نصائح هامه عند شراء صنى جديده

[noon_eg]

انا كان عندى صنى موديل 99 وبعتها من اسبوعين واشتريت صنى 2010 منيوال وعملت لغايه دلوقتى 1000 كم

ودى بعض الملاحظات اللى لقيتها وقلت اجمعها هنا لاى حد بتشرى جديد يمكن تنبقى مفيده

1- لازم تشيك على ضغط الكاوتش فى اول بنزين وانت بتفول اول تفويله لانه بيكون 40 او اكتر
2- تابع البطاريه فتره فى الاول لان ساعات بيكون فيها فوران ممكن يبوظلك البويه فى الكبوت
3- اضبط رجلاش الدبرياش لو انت منيوال علشان تحافظ على الاسطوانه
4- لو اعربيه بترعش عيد تزبيط الكمبيوتر بطريقه سبعاوى لضبط الهواء والسلانسيه
5- تابع الزيت باستمرار
6- لما تروح صيانه الاف تاكد من وضع 2.7 لتر فقط مع الفلتر وربط العفشه وقلهم يزبطوا رجلاش علبه الردكسيون

7- حاول تستمتع بالعربيه وخليك فاكر انك دافع فلوس قليله حتى لو ظهر عيب تقبله ببساطه

[Ahmed.TV]

تسلم ايدك على الكلام الجميل ده ,
وبعد اذنك احب اضيف بس بعض النقاط الهامة ايضا عشان يبقا كل حاجة موجودة فى الموضوع عشان الاستفادة الكاملة للاعضاء

1-حاول تستلم العربية بالنهار افضل من الليل عشان تبص عى صاج العربية وتطمن انه خالى من اى خرابيش او خبطات

2-شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله

3-شوف الكاسيت شغال ولالا

4-اسال على الضمان بتاع العربية وضمان الكاسيت والكتالوج بتاع العربية

5- شيك على الولاعة بتاعت العربية وطفاية السجاير

6-شيك وبص على المياة بتاعت العربية

7- اتاكد من وجود الاستبن (الكاوتش الاحتياطى )

8-نبص على شنطة العدة

9- نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان

10-تشغيل الانوار كلها ونجربها سواء الانوار الداخلية جوة العربية من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية

11-تتاكد من عمل المساحة وتشغل المياه بتاعت المساحة كمان

12-تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا

13- نتاكد من ان السنتر شغال ونتاكد من الريموت شغال ولالا

14-ركز فى استلام المفاتيح , معاها مفتاحين وريموت

15-نبص على عداد الكيلومتر واهم حاجة انه لايزيد عن 70 كيلو وكدا كتير كمان

16-التاكد من ان التكيف شغال ,لانك حتشغله بعد 1000 فتكون مطمن ان مفيش مشكلة فى المروحة او تلاقيه مش شغال اصلا ,
وطبعا كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع وتلاهيه ,المهم عشان بس تكون مطمن ان كل حاجة ميه ميه
وتاخد بالك هل فى اى قلق وهى واقفة ولالا مع تشغيل التكيف

17- اتاكد من ان الماتور صوته ناعم وهادى فى بداية التشغيل

18-حرك الدريكسيون يمين وشمال عشان تتاكد من عدم وجود اى مشكلة , وكمان شوف ظبط الدريسكيون لفوق ولتحت اخباره ايه


دول اهم النقاط اللى تركز عليهم وانت بتستلم
وياريت لو حد عنده اضافة تانية يمدنا بيها وجزاكم الله خيرا

وتقبلو تحياتى

[Bishoy.Girgis]

بصراحة 100% مفيش بعد كده و محدش عنده حجة كده لما يشتري النيسان

[MaZaGAngeE]

ايه الحلاوة دي
ياريت لو الناس تعمل موضوعات مشابهه لكل العربيات في المنتديات الفرعية و يتثبت فيها

[Eng_Nissan]

واحب اضيف اضافه بسيطه جدا و متواضعه وهي ضرورة عمل Test road للتأكد النهائي من سلامة و كفاءة كل الاجزاء الميكانيكيه واللي ممكن ميظهرش فيها العيب غير بالقياده ,وقي بعض المعارض الكبيره بتتيح ليك تجربة العربيه اللي هتشتريها ولو مسمحتش الظروف يبقى تجربها مباشرة بعد الخروج من المعرض وقبل التسجيل.

[fady_anis]

موضوع مهم اوىىىىى


تسلم الايادى

[dahy]

اية الحلاوة دى شكرا علي الموضوع الجامد دة

[sameh200005]

ارجو توضيح نقطة هامة .. البطارية بتاعة الصني 2010 بكل موديلادتها جافة ولا عادية ؟؟؟؟؟

[noon_eg]

ارجو توضيح نقطة هامة .. البطارية بتاعة الصني 2010 بكل موديلادتها جافة ولا عادية ؟؟؟؟؟

البطاريه فى جميع موديلات صنى 2010 عاديه ماركه كلورايد اعتقد 55 امبير

[mahdy003]

ألف شكر على النصايح دى بس ممكن حد يوضحلى ازاى اضبط رجلاش الدبرياشواعمله فين وهل يأثر على الضمان

انا كان عندى صنى موديل 99 وبعتها من اسبوعين واشتريت صنى 2010 منيوال وعملت لغايه دلوقتى 1000 كم

