إعـــــــلان

Collapse

.

,
See more
See less

صيانة ال 102 و مودرن موتورز

Collapse
X
 
  • Filter
  • الوقت
  • Show
Clear All
new posts

  • صيانة ال 102 و مودرن موتورز

    انهارده الصبح توجهت لمركز مودرن موتورز لانه قريب من البيت و قولت لو اتزنقت في فلوس ولا حاجه حد من صحابي ييجيلي و فعلا واحد صحبي عدي عليا قعد معايا شويه
    المهم روحت التوكيل الساعه 9 بالظبط كنت هناك (الحته اللي جايه دي للاخ اللي كان بيسال علي الحجز قبل ماتروح)
    دخلت علي البوابه الراجل بتاع الامن سالني حجزت ولا جاي كده قولتلوا جاي كده قالي تكن بره التوكيل في تروح الصاله و تاخد رقم و تستني دورك وش كده قولتلوا طيب و ماله جوا قالي لأ دول للناس اللي حاجزه بالتليفون
    المهم ركنت و روحت الصاله سحبت رقم كان قدامي 17 واحد بالظبط في ساعه كانا خلصوا و جهه دوري انا
    كتاب الضمان كنت ناسيه فسالت قالي اخر مره جيت امتي قولتوا لا انا بقالي كتير مابجيش قالي يبقي مش مهم
    المهم لاحظت ان الناس اللي حاجزه بالتليفون ليهم مهندس لوحدهم لان في ست جت و كانت حجزه قالها استني لما المهندس التاني ييجي و نادي علي واحد عادي
    المهم قابلني المهندس حاتم اسماعيل و الراجل اكن له كل تقدير و احترام الصراحه
    قالي اخر صيانه رديت عليه 25 الف فالراجل استغرب اوي يعني المهم قالي طيب حضرك جاي تعمل فحص ولا حاجات معينه عايز تركبها قولتلوا خالينا في الفحص بقي نجيب العربيه من اول السطر كده قالي ماشي و قولتلوا لاقيت حاجات خفيفه كده غيرها زي تيل امامي و خلفي مثلا لاقيه طنابير ماشي كده يعني قالي لما نكشف قولتلوا علي البلي قالي كله بعد الكشف بقي لان لو فيها حاجه في العفشه هاتبات العربيه في التوكيل قلتله لأ خالينا في الفحص و التيل و بس لكن بيات مش هاينفع
    كان قالي علي تغير زيت فتيس و ميه ردياتير قالي كل 40 الف بيتغيروا
    جينا بعد الفحص كانت حوالي الساعه 3:30 مثلا نزلت ادفع الفاتوره
    لاقيتها بقي تيل امامي و خلفي و فلتر هوا و شويه كليبسات اكصدام و كليبسة سيخ الكابوت و الفحص كله كله 1200 جنيه ماشي محتاجه العربيه بقي 4 مساعدين كنت مركب KYB بس شكلهم فاشلين اوي مقعدوش في العربيه يعني و جوز مقصات امامي و بليه يمين و بس
    الاسعار دي في مودرن موتورز
    مقصات 1040 و مصنعية تركيب 150
    بليه يمين 220 و مصنعيه تركيب 75
    جوز مساعدين امامي 1500 و مصنعية تركيب 150
    جوز مساعدين خلفي 1000 و مصنعية تركيب 150 (بس القدام يشتغلوا شويه)
    الطنابير كويسه قالي مع التيل هاتظبط
    زيت فتيس كويس مش محتاج تغير مع ان العربيه عامله 102 الف
    ميه الردياتير كويسه بردوا مع اني مغيرتهاش ولا مره
    و شحموا الكوالين بتاعة العربيه كلها و حطوا المكنه علي الجهاز علشان الانجيكشن و ظبطوا علبة الدريكسيون لان كان فيها دبه في المطبات علشان الميكانيكي الظريف اللي بروحلوا قرط علي صامولة الرجلاش اوي فحملت و كانت بترزع في المطبات و ركبوا الكليبسات اللي ماقولتش عليها بالمره و غسلوا العربيه و اختها و مشيت الحمد لله و حسيت بفرق في سحبة العربيه و كده و العربيه نعمت في المطبات
    ليا تعليق بقي بالنسبه للمقصات لاني محسيتش ان العربيه ممكن تكون محتاجه مقصات خالص لكن المساعدين انا عارف انهم مش هايقعدوا في العربيه دا منهم مساعد شمال امامي اخت مطب علي 140 ماعرفتش افاديه لان كان جنبي عربيات و بتاع المهم تاني يوم لاقيت المساعد جايب زيت و الكاوتشه بتاعة التراب مقطوعه و دا بعد شهر من تركيبهم لكن المقصات دي كاتنت غريبه شويه
    و خلص اليوم علي كده و الحمد لله و قولت هابقي اتصل احجز بقي .... اسف للاطاله

