Nissan Sunny

[AhmadKamal]

Hello All

Do You regret buying a Sunny ? and Why?

I mean, if time gets back, would You buy Nissan Sunny again or You would have changed your mind????

And what would be your new car @ that time????

Cheers

[Bishoy.Girgis]

بصراحة انا مندمتش اني جبت نيسان صني و يمكن لو كان معايا اكتر من 90000 جنيه يعني لو 100000 كنت هشتري السوبر صالون
لأن بصراحة انا بحب اوي اوي الياباني و لو كان معايا 130000 جنيه كنت هجيب التويوتا كورولا بس بشكر ربنا اني مش معايا المبلغ الا و كان زماني دلوقتي عند جهاز حماية المستهلك

[fady_anis]

لو رجع بيا الزمن كنت هشتريها برضه

[hanyaly]

بصراحه كنت هشترى السوبر صالون

[AhmadKamal]

بصراحه كنت هشترى السوبر صالون

Hello Mr. Hany,

I know your answer since we met @ Alsab3

Did You buy new tyres or not yet?

Wishing You a great day ISA...


Cheers

[mema75]

انا لما اشتريت الصني ماكانش قدامي اختيار تاني لاني اشتريتها من الشركه عندي وبشروط دفع ميسره جدا وبصراحه هي اللي كانت موجوده قدامي لكن بعد ما اشتريتها ما ندمتش ابدا اني اشتريتها بالعكس انا بحمد ربنا كل وقت على انه رزقني بيها
لكن لو قررت اشتري من اول وجديد هاشتري كارينز لانها عائليه ومناسبه لاستخداماتي

[khela]

لم اندم على شراء الصنى لانها فى اعتقادى افضل عربيه بالنسبه الى سعرها انما لو معايا اجيب مرسيدس طبعا حجيبها

[hanyelrakhawy]

كنت هجيبها بس لون غير الإسود - اللى معايا حالياً - يعنى فضى أو ذهبى

[doctor_eid]

بس ياباشا
انا وقت ما اشتريتها ما كانش ممكن ماديا اني اشتري غيرها.
و الحقيقة لأني لانسراوي قديم لو كان وقتها معايا تمن البوما كنت جبتها.
و لكني قلت و زي ما اعتقد ناس كتير غيري قالوا اشتريها علشان الوحيدة ياباني بالسعر ده
و انا اقصد ال Ex Automatic طبعا لأن السوبر ما كانتش تزيد عليها الا حاجات انا شفتها مش اساسية.
اما من حيث الندم فأنا ما ندمتش عليها لأنها عربية محترمة و حمالة قسية يعني تركب فيها انت و المدام و الأولاد و تحط فيها شنطك و تطلع المصيف و انت مشغل التكييف و بعد كده تشد بيها تلاقيها بتستجيب. ده غير ثباتها العالي.
ده غير اني كنت اول مرة اركب اوتوماتيك و كانت خبرة جديدة و جميلة بالنسبة لي و كمان شوية الكمايات زي الزجاج الكهربا و الشبكة الحرارية في الزجاج الخلفي دي كانت حاجات جديدة عليّ.
اجمالا هي عربية كويسة و انا لسة محتفظ بيها و بتوحشني اني اركبها من وقت للتاني.
مع تحياتي
د. عيد

[mohamedhamam]

كنت حأجيب صنى أيضاً

[Elsayed]

لو وسع الصالون الداخلى مش فارق معايا فى الوقت اللى هاشترى فيه يبقى الصنى سوبر صالون لا بديل