القول الفصل فى الصنى الاوتو ماتيك

[احمد عزت]

هاااا مين هيدفع اكتر .............رجاله الصنى ولا رجاله التيدا ؟؟؟؟؟؟
بجد انا مبسوط للروح الطيبه ده وكان نفسى احضر المقابله بتاعتكم بس اعمل اه بقى .....اعذرونى انا لسه طبيب امتياز صغنون والقصر العينى مبهدلنا فى النوبتجيات بطريقه بشعه ..................................................

عموما ادعولى وادعو للحاج اللى هيدفع الفلوس ويقدر يجيب التيدا .......وانا مش بفكر فى التيدا على فكره علشان احسن من الصنى ولا حاجه ده بالعكس بحس ان النيسان اقرب للقيمه مقابل النقود.........بس عيبها الوحيد فى رأى ضيق الكنبه واحنا عليتنا ماشاء الله طوال حبتين .....بس على رأى الحاج يعنى انتا شايفنا قايمين كل يوم نركب كلنا فيها .........ولو انى عملت انا وصاحبى حركه صايعه اوى بس كانت للتجربه مع ان صاحبى ما ارضاش بيها وقالى ابقى ياخويا اعملها فى عربيتك................الفكره بسيطه وعارفيت جت ازاى

واحد صاحبنا من العيال بتوع المواتير والشد والجرى وكده عندو سيفيك 92 ومسقط مواتير وحركات المهم مركب عندو كراسى رياضيه من اللى بيسموها ريكارو ده المهم جبنا السيفيك والصنى جنب بعض وخليت الواد العفريت بتاع السيفيك يفك كرسى السواق بتاعو وكرسى السواق بتاع الصنى وطبعا صاحبى بتاع الصنى وكرسيه بيتخلع كأنو بيخلع سنتو ........المهم حطينا الكرسى بتاع السيفيك فى الصنى بس من غير تظبيط كتخيل للمنظر وركبت مكان السواق وظبط قعدة الكرسى وقعدت ورايا والمفاجأه انك هتلاقى مساحة فضيت ببتاع 7 سم خلتنى اضم رجليه ورا الضهر مرتاح بدل ما انا كنت بقعد وواخد ضهر الكرسى بين رجليه ...............وخرجت بقى وتخيلت منظر العربيه بالكرسيين الامامين بلونهم الازرق فى الاسود والضهر الطويل ده وان الكنبه زى ماهيه بس بفرش جلد نفس اللون.......وسرحت شويه انى ممكن افك الجنوط الحديد ده واحط مكانها جنوط اسبور نفس المقاس 15 بردو يعنى من غير تغير كاوتش ولا حاجه ...........وشويه سرحت اكتر ان البابين يفتحو لفوق بس فجأه فؤت على زعيق صاحبى بيقولنا يا ولاد التييييت رجعوا الكراسى زى ما كانت ......................
وسألت صاحبى فى اللى فكرت فيه ده قالى بسيطه ياباشا
كرسين ريكارو استيراد يكلفوط الف ونص ....وتعين كراسيك فى بيتكم لما تبيع العربيه
جنط سبور 15 ماليزى يكلفك من 2 الى 2.5 الف

فكرت كده يبقى الحسبه 90.5 الف عربيه من اوتو ايجيبت (اوتو بايرباج واى بى اس وكل الكماليات وسينسور هديه
.....واركب الكرسين والجنوط نفس المقاس الموصى به ب 4 الف ونيتروجين ادام 30 وورا 24 ب 20 جندى ....وفلاشايه 8 جيجا عليهم عبد الحليم وام كلثوم وكارم محمود وعمرو دياب ب 200 جنيه .....واجيب 4 لمض موديول فيليبس اليابانى من اللى نورهم ابيض اللى شبه الزينون مش الزينون الصينى العادى ده ابو جهاز واشيل اللمض الاصليه واركب دول مكانهم وجوة التوكيل علشان ما نلعبش فى حاجه ويبقى الكشافات والفوجات بقت بتنور ابيض اقوى وقريب من الزينون

وتبقى الحسبه 95 الف جنيه .....................ولسه بردو ما وصلناش لسعر الالنترا الفاضيه اوتوماتيك
بس المرادى معاك عربيه حكايه وكل اللى هيشوفها هيوقفك يسألك ده ازاى وبكام ؟؟؟؟
اوتوماتيك ....جميع الكماليات ......يابانى .....شيلنا الكراسى اللى بتزيق ومزعله الناس (ولو الكنبه مزعلاكم شيلوها وكرسين بحر زى الفل مكانهم)....كراسى ريكارو رياضيه .....واسعه.....ايرباج للسائق ....فرامل مزودة بمانع للانغلاق وتوزيع الفرمله اليكترونيا ومساعد فرمله الى .......جنوط اسبور 15 بوصه ....فوانيس زينون...فوجات زينون .....مرايات كهربا ...........كاسيت سى دى ......حامل اكواب علشان نكمل الاعلان ..ههههه
وكل ده لفتره محدودة ب 95 الف جنيه يابلاش ........واللى كان خايف من البنزين بيشوى باشا غير الضفيره لانها كانت بايظه عندو ومش كل العربيات كده (ياجماعه انا المفروض اخد فلوس من نيسان ايجيبت على الدعايه ده )
(ماتيجو صحيح نقول لقسم الاكسسوارات اللى فى مودرن ابو رواش على الكراسى واللمبات والجنوط ولا اقولكم بلاش لحسن يقوللولك اللى مش هيعملهم عندنا هيخرج بره الضمان ............