  • #2
    الحمد لله سرد شيق للموضوع بس ممكن تفصيل ال 1200 ج

    Comment


    • #3
      عقبال كل مرة
      [FONT=Arial Black][SIZE=6][COLOR=Black][SIZE=5][COLOR=#193b9e]اللهم أدخلنى مدُخل صدقٍ و أخرجنى مُخرج صدقٍ و أجعل لى من لدُنك سلطاناً نصيراً[/COLOR][/SIZE]
      [SIZE=5]مهندس/ محمد حمام[/SIZE]
      [/COLOR][/SIZE][/FONT]

      Comment


      • #4
        السلام عليكم
        ممكن اسأل العربية عاملة كام كيلومتر
        لأن 2008 و تغير المساعدين مرتين
        الا بقى لو سواقتك عنيفة جدا و بتفتري عالعربية
        انا معايا 2007 و من فضل ربنا ما مديتش ايدي في العفشة الا للأمانة مساعد امامي اتعوج في حادثة و غيرته.

        مع تحياتي
        د. عيد
        [CENTER][SIZE=4][COLOR=Blue]مع تحياتي[/COLOR][/SIZE]
        [SIZE=4][COLOR=Blue] د.عيد[/COLOR][/SIZE]

        [SIZE=4][COLOR=Blue]قال رسول الله صلى الله عليه وسلم:
        (([I]من بات آمنا في سربه[/I] معافى في بدنه عنده قوت يومه فكأنما حيزت له الدنيا بحذافيرها))[/COLOR][/SIZE][/CENTER]

        Comment


        • #5
          ربنا يباركلك في عربيتك...هو حضرتك روحت فرع الدقي ولاابورواش؟؟؟
          *اللهم اصلح احوال مصر واصرف عنها الفتن*

          Comment


          • #6
            بصفة حضرتك ركبت الصني والميجان ايهم افضل
            من حيث الاداء وقطع الغيار؟؟
            وهو عربيتك الصني اتوماتيك؟؟؟؟؟
            *اللهم اصلح احوال مصر واصرف عنها الفتن*

            Comment


            • #7
              المشاركة الأصلية كتبت بواسطة egypt0777 مشاهدة المشاركة
              الحمد لله سرد شيق للموضوع بس ممكن تفصيل ال 1200 ج
              300 مصنعية الفحص
              350 تيل خلفي
              300 تيل امامي
              14 كليبسات (10 كليبسات الاكصدام - 4 كليبسة السيخ)
              و الباقي بقي ضريبة مبيعات و كده

              Comment


              • #8
                المشاركة الأصلية كتبت بواسطة doctor_eid مشاهدة المشاركة
                السلام عليكم
                ممكن اسأل العربية عاملة كام كيلومتر
                لأن 2008 و تغير المساعدين مرتين
                الا بقى لو سواقتك عنيفة جدا و بتفتري عالعربية
                انا معايا 2007 و من فضل ربنا ما مديتش ايدي في العفشة الا للأمانة مساعد امامي اتعوج في حادثة و غيرته.

                مع تحياتي
                د. عيد
                يادوك حضرتك انا شغال في المقاولات و العربيه دي بتتعب و بتشقي جامد الصراحه و هيا عامله 102 الف و شويه و دايما بتمشي في اي حته صحري ماشي اسفلت مايضرش مدقات مش مشكله مابتقولش لا الصراحه يعني و رينا يسترها

                Comment


                • #9
                  المشاركة الأصلية كتبت بواسطة dramir1 مشاهدة المشاركة
                  بصفة حضرتك ركبت الصني والميجان ايهم افضل
                  من حيث الاداء وقطع الغيار؟؟
                  وهو عربيتك الصني اتوماتيك؟؟؟؟؟
                  انا لاروحت الدقي ولا حتي فرع ابورواش انا روحت فرع الهايكستب

