ما هى وظيفه الزرار الاحمر اللى أمام الفتيس فى الاوتوماتيك ؟

[semsem8100]

اللى أنا فهمته أن وظيفه هذا الزرار هو تحريك الفتيس بعد ما أبطل العربيه وأسحب المفتاح طيب هل أنا لازم أفضل دايس على الزرار وأنا بحرك الفتيس بمعنى أنى أدوس باليد الشمال وأحرك الفتيس باليد اليمين ولا مجرد أنى أدوس عليه وخلاص وبعد كده أحرك الفتيس ولا أيه يعنى أدوس وأحرك فى نفس الوقت ؟؟ وهل له وظيفه أخرى .. أرجو الافاده .. أن شاء الله هستلم خلال 10 أيام .. دعواتكم

[eng.octooo]

لو قصدك الى فى الصنى هوة ممكن تستخدمة لما العربية تعطل وتضطر تزقها او عاوز تسيبها متمورة ( زى المانيوال) فى باركينج ولا حاجة

والموضوع سهل انك تفضل دايس على الزرار الاحمر لحد ما تجيب الغيار الى عاوزة بعدين تسيب

[sab3aawy]

هذا الزرار وظيفتة الوحيدة هى اخراج العصاية من الوضعp لما تكون العربية مبطلة وده لو حابب تسيبها ممورة لأى سبب،(لأن المفاتح مش بيخرج من مكانه بعد ايقاف المحرك غير والعصاية على p) فيما عدا ذلك لا وظيفة له، يعنى طول ما العربية دايرة مالوش اى وظيفة من اى نوع لأن بعد تدوير العربية العصاية بيكون لها حرية الخروج من الوضع p بمجرد ضغط الفرامل، وبعد كدة العصاية بتتحرك عادى

[Elsayed]

لازم تفضل ضاغط عليه حتى يترك الوضع p الى اى وضع اخر

[hesham22822]

جميل توقيعك ده ياأخ سبعاوى و ياريت كلنا كدة