وفى النهايه ابعت تحياتى لاستاذ العظيم بيشوى ...والاستاذ احمد ....وابو روقى المختفى ....والاب الروحى استاذنا كلنا البشمهندس سبعاوى...........واسف للاطاله .....اخوكم فى الله طبيب جراحه العظام المستقبلى احمد عزت

[MaZaGAngeE]

كلامك يخلي الواحد يحب الصني

[hanykd]

السلام عليكم ورحمة الله

ماشاء الله عليك
دة لو مندوب مبيعات من نيسان مش حايشرحها كدة ولا يسوقها كدة أبداً
دة انت عامل دلراسة جدوى متخرش المياه
بارك الله فيك

أخوك فى الله هانى

[dramir1]

جزاك الله خيرا على افادة الناس
وفعلا موضوع رائع

[د.محمود صلاح]

تقييم محايد ممتاز .. بعد اضافة ال abs للصني ... اصبح ورقة رابحة في السوق المصري

[د.محمود صلاح]

فيرنا 1600 اتوماتيك (كرهتنى فى الهيونداى كله)

محتاج تفاصيل أكثر من حضرتك في النقطة دي لأن العربية دي من ضمن خياراتي ( وبعد إذن صاحب الموضوع بالطبع )

[dolly13]

تقييم رائع واعاد لى الثقة فى العربية
انا بقالى سنة بافكر فيها و وبجدية لكن كلام الاعضاء عنها بيخوفنى منها وبالذات ان بعض الاراء بتقول ان عفشتها ناشفة
وانا كل اللى يهمنى فى العربية ان العفشة تبقى ناعمة زى الفيرنا والبومة كدة
لكن لى سؤال ممكن يبقى غبى شوية
انا اعرف ان السوبر صالون فيها اى بى اس ولحد دلوقتى دايما اسمع ان فيه مشاكل لو استخدم بطريقة معينة يعنى بدل مايمنع الحوادث احيانا بيكون سبب فيها وانا من هواة المانيوال فكنت عايزة اعرف هى الصنى العادية مش سوبر صالون حلوة والا لا
مع الشكر

[eno_22006]

[marq="1;right;1;alternate"]انت برنس والله[/marq]

[احمد عزت]

حلوة ياباشا وزى الفل وهاتها ب اى بى اس .............والصراحه اول مره اسمع عن طريقه لاستخدام الاى بى اس
ده ياباشا بدل ما يخلى العجل يقفش وتقضيها زحف بالذات لو ماشى على رمل او زيت .....لا بيقفش على العجل متقطع فبتقف فى وقت اقل ..........

والفروقات الصراحه بين السوبر والاى اكس حلوة بس انا كشاب مش بتعجبنى
جنوط 15 تحسهم شبه الطاسه
دركسيون وفتيس مكسين جلد
ابانوس وده للعلم بلاستيك
ايرباج للى جنبك ودة الصراحه اللى مهمه اوى
جراب نظاره بكشاف قرائه ودة مش مهمة اصل ما حبكتش تقرا جرايد بليل فى العربيه
الفرق الميكانيكى الوحيد (الميزان الامامى ضد القلب stabilizer)

والفرق 10 الف ..........انا لو مكانك اجيب المانيوال او الاوتو واركب جنوط اسبور على مزاجى 15 بردو ب الفين جنيه ...واغير الكراسى لو عايز .....واوفر فلوس

[ahm128]

انت قلت اللى فعلا نفسى اكتبه

[basemsaeed]

تصدقوا ان انا جبت الصنى بعد تردد 10 سنين
خلال المدة دى من سنة 2000 جبت لانوس 2 و نوبيرا و بروتون ويرا 1500 اتوماتيك(الى زعلان انى بيعتها) و فيرنا 1600 اتوماتيك (كرهتنى فى الهيونداى كله) و اوبترا اتوماتيك.
واخيرا نيسان صنى سوبر صالون 2010
بامانة احسن واحده فيهم
و كويس انها جت بعديهم علشان اعرف قيمتها
انا بمشى فى اليوم 150 كيلو كل يوم ماعدا الجمعة انا عامل بيها فى اقل من 4 شهور 12000كم
وفعلا السحب بيتحسن عن الاول مع انى ملين 2000 كيلو
و ياجماعة صدقونى صوتها مش عالى عن باقى العربيات انا كانت معايا و الاوبترا ما كنتش لسه اتباعت شهرين كانوا الاتنين مع بعض الاوبترا كانت عاملة 70000 كم و صوتها كان اعلى منها مع انى كنت بحافظ على الصيانة.
فعلا العربية الوحيدة فى السوق الى تمنها على قدها (اقصد سعرها مش مغالى فيه زى بقيت العربيات التانية) كفاية ان فيها ميزة فريدة يقدرها الى بيمشى كتير زى وهى الكتينة الجنزير.
ربنا يبارك للجميع فيها

