توضيح شوية حجات

[MOK3336]

أخويا amir

انت هاتجيبها مانيوال ولا اوتوماتك؟
لو ازمت ممكن حد من الاعضاء يدلك علي مكان تشتري منه تاني
بس بلاش تفكر في الاكسنت بدالها
و بالنسبه للون انصحك بلاش اسود (علشان العيال في الشارع مش بتسيب اللون ده في حاله) انما غير كده حلو قوي علي الصني
و خليك في التوكيل طبعا غير كده ملكش ضمان
و الاسعار مش غاليه قوي و تحافظ علي عربيتك و هتلاقي ان توكيلات نيسان غير توكيلات تانيه و معاملتهم ذوق و احترام و اسعارهم مش غاليه بالقوي يعني ده بالعكس توكيلات نيسان هتخليك تدمن التعامل مع التوكيلات بعد كده!
و البنزين 92 او 90 بس فرق ال 10 صاغ مش قضيه كبيره فخليك في ال 92 و ربنا يستر و البنزين ميغلاش زي ما الاشاعات دايره ترفرف

أنا هجبها مانوال إن شاء الله
أنا كلمت الراجل بطريقة غير مباشرة في موضوع الفلوس ده و لقيت الموضع مستقر و زى ما أحنا أتفقنا و الحمد لله
بس للأسف حكاية اللون الأسود دي مش هعرف أغيرها لأنه جبها مخصوص علي أسمي ( أصله معرض مش موزع ) وربنا يستر بقي
و عندك حق و الله مفرقتش 1.75 من 1.85
وشكرا علي إهتمامك يا باشا


أخويا Mostafa_ENG911
الحمد لله الوضع إستقر علي الصني


handasa
أنت من دمنهور ولا إية ؟؟؟


و علي فكرة يا جماعة حكاية الماتور دي فعلا ايلي يشوفة يقول كده
فكرتوني لما كنت بتفرج علي الأوبترا كان ماتورها متغطي و بصراحة في نظام جامد في طريقة الإسلاك و القرب و كده عن الصني

لما شوفت بقي الصنى اتصدمت قولت إية ده ... دي مويل 2010 ولا لادا 2107 ؟؟؟
و بعد فترة من الزهول أتعود علي المنظر

وحكاية عدم تبطين الكبوت دى برضة بايخة من وجهى نظري و بسببها الماتور صوتع عالي بالإضافة لعدم وجود غطا للمحرك
بس في الاول و الاخر ده امر لازم نرضي بيه
بس لو كان ده عن قصد علمي ومدروس يبقي انا موافق و بشده
لكن لو كان إستخسار و كسل و طريقة لزيادة المكسب يبقي متضر أقبل

اه يا جماعة التقفيل و الله مفهوش كلمه عادى جدا انا من كتر كلام الناس عن التقفيل المصري قولت ربنا يستر بس بصراحة أنا عن نفسي راضي عنه بنسبه 99%

بس في بقي شوية حوارات كده عاوز أخد رأيكم فيها
دلوقت في لزق أبيض علي العربية أشيله ولا أسيبة و أنا بستلم العربية
اه من حق غتت علي صاحب المعرض و خليتع يجبلي غطا و دواسات و ميدالية
وقولتله يا تجبلي غطا نضيف يا بناقص مش أسمك جبت و تجبلي حاجة أرميها

[amir]

