سؤال فى ساوند سيستم الصنى الشكل الجديد ....

[eng.octooo]

شباب ....

انا عندى الصنى 2010 ( الشكل الجيد)

كنت عاوز اعرف السماعات بتاعتها دى كام وات

لانى عاجبنى نظام الصوت بتاعها وعاوز اعمل واحد زية فى العربية التانية

بس انا كل الى اعرف فيها ان نوع الكاسيت كينوود
kcd-w3041

وان السماعات جولدى والتويترات الى فى الباب مش عارف نوعها بس اكيد جولدى


فكنت عاوز اعرف هوة الكاسيت دة بكام ؟؟
والسماعات الخلفية دى كام وات ؟؟
وسماعات الابواب كام وات ؟؟؟

لانى هاجيب فى العربية التانية نفس الكاسيت والسماعات بس بدل جولدى هايبقوا بايونير ف كنت عاوز اعرف القدرة بتاعتهم كام وات....وشكرا مقدما

[ouba2]

السماعات كلها40 وات

[eng.octooo]

السماعات كلها40 وات

حضرتك متأكد انهم 40 وات بس ؟؟؟؟

لانهم عاجبينى جدااااا ( مش بحب الصوت العالى اوى)

يعنى السماعات البيونير ال 300 وات اقوى منهم باكتر من 7 مرات ؟؟

[ahmed alaa]

انا عندى الصنى 2010 و شايف أن السوند سيستيم بتعها أسواء ما يمكن مقارنا باسوند سيستم لللانسر بومة و الصنى الشكل القديم موديل 2001 الى 2003

[bmya]

انا معايا 2008 والسوند شيستم فيها تعبااااااااااااان
بس عندي كاسيت شرايط
والسماعات ضعيفه جداااااااااااااااا

ده اللانسر موديل 1999 اللي كانت معايا كان الصوت فيها روعه
مش عارف هو عجبك ازاي يا محمد !!

[eng.octooo]

انتوا متأكدين ان الصوت وحش ؟؟؟؟؟؟؟؟؟


انا عاجبنى جداااا الصوت لانة نقى جداااا مش عارف انتوا مش عاجبكم ازاى ؟؟؟ يمكن علشان كل اغاني فيروز وميوزك هادى وكدة ؟؟؟


طيب انتوا متأكدين ان السماعات الى ورا 40 وات والى قدام 40 وات ؟؟؟

[ahmad--ezzat]

الصوت سىء
غير نقى
سماعات تعبانه
اخرك تسمع عبد الحليم حافظ
ولكن الحقيقه الكاسيت لايق جدا مع التابلوه (ضوء برتقالى)

[eng.octooo]

الصوت سىء
غير نقى
سماعات تعبانه
اخرك تسمع عبد الحليم حافظ
ولكن الحقيقه الكاسيت لايق جدا مع التابلوه (ضوء برتقالى)

انا والله الصوت معايا كويس بس انا مش باعلى عن 20 فى الكاسيت وكل الاغانى هادية ...


بس كنت عاوز اتأكد هو ال سماعات كلها 40 وات بس ؟؟؟

[ahmad--ezzat]

سيبك من الوات بتاعها مش هيفرق فى حاجه...السماعات ضعيفه نوعا ما...

[eng.octooo]

سيبك من الوات بتاعها مش هيفرق فى حاجه...السماعات ضعيفه نوعا ما...

اممم

هيا ضعيفة ...بس حلوة بالنسبة لاستخدامى ...ف انا هاعمل نفس السيستم دة فى عربية تانية
هاجيب نفس الكاسيت ونفس السماعات بس بايونير مش جولدى ...ف علشان كدة عاوز اعرف الوات بتاعهم

[ahmad--ezzat]

والله انا فى رايى الساوند سيستم بتاعها ناقصه تويترات نضيفه +بازوكا 500 +جى ام صغير كده

[handasa]

يعنى الصوت مظبوط فى الصنى؟؟؟

[eng.octooo]

الصوت لو بالنسبة لشخص عادى فهو كويس اما لو لشخص محب للموسيقى والبيز وكدة مش هايستحملة

والله انا فى رايى الساوند سيستم بتاعها ناقصه تويترات نضيفه +بازوكا 500 +جى ام صغير كده

هههههههههه ياباشا انا مش عاوز احسن الصوت
انا عاوز اعرف قوة السماعات هل هما فعلا 40 وات ؟؟؟ لانى هاعمل نفس الصوت فى عربية تانية ....مش عاوز ازودة

شكرا ليك

[fgfg]

يا جماعه لو سمحتوا متكرهونيش في العربيه انا لسه دافع مقدمه وهستلم كمان يومين وكمان لو سمحتوا انا عاوز اعرف عيوبها ممكمن؟؟؟؟؟

[fgfg]

ويــــــــــن الرد بليز ردوا عليا علشان اي تعديلات الحق نفسي وابلغ المعرض بيها انا جايبها فول اوبشن مانيوال وبيقلي هتيجى من غير cd ومن غير جنوط اسبور ايه رايكوا في الكلام ده