عمـلت حادثه بالتيدا....ولا قوة الا بالله

[Elsayed]

انا يا جماعه كما ذكرت فى موضوع اخر ان معايا نيسان تيدا 2010 اوتوماتيك عامله 1300كم حتى الان.
وانا رايح القاهره من العاشر من رمضان وبعد السلام وقبل كوبرى الحرفيين وانا واخد شمال علشان اطلع الكوبرى والكل ماشى بسرعه فقام واحد واقف فجأه علشان ياخد يمين ومايطلعش الكوبرى فطبعا كل اللى وراه ضربوا فرامل جامد وانا كمان وقفت قبل العربيه اللى قدامى وكانت الفرامل بتاعتى كويسه والحمد لله ولكن كان ورايا عربيه ريجاتا معرفش يقف وطبعا خبط فيه من ورا فى الشنطه خبطه حطمت ربع الشنطه الخلفى من اليمين مع الإكصدام تحطم تماما ولا حول ولا قوة الا بالله
وللاسف انا مش مأمن على العربيه وكله هايتعمل على حسابى.

[nab!l]

لا حول ولا قوة الا بالله
منقدرش نقول غير الحمد لله

[Karim_Mohy]

قدر الله وماشاء فعل.......حمدا لله علي سلامتك

[PoweRPassioN]

ربنا يعوض عليك بالخير
والحمد لله انها لم تكن اكبر من كدا

[funy76]

لا حول ولا قوة الا بالله .... ربنا يعوض عليك ان شاء الله وأهم حاجة انك الحمدلله سليم وفي افضل حال

والعربية ان شاء الله تتصلح وتكون زي الاول بس اهم حاجة صلح في التوكيل عشان انا بحس ان العربية ده حرام تتبهدل وتتهان عند سمكري يبهدلهالك

[aymenseef]

قدر الله وما شاء فعل
الحمد لله انها جت فى الصاج

[darehawk]

قدر الله وما شاء فعل
الحمد لله انها جت فى الصاج

[geeg_2006]

قدر الله وما شاء فعل وربنا يعوض عليك انشاء الله

[amir]

انا يا جماعه كما ذكرت فى موضوع اخر ان معايا نيسان تيدا 2010 اوتوماتيك عامله 1300كم حتى الان.
وانا رايح القاهره من العاشر من رمضان وبعد السلام وقبل كوبرى الحرفيين وانا واخد شمال علشان اطلع الكوبرى والكل ماشى بسرعه فقام واحد واقف فجأه علشان ياخد يمين ومايطلعش الكوبرى فطبعا كل اللى وراه ضربوا فرامل جامد وانا كمان وقفت قبل العربيه اللى قدامى وكانت الفرامل بتاعتى كويسه والحمد لله ولكن كان ورايا عربيه ريجاتا معرفش يقف وطبعا خبط فيه من ورا فى الشنطه خبطه حطمت ربع الشنطه الخلفى من اليمين مع الإكصدام تحطم تماما ولا حول ولا قوة الا بالله
وللاسف انا مش مأمن على العربيه وكله هايتعمل على حسابى.

لا حول ولا قوة الا بالله .... ربنا يعوض عليك ان شاء الله وأهم حاجة انك الحمدلله سليم وفي افضل حال

والعربية ان شاء الله تتصلح وتكون زي الاول بس اهم حاجة صلح في التوكيل عشان انا بحس ان العربية ده حرام تتبهدل وتتهان عند سمكري يبهدلهالك

ربنا يعوض عليك و الحمد لله علي كل شيء
لو الخبطه علي قد كده بس يبقي شوف سمكري كويس اتعاملت انت معاه قبل كده او حد يرشحهولك
مش كل فتفوته هنروح نصلح في التوكيل
التوكيل مش روبوت بيرجع العربيه علي الشعره
هناك برضو في صنايعيه
هما اه بيكونو خبره و كفائه
بس ده ممكن يتلاقي بره التوكيل
و الاكصدام ميهمكش شكله
ده فيبر و بيتلحم فيبر و بيترد تماما
و لما بيترش محدش بيميز انه كان مخبوط ولا مكسور
شوف سمكري شاطر و اشتري الفانوس و الموضوع بأذن الله يتلم من غير مصاريف كتير

