 ألف جنيه وكانت عامله 17 ألف كيلو

[elamerstar]

اولا لا تصدق كل الى بيتقال فى البيع والشراء
ثانيا ممكن تكون الكاملة اوتوماتيك فى التويوتا 1600
ثالثا ممكن الى اشتراها فاكر انه الموديلات الجديدة وحشة (مثل استدعاء شركة تويوتا لبعض موديلاتها )وبتروح الصيانة وفيها عيوب ومشاكل الفتيس الجديد وكده
اخيرا البيع والشراء نصيب وكل واحد بيشترى وفقا لرغباته وامكاناته وممكن يضحى بفلوس زيادة من اجل مايريد ان يشتريه
هذا تفسيرى والله اعلم

[AHMED12345678]

سيدى الفاضل تفسيرى الوحيد
للى يشترى عربية تويوتا كرولا موديل 2004 بالمبلغ دة فيعتبر انسان احمق
وفى مصر يوجد ناس بسطاء فى مسألة شراء السيارات المستعملة وبيسلموا ودنهم لاى حاجة تتقلهم
كمان الناس فى مصر غالبا بيبصوا لمسالة ان العربية فابريكة حت لو فات على موديلها عشر سنين وبينسوا مسالة العمر الافتراضى للاجزاء الميكانيكية للسيارة حتى لو مشيت كيلو ميترات قليلة.
وان ممكن السيارة تكون فابريقة ولكن تبهدلوا صرف على الميكانيكا.
وبفرض ان الحالة الميكانيكية للسيارة كويسة اية الى يخلي انسان يشترى عربية كورولا موديل 2004 بالسعر دة مع ان ممكن بالسعر دة يجيب كورولا موديل 2007 واتوماتيك و1600 سى سى وفيس ليفت جديد وهتكون بردة حالة ممتازة وشاذة زى ما بتقول.
التفسير الوحيد انة انسان احمق
وعلى رأى المثل الى معاة قرش محيرة يجيب حمام ويطيرة

[fady_anis]

سيدى الفاضل تفسيرى الوحيد
للى يشترى عربية تويوتا كرولا موديل 2004 بالمبلغ دة فيعتبر انسان احمق

عندك حق بأمانه انا يوم ما عرفت انه دفع فيها المبلغ ده كان نفسى اقوله كده بس مرضتش اطفى فرحته بالعربيه.

[mahmoudysf]

شكرا لكل اللي رد ومستني باقى الردود

[AhmadKamal]

It is a very good car,

In fact its a deal,

I think that the fair price will be about 78000 to 80000 EGP as the Sunny does not have a good resell value,

90000 EGP
It gets U a Sunny model 2009, @ the second end of it and the Km is about 12000 Km,


Thats the egyptian market, wallaho a3lam, even it may be less than this

Wallaho a3lam...



Cheers

[mahmoudysf]

طيب لو فلنا ان السوبر صالون 2010 ب 100000 والعربيه اللي بنتكلم عليها بحالتها دي هل تنزل اكتر من 15 الف جنية لمجرد انها 2008 رغم ان مفيش تغيير جذري بين المودلين

[mohamedshalaan]

السلام عليكم
شفت عربيه سوبر صلون 2009 و 17 الف ك وبيتكلم 82000 السعر ده كويس