دركسيون الصنى والسبع ورحلة من المناقشات

[doc_semsem]

السلام عيكم انا معايا صنى اتوماتيك 2009من ساعة ما جبتها الدركسيون تقيل قوى زيادة عن اللزوم عن اى عربية صنى تانيه هذا مع العلم ان باور الصنى تقيل شويتيين عشان هو هيدروليك
المهم روحت للسبع واشتيكت قالى هانصلع العيب وبعدين طلعت العربية وبصراحة خف شوية ومشيت شوية ولكنى لحظت ان الدركسيون بقى بيخبط مع الحصوى الصغير اللى فى اللأرض فرجعت تانى قالى ده طبيعى المهم دخل العربية وخرجها من الصيانة وهنا كانت المفاجئة بصراحح الخبط بتاع الحصى الصغير راح بس الدركسيوان انا حاسس انه تقل تانى لما سألته قالى انا باخد رجراش علبة الدركسيون ولازم حاجة تكون على حساب حاجة
وانا بصراحة مش فاهم اى حاجة
دلونى يا اهل الخبرة؟

[M.almaghraby]

متابع جداااااااااااا

[ahmad--ezzat]

الباور بتاع العربيه كويس....ولكن الجنوط هيا اللى تقيله وكبيره فى الصنى....بس موضوع الخبط ده اعتقد ان كده فى مشكله

[mmffor]

المفروض الدركسيون يبقى خفيف و مبيرجرجش! دول فعلا بيشتغلوك! في عيب و عما مش عايزين يغيروه لو لسه في الضمان اشتكي حماية المستهلك! و ياريت تجرب صني تانيه الاول

[Bishoy.Girgis]

يا نهار ابيض تصور حضرتك اني ابتدأت اشتكي فعلا في الفترة الاخيرة بس الدريكسيون عندي شوية يبقي تقيل و شوية يبقي خفيف و انا خلاص رايح اعمل صيانة و هشوف الموضوع ده معاهم ... بس كويس ان حضرتك اسرت الموضوع ده لأني كنت فاكر ان الموضوع ده عندي لوحدي بس

[sab3aawy]

كلام التوكيل سليم، هو بيقفل او يفتح صامولة ريجلاش الديريكسيون، قفلها بيؤدى الى انك متحسش بالتخبيط وفتحها يؤدى الى انك تلاقى الديريكسيون خفيف لكن العربية تخبط، انا كنت بعملها بايدى لحد وافضل اجرب لحد ما اوصل للنقطة اللى تخلينى مش حاسس بزلط الطريق قدر الامكان من غير ما العربية تتقل اوى، لكن طبعا فى التوكيل هو بيعملها وان شوت، يعنى يقفلهالك شوية وخلاص يقول لك توكل على الله او يفتحهالك شوية وخلاص، لكن انا كنت بكرر التجربة كذا مرة لحد ما اوصل لأفضل نقطة

[doc_semsem]

شكرا على الردود كلها
وشكرا ليك يا استاذ سبعاوى بجد هو باين الكلام كده بجد بس ممكن اعرف ازاى بقى تكون علبة الدركسيون لقدر االله فيها حاجة؟
وكمان كنت عاوز ازاى اعمل الصاموله بتاعة الرجراش ديه ياريت بالتفصيل وشكرا

[د.محمود صلاح]

كلام التوكيل سليم، هو بيقفل او يفتح صامولة ريجلاش الديريكسيون، قفلها بيؤدى الى انك متحسش بالتخبيط وفتحها يؤدى الى انك تلاقى الديريكسيون خفيف لكن العربية تخبط، انا كنت بعملها بايدى لحد وافضل اجرب لحد ما اوصل للنقطة اللى تخلينى مش حاسس بزلط الطريق قدر الامكان من غير ما العربية تتقل اوى، لكن طبعا فى التوكيل هو بيعملها وان شوت، يعنى يقفلهالك شوية وخلاص يقول لك توكل على الله او يفتحهالك شوية وخلاص، لكن انا كنت بكرر التجربة كذا مرة لحد ما اوصل لأفضل نقطة

الله ينور عليك .. أنا ما باستريحش الا لما اعمل او اشوف الحاجة بنفسي

[aiman0173]

شكرا على الردود كلها
وشكرا ليك يا استاذ سبعاوى بجد هو باين الكلام كده بجد بس ممكن اعرف ازاى بقى تكون علبة الدركسيون لقدر االله فيها حاجة؟
وكمان كنت عاوز ازاى اعمل الصاموله بتاعة الرجراش ديه ياريت بالتفصيل وشكرا

على فكرة في موضوع عمله استاذ/ احمد مصطفي أمس وتم تثبيته عن أهم ما كتبه سبعاوي عن النيسان ومن ضمن الموضوعات دي موضوع بيتكلم عن كيفية ضبط صامولة الرجلاش بالتفصيل فممكن الرجوع اليه

[محمد ابراهيم 1]

العربية دى فعلا عايزة تعديل فى قوة الباور استيرنج بتاعها

[azhk]

كان معى نيسان صنى 2004 اوتوماتيك 1600 خليجى (كنت وقتها فى الامارات) ولم يكن بها لا تخبيط فى الدركسيون ولااحساس بالحصى لاتجد تلك المشاكل الا فى الموديلات التى تصنع فى مصر والله اعلم

[aiman0173]

كان معى نيسان صنى 2004 اوتوماتيك 1600 خليجى (كنت وقتها فى الامارات) ولم يكن بها لا تخبيط فى الدركسيون ولااحساس بالحصى لاتجد تلك المشاكل الا فى الموديلات التى تصنع فى مصر والله اعلم

طيب يا راجل وهي الامارات فيها حصى برده