ردياتير نيسان صنى موديل 1995

[imsry]

السلام عليكم
ارجو مساعدتى بخبراتكم الحمد لله عندى عربية نيسان صنى موديل 1995 وحصلت مشكلة فى الردياتير وانا بغسلة فى محطة البزين المهم انا ذهبت لواحد بتاع ردياتير وقالى لازم يتغير وبعدين لحمة بمعجون الارنديد لحد مااغيرة المهم اشترية جديد طبعا مفيش يابانى ولا استيراد من الحرفيين ارجو ردكم ولكم جزيل الشكر

[imsry]

السلام عليكم
ارجو الرد وارجو عمل جروب لنيسان صنى موديل 1995 لجميع الاعطال والمشاكل والحلول

[imsry]

اين الردود ياجماعة

[Ahmed.TV]

معلش اتاخرت عليك عقبال بس ما سالت لحضرتك والله

وكمان اغلب الناس بتكون مسافرة فى التوقيت ده او بيدخلوا باليل

الحمد لله محدش بيتاخر على حد هنا ابدااا

ونورتنا فى قسم نيسان واهلا بيك يا فندم


بالنسبة الى موضوع الراديتير , انا مستغرب انه مش موجود منه استيراد فى الحرفين هناك , بس حاول لف كويس فى الحرفين

بالنسبة الى التوكيل , وده اللى اخرنى فى الرد, عقبال ما سالت لحضرتك هو موجود ومتوافر هناك وسعره بالضريبة 1730 بالظبط ,واللى سالت عليه صنى مانيول موديل 95 ,

الحاجة التانية لو تقدر تيجيبه من التوكيل وتيجى على نفسك , يكون افضل واحسن عشان بدل ما كل شوية تصلح فيه او تجيب استيراد ويبوظ بعد كدا وتجيب واحد تانى , وهكذا وتلاقى نفسك دخلت فى قصة لقيت روحك فيها فى النهاية وصلت لتمن واحد جديد

واذا حبيت تجيبه من التوكيل , ابعتلى على الخاص وانا ممكن اروح مع حضرتك كمان

وبالنسبة الى الردياتير , بره التوكيل ويكون جديد ,حاول اشوف المحلات اللى فى التوفيقية لنسيان يمكن تلاقى عندهم

وبالنسبة بردوا الى الاستيراد فى فالمريوطية هرم محل مشهور هنا لقطع الغيار النيسان , بس مش عارف اسمه بالظبط , بس هو مشهور هناك جدا
واللى قالى عليه عضو زميلنا اسمه محمد على ابو الفتوح , وهو ساكن هناك قريب منه وقالى عليه , فاصبر شوية لغاية ما يدخل محمد ويقولك على اسمه , اذا كنت حتجيبه استيراد

وبالنسبة الى الرابطة , للاسف اللى معاهم الموديلات القديمة مش كتير معانا اغلبهم جديد كله ,

وممكن حضرتك تدخل هنا وتسجل وجودك معاهم فى اللينك ده وتشوف مين من الاعضاء معاهم صنى موديل قديم
http://www.nilemotors.net/Nile/18245-a.html

وتحت امرك فى استفسار

واهلا بيك فى اسرة نيسان

[imsry]

الاستاذ / احمد
شكرا جزيلا على اهتمامك وعلى زوءك وعلى ردك وربنا يبارك فيك
انا سألت علية فى محل عندنا فى شارع ترعة الجبل فى الزيتون واحد اسمة طارق فالى 380 جنية و 30 جنية تركيب وفى ناس كتير قالتلى استيراد من الحرفيين احسن علشان كدة انا محتار بين الجديد ابو 380 ولا الاستيراد ايهما احسن

[Ahmed.TV]

لا طالما لقيته جديد وبالسعر ده يبقا روعةةةةةةةةةةةةة , وانا اسف انى معرفش محلات بره التوكيل , بس اهم حاجة نوعه ايه

وبعدين اكيد لو كنت لفيت فى الحرفين كويس كنت حتلاقى ,

المهم قولنا نوعه ايه اللى قالك عليه

وطمنا فى الاخر وقولنا عملت ايه

عشان نستفاد بتجربتك ياريت

وتقبل تحياتى وربنا يوفقك باذن الله