[Ahmed.TV]

اولا حمد لله على سلامتك وقدر الله ماشاء فعل
والحمد لله انها جت على كدا
بص لو الخبطة بسيطة بمعنى انك شايف ان ممكن سمكرى شاطر يلمها يبقا بلاش التوكيل واعملها عند سمكرى شاطر بره

وبصراحة البلد ده مش عايزة عساكر شرطة عاوزة كاميرات فيديو فى كل مكان وفى كل شارع وفى كل ميدان وفى كل متر على الكوبرى وفى كل حتة عشان نترحم من الناس المؤذيين ويحصروا كل المخالفات ويشوفوا الناس اللى بتقف مرة واحدة وبتعمل مشاكل على الطريق كدا وبيتدبس فيها ناس مالهاش ذنب
بجد حاجة تغيظظظظظظظظظ

ومرة تانية حمد لله على سلامتك وربنا يعوضك خير وانشاء الله ترجع احسن من الاول

[Elsayed]

شكرا لكم جميعا على شعوركم الطيب لان كل واحد فينا معاه عربيه بيقدر حاجه زى دى وربنا ما يكتبها على حد منكم ابدا لان الخربوش فى العربيه الزيرو بيزعل جدا.
ولكن الحمد لله ان ربنا ستر ورحمنى والخبطه كانت ورا فى الشنطه وفى جنب واحد وقدر الله وما شاء فعل.
بالنسبه ليه انا رحت لسمكرى كويس وشافها وقال لى تعالى بكره علشان اعملها لك براحتى هايرد الصاج اللى ورا الاكصدام (المرايه) ويفرد الشنطه على البارد وبالنسبه للاكصدام هايلحمه ويرده ويرجعه لأصله وان شاء الله بعد مايخلص هاقول لكم ايه اللى حصل.
وطبعا المصاريف هنا مش هيه المشكله ولكن المشكله هو الشغل فى العربيه وان فيها مكان اصبح مشغول ولكن ان شاء الله مش هافكر فى البيع وربنا مايحوجنا لبيعها ابدا.
وشكرا لمروركم مره ثانية

[د.أحمد السعيد]

ربنا يعوض عليك و الحمد لله علي كل شيء

شوف سمكري شاطر و اشتري الفانوس و الموضوع بأذن الله يتلم من غير مصاريف كتير


لو الخبطة بسيطة بمعنى انك شايف ان ممكن سمكرى شاطر يلمها يبقا بلاش التوكيل واعملها عند سمكرى شاطر بره

[mohamedhamam]

الحمد لله و قدر الله و ما شاء فعل و ربنا يعوض عليك و إن شاء الله ترجع زى الأول و أحسن كمان
و بالفعل النهاردة الواحد كل ما ينزل مشوار بالعربية بيعانى الأمرين و بعد رجوعه من مشواره بالسلامة بيتشهد على رجوعه سالم و الله هذه حقيقة وليست مبالغة
ناس سايقة عربيات و مترددة مش عارفة تمشى إزاى و عربيات الميكروباص بيسابقوا الزمن مع أنهم لن يأخذوا أكثر مما سيرزقهم به ربهم و عربيات نقل سائقيها مدمنين مخدرات بالإضافة إلى الشوارع المكسرة الغير أدمية و البالوعات المفتوحة و ربنا يكفينا شر طريقنا و شر أخطاء الأخرين

[gebreel]

حمد الله على سلامتك و مش مهم العربية و ان شاء الله تتصلح و ترجع زي الاول و احسن و اعرف ان ربنا بالحادثة دي بيبعدك عن شئ اكبر و متنساش تقول اللهم اجرني في مصيبتي و اخلفني خيرا منها

[د.محمود صلاح]

لاحول ولا قوة إلا بالله .. ربنا يعوض عليك والحمد لله جت على كده