ودى بعض الملاحظات اللى لقيتها وقلت اجمعها هنا لاى حد بتشرى جديد يمكن تنبقى مفيده

1- لازم تشيك على ضغط الكاوتش فى اول بنزين وانت بتفول اول تفويله لانه بيكون 40 او اكتر
2- تابع البطاريه فتره فى الاول لان ساعات بيكون فيها فوران ممكن يبوظلك البويه فى الكبوت
3- اضبط رجلاش الدبرياش لو انت منيوال علشان تحافظ على الاسطوانه ( اعمل الموضوع ده ازاى وفين وهل يأثر على الضمان )
4- لو اعربيه بترعش عيد تزبيط الكمبيوتر بطريقه سبعاوى لضبط الهواء والسلانسيه
5- تابع الزيت باستمرار
6- لما تروح صيانه الاف تاكد من وضع 2.7 لتر فقط مع الفلتر وربط العفشه وقلهم يزبطوا رجلاش علبه الردكسيون

7- حاول تستمتع بالعربيه وخليك فاكر انك دافع فلوس قليله حتى لو ظهر عيب تقبله ببساطه

[mohamedbook]

البطاريه فى جميع موديلات صنى 2010 عاديه ماركه كلورايد اعتقد 55 امبير

انا مليش خبره بموضوع البطاريات بس الي اعرفه ان البطاريه الجافه احسن من العاديه هل الكلام ده صحيح ولا لا
وبعدين هو انت متاكد ان البطاريه في النيسان مش جافه

[Ahmed.TV]

ايوة البطاريات اللى بتنزل مع نسيان كلها عادية مش جافة , وطبعا الجافة افضل ,

حتى عندى فى التيدا عادية مش جافة , بس طبعا البطارية العادية فى التيدا يابانى اصلى

وبعدين لما اللى راكبة تاخد وقتها ممكن الواحد يغيرها بجافة

[mahdy003]

ألف شكر على النصايح دى بس ممكن حد يوضحلى ازاى اضبط رجلاش الدبرياشواعمله فين وهل يأثر على الضمان

فى انتظار ردودكم على الاستفسار ده

[LOVER]

ألف شكر على النصايح دى بس ممكن حد يوضحلى ازاى اضبط رجلاش الدبرياشواعمله فين وهل يأثر على الضمان

مينفعش تلعب في الدبرياج عشان علي ضغط زيت
يعني لا ينفع يوطي ولا يعلي

[sameh200005]

تسلم ايدك على الكلام الجميل ده ,
وبعد اذنك احب اضيف بس بعض النقاط الهامة ايضا عشان يبقا كل حاجة موجودة فى الموضوع عشان الاستفادة الكاملة للاعضاء

:oc_sun1[1]:

1-حاول تستلم العربية بالنهار افضل من الليل عشان تبص عى صاج العربية وتطمن انه خالى من اى خرابيش او خبطات

2-شيك على الزجاج الكهرباء كله , وتاكد من فتحه وقفله , و تشوف هل فى صوت تزيق او اى مشكلة فى الزجاج لقدر الله

3-شوف الكاسيت شغال ولالا

4-اسال على الضمان بتاع العربية وضمان الكاسيت والكتالوج بتاع العربية

5- شيك على الولاعة بتاعت العربية وطفاية السجاير

6-شيك وبص على المياة بتاعت العربية

7- اتاكد من وجود الاستبن (الكاوتش الاحتياطى )

8-نبص على شنطة العدة

9- نقعد على الكراسى اللى قدام ونحرك فيها لقدام وكمان لورا عشان نشوف هل فيها اى مشكلة ولالا , وكمان احزمة الامان

10-تشغيل الانوار كلها ونجربها سواء الانوار الداخلية جوة العربية من نور الصالون والطابلوه ومن بره الفوجات والكشافات الامامية ولمبة الاستوب والفوانيس الخلفية

11-تتاكد من عمل المساحة وتشغل المياه بتاعت المساحة كمان

12-تفتح الابواب الاربعة والكابوت والشنطة وتشوفهم بيفتحوا ويقفلوا بسهولة ومفيش مشكلة فيهم ولالا

13- نتاكد من ان السنتر شغال ونتاكد من الريموت شغال ولالا

14-ركز فى استلام المفاتيح , معاها مفتاحين وريموت

15-نبص على عداد الكيلومتر واهم حاجة انه لايزيد عن 70 كيلو وكدا كتير كمان

16-التاكد من ان التكيف شغال ,لانك حتشغله بعد 1000 فتكون مطمن ان مفيش مشكلة فى المروحة او تلاقيه مش شغال اصلا ,
وطبعا كفائته مش حتكون قوية لان العربية لسه جديدة ومش حيبان تبريده فى اللحظة دى لانك حتشغله لمدة دقيقة او اتنين بالكتير عقبال ما ترغى مع البائع وتلاهيه ,المهم عشان بس تكون مطمن ان كل حاجة ميه ميه
وتاخد بالك هل فى اى قلق وهى واقفة ولالا مع تشغيل التكيف

17- اتاكد من ان الماتور صوته ناعم وهادى فى بداية التشغيل

18-حرك الدريكسيون يمين وشمال عشان تتاكد من عدم وجود اى مشكلة , وكمان شوف ظبط الدريسكيون لفوق ولتحت اخباره ايه


دول اهم النقاط اللى تركز عليهم وانت بتستلم
وياريت لو حد عنده اضافة تانية يمدنا بيها وجزاكم الله خيرا

وتقبلو تحياتى

لو السيارة عاملة 39 ك هل ده يبقى معقول ولا كتير ؟؟؟؟؟