اوعي تمضي استلام العربيه الا لما تشيله
اوعي
اوعي
اوعييييييييييي
ناس كتير لبست عربيات مخبوطه و مرشوشه و محطوط عليها الاستيكر الابيض ده علشان يداري البلاوي من تحته
الله يكرمك تستلم الصبح و الشمس طالعه
و لو عمل ايه من وسائل الاغراء انك تستلم العربيه باليل اوعي
العربيه تاخدها منه الصبح و هي واقفه قبل ما تحط رجلك فيها و فلوسك في جيبك تقولو يشيله
و يبقي معاك واحد او اتنين خبره شويه في العربيات يدورو يبصو في صاج العربيه
لو لقيت خربوش او حكه او خبطه بالذات تحت الاستيكر الابيض ده باللي في رجلك علي طول و امشي
انا بنصحك علشان متتورطش في عربيه مخبوطه او مرشوشه و اسمك بتشتري زيرو يبقي تستلم زيرو
و لو اللون عايز تغيره غير يا سيدي براحتك
هو انت اول واحد اتعاقد و رجع في كلامه في اللون؟
عموما عايزك تحس انك باشا كبير و بتبقشش عليه ميفرضش عليك حاجه نهائي
و اوعي تستلم بالليل
لازم في النهار و تخلي الناس اللي معاك يفحصو العربيه و كأنك بتشتري مستعمل
الكلام ده مش علشان الصني ده علشان معارض السيارات و الاسلوب المستفز اللي بيعملوه و هما بينقلو العربيات الزيرو
بيسترخصو يأجرو عربيه كبيره يتحمل عليها العربيات فعاده بيفصلو عداد الكيلومتري و هاتك يا حرق و قرف علي العربيه قبل ما صاحبها يركبها
و كمان حاجه نسيتها
لو لقيت طفيه سيجاره او حتت طين في العربيه من جوا الصالون امشييييييييييييييييييي و سيبه
ربنا يسترها معاك و يوفقك

[mohamedhamam]

ألف مبروك ربنا يديك خيرها و يكفيك شرها و الأفضل أن تمون بنزين 92 و أى حاجة عايزها إعملها فى التوكيل و اللون الأسود شيك جداً و لكن حايتعبك شوية فى النظافة لكنه شيك وله رونق خاص و باقى الزملاء غطوا كل إستفسارتك و ربنا يتمم على خير

[khela]

لو قدك علي ان الماتور مش متغطي دي مش مشكله بالعكس دي ميزه و كان سبعاوي اتكلم عنها زمان بس مش فاكركانت ميزه في ايه "ممكن مثلا يعني ان صيانتها عند الميكانيكيه او بنفسك"
اما اللي ينرفذ بجد هو ان الكابوت مش متبطن
ده الفيليشيا 98 بتاعتي كان كبوتها متبطن

على الرغم من ان تبطين غطاء الكبوت بيدى منظر حلو و بيهدى صوت الموتور (بيكتمو) الى انى اعتقد ان عدم وجوده افضل فى تبريد العربية لانى باحس انه بيكتم الحراره ايضا والله اعلم

[MOK3336]

شكرا يا رجاله علي التعب و الإهتمام
أنا كلمت الراجل وقولتله عاوز اغير اللون قالي مش هينفع أنا جبتلك العربية من الموزع باللون ايلي انت عاوزة و مش هقدر أغيرهولك
عشان أنا طلبتها و جات خلاص
قولتله أزاى يعني
قالي لو أنا موزع أو وكيل أو حتى كان عندي لون انت مش عاوزة انا كنت ممكن جبتلك لكن دلوقت العربية جات خلاص كنت قولي قبل ما ابعت أجبها
قولتله انت جبتها مشيا قالي لأ طبعا جبتها علي عربية جانبو
أنتم إية رأيكم
انا عمتاً مش فارق معايا اللون اسود أسود بس لو الحكاية دخلت في العند أما بقي ممكن اعبطه و أروح عدل علي مباحث التموين و حماية المستهلك
أنتم شايفين ايه

[amir]