سؤال بس يا باشا بخصوص ان حضرتك كان معاك اوبترا و جبت نيسان بعدها
اولا هل الاستهلاك فى البنزين واحد فى الاتنين ولا فيه فرق؟؟؟
ثانيا ايه اللى حضرتك حسيته احسن فى النسيان عن الاوبترا غير صوت الماتور؟؟؟
مع انى شايف ان صالون الاوبترا ما شاء الله كبير,بس انا بفكر فى كذا عربية عشان عاوز اشترى واحدة و كنت مدخل قبل كده فى اختيراتى الالنترا و الجين 2 و بدات ادخل معاهم الاوبترا و النيسان صنى
فارجو من حضرتك سرعة الافادة
و شكرا

[basemsaeed]

استاذ احمد عزت تقريرك فوق الرائع و ان دل علي شيئ انك فعلا اتعاملت مع النيسان كعربية درستها صح و فعلا الاراء كتيرة اوي و الناس ساعات مش بتشتري العربيات كقيمة و ثبات و حفاظ علي النفس اد ما بتشتريها عشان شكلها الحلو و منظرها مش عارف عامله ازاي و كلام من ده و طبعا بتبقي عربيات غالية بطريقة وحشة
لكن لو جئنا للنيسان بصراحة عربية غير مقصرة تمام و كمان توكيل و خدمة ما بعد البيع فوق الرائع و معتقدش ان في توكيل في مصر بيتعامل مع العميل بنفس هذه الروح الطيبة و فعلا توكيلات نيسان و علي سبيل المثال و ليس الحصر السبع اوتوسيرفيس . كل العاملين فيه يكفيني بشاشة وجههم عند استلام العربية و تسليمها ليك مرة تانيه و فعلا متلاقيش اي مشاكل في العربية خالص
اللي بيدور علي عربية كقيمة في الايام ديه يبقي نيسان . عايز مناورات تلاقي . عايز غرز تلاقي . عايز جري بالعربية تلاقي . عايز استجابة سريعة تلاقي . عايز ثبات و كلبشة علي الطريق تلاقي
طيب انا هدور ليه علي عربية تانية و النيسان فيها كككككككككككككككل المميزات ديه و طبعا شكل العربية معقول جدا جدا بالنسبة للعربيات اللي شكلها حلو في مصر
العربيات اللي شكلها كويس هتلاقيها شكل لكن كل اللي كتبته عن الثبات و الحاجات ديه مش هيتجمعوا عمرهم في عربية تانيه الا في النيسان و بس
و بصراحة مفيش مشكلة قابلتني في التقفيل المصري غير فقط الكراسي و حلها هيكون غالي شوية لكن كأنك قاعد جوا بي ام دبليو و هو انك تروح مثلا لـ جينز كار تعمل فرش كراسي بحوالي 1300 جنيه و محترم و امريكي و تبقي مشكلة الكراسي اتحلت و بس .
اخي الحبيب بشكرك تاني علي سردك الرائع في للموضوع و نتمني انك تدخل بموضوعات جديده عشان نستفيد منك اكتر و اكتر

بالنسبة لمشكلة الكراسى دى,ممكن اعرف يه هى المشكلة,هل قصدك بيها ان الكراسى غير مريحة ولا ايه؟؟؟؟
و شكرا

[mohali1666]

موضوع جامد جدا وبصراحة تسلم ايدك على كل المعلومات القيمة ده انت قلت كل اللى نفسنا فيه وبصراحة انا بطلب من ادارة المنتدى ان يثبتوا هذا الموضوع لما له من تاثير كبير فى قرار الشراء للنيسان ومرجع ممتاز لحسن الاختيار


محمد على ابو الفتوح

[harizy]

بصراحة من أجمل التقييمات للعربية النيسان الصنى، وتقرير محايد يعنى لم يمجد العربية ولم يحط من قدرها إنما إبرز مميزاتها وعيوبها بمنتهى الصراحة لأن الكمال لله وحده، بس أنا كا نفسى أعرف اسم عمك المستشار ده إيه وفين فى مجلس الدولة لأن قريبى برده مستشار هناك ويمكن يعرفوا بعض هههههه!!!!!!1

[atefadel]

باشااااااااااااااااااااااااااااااااااااااااااااااا اااااااااا