كشافات الشبورة (الفوجات)

[loai-omar]

عايز اعرف مافيش اي فوجات تركب للصني غير الاصلي بتاعهم؟؟؟

انا معايا ال ex saloon بس عايز اركب الفوجات

حد ركبهم؟ و عاملين كام و منين؟

بصراحه عاملين فرق

[kedab2a]

أنا لسه الناهرده كنت بسأل على الأصلى عند السبع أتوموتيف و كان بيئول انهم ب2500 جنيه
لكن معرفش فى غير الأصلى ولا لأ

[yasser talaat]

فى موجود فى مودرن موتور ابو رواش ب 650 جنيه
اسأل قبل ما تروح هو موجود ولا لأ
وممكن تركب فيه لمبات زينون لو عايز

[kedab2a]

أنا سئلت تانى وألولى المرة دى ب750

[loai-omar]

طب مافيش حاجه تانيه تركبلهم تايواني مثلا

انا كنت سألت على الفانوس الامامي التايواني كان ب 290 ... اصلي كنت بغير الفانوس
بس بصراحه الياباني احسن بكتيير

بس الشبوره التايواني ممكن تبقا سعرها حنين عن كده

المشكلة ان المحل دا ايلي عند الجمعية للتأمين
وانا ساكن في المنيل

فا لو حد ساكن جمبه يسألنا

[loai-omar]

?????????????????????????????????????????????????? ??????????????????????????????????????
الكل جايب سوبر صالون يعني؟ :)

[loai-omar]

عموما انا حنزل النهارده الثلاثاء التوفيقية و اشوفهم وانشاء الله هقولوكوا اني ركبنهم
وبكام و منين

[loai-omar]

رحت التوفيقيه امبارح و لقيت طقم الشبورة ب 270 جنيه

و بعدين رحت عند محل قطع غيار بس في فيصل و لقيته ب 290 بس الزياده دي انهم بيدوك الوش الفايبر بتاع الاكصدام

و ركبته الحمدلله

[emadno1]

ممكن تقولى جبتهم من عند مين و هل ليهم مكان جاهز فى الضفيرة و لا لازم تعدل فيها
و هل دة يوثر فى الضمان و لا ايه.
و شكرا

[loai-omar]

بص يا عماد
انتا عارف كوبري فيصل وانتا طالعه " خارج من فيصل" في عماره اسمها برج الاطباء
في محل واخد ناصية اسمه الإسناوي

و هما جايين بالوصلات و الزرار ايلي بيتركب في التابلوه

تنقي بس كهربائي نضيف يركبهم
تركيبهم سهل بس اهم حاجه النضافه عشان الاسلاك ماتبنش

بصراحه خدت وقت بس في انه مش عايز يبين اي سلك جديد

بس انصحك تجبهم بيغيروا شكل العربيه خالص

انا عندي العربيه سودا و مع الفوانيس الكريستال فوق بالشبولاه ماشاء الله بقيت احب اعد اتفرج عليها :)

اما الضمان ماعتقدش انه بيأثر

اللمض هتلف عليها شويه

اختصارا للتعب للجميع انا هكتبلكوا رقم اللمبه

H27w/1
12V
PG 13
Nr: 2027

واي خدمه انا تحت امرك

[emadno1]

شكرا جدا يا باشا

[mahmoudmahmoud]

ممكن توضح لتا الضفيره فيها السلك ولا لا .... يعنى هى هى ضفيره السوبر صالون ولا مختلفه وياريت حد يقول لنا ان كان ممكن تركيب اضاءه القراءه بين الشمسيتين اللى فى السوبر صالون

[loai-omar]

يا باشا هيا هيا الضفيره

اما الاضاءه ايلي في الشماسه دي انا قريت هنا انها مابتتركبش مش عارف ماسألتش

بس في ناس هنا قالوا لا

[mahrous1960]

الف الف شكر

[loai-omar]

العفو انتا تؤمر
و ايلي حيدرو على اللمض يا ريت يشوف لو لقا لمض ابيض تلجي دي و الوات بتاعها عالي يقول لحسن الاضاءه مش قويه اوي بالمض دي