اوعي تمضي استلام العربيه الا لما تشيله
اوعي
اوعي
اوعييييييييييي
ناس كتير لبست عربيات مخبوطه و مرشوشه و محطوط عليها الاستيكر الابيض ده علشان يداري البلاوي من تحته
الله يكرمك تستلم الصبح و الشمس طالعه
و لو عمل ايه من وسائل الاغراء انك تستلم العربيه باليل اوعي
العربيه تاخدها منه الصبح و هي واقفه قبل ما تحط رجلك فيها و فلوسك في جيبك تقولو يشيله
و يبقي معاك واحد او اتنين خبره شويه في العربيات يدورو يبصو في صاج العربيه
لو لقيت خربوش او حكه او خبطه بالذات تحت الاستيكر الابيض ده باللي في رجلك علي طول و امشي
انا بنصحك علشان متتورطش في عربيه مخبوطه او مرشوشه و اسمك بتشتري زيرو يبقي تستلم زيرو
و لو اللون عايز تغيره غير يا سيدي براحتك
هو انت اول واحد اتعاقد و رجع في كلامه في اللون؟
عموما عايزك تحس انك باشا كبير و بتبقشش عليه ميفرضش عليك حاجه نهائي
و اوعي تستلم بالليل
لازم في النهار و تخلي الناس اللي معاك يفحصو العربيه و كأنك بتشتري مستعمل
الكلام ده مش علشان الصني ده علشان معارض السيارات و الاسلوب المستفز اللي بيعملوه و هما بينقلو العربيات الزيرو
بيسترخصو يأجرو عربيه كبيره يتحمل عليها العربيات فعاده بيفصلو عداد الكيلومتري و هاتك يا حرق و قرف علي العربيه قبل ما صاحبها يركبها
و كمان حاجه نسيتها
لو لقيت طفيه سيجاره او حتت طين في العربيه من جوا الصالون امشييييييييييييييييييي و سيبه
ربنا يسترها معاك و يوفقك

لو اللون الاسود في دماغك يبقي تراجع علي الاحاجات دي قبل ما تدفع غير كده انت فاهم بقي هتعمل ايه
لو اللون الاسود مش عاجبك (مع انه برغم كل مصاعبه لون شيك و حلو)يبقي انت فاهم برضو هتعمل ايه
و انا مش غرضي اكرهك في اللون اللي انت مختاره
ده عاجبني جدا

[khela]

بص انا كنت محتار زيك بس انا كان عاجبنى الاسود جدا هو بصراحة وهوجديد وبيلمع بيبقى تحفى و احلى لون بس ناس كتير خوفتنى من بهدلتة وبعدين انا اخدت بالى ان اى لون متبهدل ومخبط ومحكوك اومتوسخ بيبقى موحش العربية مش بس الاسود اذا الموضوع واحد فى كل الالوان وهو نظيف بيبقى جميل ..وهومبهدل بيبقى وحش
اتكل على الله وخد العربية و حافظ عليها وافرح بيها ربنا يباركلك فيها

[Mostafa_ENG911]

بص انا كنت محتار زيك بس انا كان عاجبنى الاسود جدا هو بصراحة وهوجديد وبيلمع بيبقى تحفى و احلى لون بس ناس كتير خوفتنى من بهدلتة وبعدين انا اخدت بالى ان اى لون متبهدل ومخبط ومحكوك اومتوسخ بيبقى موحش العربية مش بس الاسود اذا الموضوع واحد فى كل الالوان وهو نظيف بيبقى جميل ..وهومبهدل بيبقى وحش
اتكل على الله وخد العربية و حافظ عليها وافرح بيها ربنا يباركلك فيها

هذا والله كلام الزين.....و الله كلام العين للعين.....

[د.أحمد السعيد]

بالتوفيق ان شاء الله

[MOK3336]

شكرا يا رجالة و الله الواحد مش عارف يودي جمايلكم دي فين
و أديني مستني ليوم الأربعاء بإذن الله عشان أستلم و أهبقي أقولكم اخر الأخبار إن شاء الله
بس سؤال يا جماعة هو عجيب شوية بس معلش عشان ابقي عامل حسابي يعني
هي الصني سحبها مقارب لعربية إية و نعومتها مقاربة لإية برضة
عشان انا ركبت كرولا 2009 كانت داخلة دماغي خالص فهل هى زيها ولا اية ؟؟

[handasa]

gooood thnx for this topic