مركز خدمه السبع

[WalidAdel]

انا عايز اعرف تكلفة حاجات عايز اعملها في التوكيل و بفكر اعملها بره التوكيل برده بس التوكيل اكيد انظف في الحاجات دي بس عايز اعرف التكلفه كام قبل ماروح هل يبنفع ولا ايه علشان الحاجات اللي عايز اعملها كتير و اكيد مكلفه كمان ولا اخد البنك معايا و اروح و زي ماتيجي تيجي
الحاجات اللي عايز اعلمها لو سبق لحد من الاعضاء و عملها
1- تنظيف انجكشن
2- تغيير بلي عجل امامي و خلفي (البلي الامامي منتهي فهغير كله)
3- تيل امامي و خلفي (تيل اسباني ردئ فهغير كله)
4- مسح طنابير امامي (فيها رجرجه خفيفه اوي علي سرعات عاليه)
5- اسطوانة دبرياج كامله (بقالها 110 الف كفايه عليها كده)
6- الكشف علي العفشه و تغيير اللازم (بس مش عارف ايه اللازم ده لانها مش عجباني)

كفايه كده لحسن حاسس اني لو روحت التوكيل بكل الحاجات دي هادفع خمس الاف مثلا

ياريت لو حد عنده معلومه مابيخلش عليا بيها

و شكرا مقدما

[Ahmed.TV]

استاذ وليد , اهلا بيكككك ... كنا مستنين حضرتك من زمان , ومفتقدين الناس المحترمة اللى زيك يا فندم ومشاركتها المتميزة

كنت عضو نشيط معانا فى نيسان....وعرفت حضرتك من الموضوعات القديمة ,اصل كنت بتابع الموضوعات القديمة عشان بطلع منها اهم الموضوعات للقسم , وقريت لحضرتك مشاركات كتيرة ومهمة وعرفت حضرتك منها,

بالنسبة الى موضوع التكلفة ...

فى موضوع مثبت فى القسم لقطع الغيار بص عليه وشوف منه تكلفة تغير قطع الغيار التقريبية فى التوكيل وده اللينك

http://www.nilemotors.net/Nile/157121-2010.html

وان شاء الله يفيدك ,
وتحت امرك يا فندم فى اى استفسار
اهلا بيك مرة تانية فى اسرة نيسان

تقبل تحياتى
اخوك احمد مصطفى

[Bishoy.Girgis]

ربنا يخليك لنا يا احمد و موضوعاتك القوية اللي مش مخليانا عايزيين حاجه خاااااااااااااااااااااااااااالص

[WalidAdel]

ياباشا ربنا يخلي حضرتك ياستاذ احمد لزوقك و ربنا يسهل ان شاء الله وانا كده كده رايح بكره بقي و زي ماتيجي تيجي بقي لان العربيه حاسس ان مستواها بقي في النازل الايام دي مش عارف لييييه
عموما ان شاء الله لما اجي من التوكيل هابقي احكي ايه اللي حصل و شكر تاني لحضرتك