                  بالنسبه للميجان و الحمد لله ماركبتهاش ولا مره و هيا سليمه اخويا مسيطر عليها سيطره تامه و مش بيرضي يخليني اركبها مع اني انا اللي مركبهاله ابن التييييت دا بس هاقول ايه و لما بتبوظ بييجي يرميهالي و ياخد عربيتي لكن هو عمره عمره مافكر يشد معايا بيقعد يغظني و يقولي خايف عليك
                  انا سوقتها مره واحده بس حوالين نادي الشمس و كانت بلطجه مني عليه و علي العربيه بصراحه هيا بتسحب كويس و مش بتحس انك بتجري لان الاتزان بتاعها غريب علي الارض ماشاء الله لكن التسارع مش زي المانيوال ابدا و ماجربتهاش علي سرعات و غرز و كده بس اكيد هاتبقي ظريفه يعني و صالونها حلو و فخم و حاجه عظيمه اوي يعني
                  بس نيجي بقي للميكانيكي و قطع الغيار لو حساس فصل العربيه بتقف تماما و مش بتمشي مافيش بقي زقه و تدور و الكلام دا و لازم كمبيوتر علشان تعرف مكانه و تغيره اقربها من مده كده الفيوز بتاع مروحة التبريد ضرب فالعربيه سخنت منه طلعت ايرور ان الموتور لازم يقف اخويا سمع الكلام و ركن و بطل العربيه علي امل انها لما تبرد هاتدور تاني لكن انسي بقي مافيش مش عايزه تدور ولا مرش حتي بيلف طبعا الونش التمام و علي الحرفيين عدل دي مشكلتها الوحيده كمية التكنولوجي اللي فيها مخلياها متعبه اوي و بالنسبه لقطع الغيار مفيش فرق اوي يعني طبعا بالزياده للميجان بس حاجتها معمره هو بس اخويا علشان بيسترخص فبياخد كل شويه فوق دماغه يعني لكن هيا ظريفه عامة
                  و اسف للاطاله بس كان لازم للتوضيح

                  Comment


                  • #10
                    100% علي سردك للموضوع و عايز اقولك ان المساعدين اصبحوا رياضية من موديل 2009 يعني مساعدينك المفروض انهم رياضية
                    [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

                    [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

                    Comment


                    • #11
                      انتو عارفين احلى حاجة فى توكيل نيسان

                      ان الناس لما تشتكى من حاجة التوكيل علطول بيغيرها فى الموديلات اللى بعدها

                      زى موضوع المسعدين الرياضين -- لما كنت بشترى العربية فعلا الشاب بتاع الموزع اكد المعلومة ده ان كل المسعدين بقيت واحده يعنى مسعدين السوبر بقت هى هى مسعدين ال ex عشان الناس كانت بتشتكى من المسعدين بتاعت ال ex

                      ده على حد قوله

                      Comment


                      • #12
                        المشاركة الأصلية كتبت بواسطة largeman مشاهدة المشاركة
                        100% علي سردك للموضوع و عايز اقولك ان المساعدين اصبحوا رياضية من موديل 2009 يعني مساعدينك المفروض انهم رياضية
                        انا 2008 ياباشا و عموما انا كده كده ان شاء الله ناوي اغيرهم للاصلي لحسن kyb دا فاشل اويو شكرا لمرور حضرتك

                        Comment


                        • #13
                          شكرا لردك الوافي
                          د. أمير
                          *اللهم اصلح احوال مصر واصرف عنها الفتن*

                          Comment


                          • #14
                            معلش يا اخي انا بس مستغرب من حاجة انا بايع اللانوس ١٢٠ الف مغيرتش غير بارات الدركسيون ام ١٠٠ جنيه دي حتي الطنابير خرطهم مرة واحدة قبل ما ابيعها ده كله واللانوس الطيبة ماشية وزي الفل ازاى بقي الصني تتطلب ده كله بعد ١٠٠ الف حتي لو استعمال شاق هي العربية مع حضرتك من الزيرو بالنسبة للعفشة السبور هي فعلا بداوا يركبوها من بعد العربية ١٩٠٠٠
                            [URL]http://www.midad.me/quran.php?rewaiaId=1[/URL]

                            Comment


                            • #15
                              تصدق والله يا وليد...إنت ليك وحشه فى هنا فى المنتدى؟؟
                              بس تغيب تغيب..وترجع بحاجه زي الفل...
                              الله يباركلك فى العربيه...
                              بس هل إنت روحت مودرن لغرض معين..يعني ليه فضلته على أي حاجه تانيه؟؟؟
                              [CENTER]م/محمد علاء[/CENTER]
                              [CENTER][SIZE="2"][/SIZE][/CENTER]
                              [CENTER]مش شرط اعجب كل الناس .....لان مش كل الناس بتعجبني[/CENTER]
                              eng:mohamed سابقا

                              Comment

                              Working...
                              X