حل مشكلة ونة الصوت فى الصنى

[WalidAdel]

شكر خاص للاستاذ احمد مصطفي و المهندس كريم (توكيل السبع)

كنت ذكرت موضوع السيور و البلي وان الاستاذ احمد تفضل مشكورا انه يوصلني بالمهندس كريم في توكيل السبع علشان العربيه تخش بسرعه و كده علشان يعرفوا الصوت جاي من فين
وصلت في الميعاد (10:10) المحدد ( اللي هو كان 9:30 - 10:00)مسبقا مع المهندس كريم و كلمته و طلعلي بره علشان يسمع الصوت و كان رايه في الاول انهم مش سيور و تم استلام العربيه و قالي هاعملك اللازم و هكشف علي بلية الشداد و الدينامو و كله علشان نتاكد وانا سيبتله العربيه و طلعت انتظر في الاستراحه مفيش دقيقتين لاقيت العربيه دخلت الورشه و و بعد المعاينه انصل بيا يقولي هانغير سيور و نجرب لو الصوت موجود نشوف االي هايحصل لان نوعها باين انه وحش و هايتم تغير البلي و كانت الساعه بقيت 10:30 تقريبا
في اثناء و العربيه مفكوكه كلمت المهندس كريم اقوله يشوفلي المقصات اللي توكيل مودرن موتورز عايز يغيرها لان انا مش بسمع كلام واحد بس في اي حاجه لازم اشوف كلام كذا حد لدرجة ان اني خاليت الميكانيكي ينزل تحت العربيه لما رجعت من عند مودرن موتورز قولتلوا شوف المقصات قالي تمشي مش تتغير و بالفعل المهندس كريم توجه للسياره و بعد ماشافهم كلمني و قالي لا كويسين مش وقتهم خالص يتغيروا دلوقتي
علي الساعه 1:30 كده تقريبا كانت العربيه خلصت و نزلت من علي الكوريك وواقفه مستنيه نزلت اشوف المفروض ايه اللي يحصل كلمت المهندس كريم لعاشر مره مثلا اقوله العربيه خلصت قالي اه و المفروض 5 دقايق و ننزل نجربها و بالفعل طلعلي المهندس كريم و جربنا العربيه و الحمد لله كانت تمام لفينا بيها شويه كتير علشان تسخن و نشوف الصوت هايطلع ولا لأ و في الطريق اتكلمنا في حاجات تخص العربيه عموما و كانت حديث ظريف و طبعا في الاخر رجعنا علي التوكيل و كان الصوت الحمد لله مالوش وجود
و طبعا اظهر المهندس كريم استياءه من اداء الدبرياج بصفه خاصه و قالي لازم يتعمل و قالي علي المقصات تقعد كمان 10 الاف و دخلنا جوه تاني و شوفنا الفاتوره و حسيبت و مشيت و كنت ماشي مبسوط جدا
لكن حصل موقف الصراحه وانا ماشي بتكلم في التليفون لاقيت حاجات مش موجود في العربيه قولت بس انا اتقلبت ادور يمين شمال مافيش قولت هارجع و اكلم المهندس كريم و نشوف الحاجات راحت فين وقفت بالعربيه و ليسه هالف قولت انزل ابص في الشنطه و اذا بي افتح الشنطه الاقي كيس مكتوب عليه السبع و مدبس لاقيت الحاجات اللي كنت بدور عليها محطوطه كلها في كيس في الشنطه و قولت الحمد لله فعلا ناس محترمين والله و المهندس كريم قمة في الاحترام و ذوق جدا
شكرا استاذ احمد مصطفي لانك عرفتني بالشخصيه دي و شكرا المهندس كريم علي حسن المعامله و ان شاء الله هاروح اعمل الاسطوانه هيا سعرها عالي شويه بس مش مشكله علشان اريح دماغي كفايه اللي حصلي بجد والله انا في يوم مانمتش بسبب الصوت دا

دي شوية اسعار كده
220 بليه امامي
100 سير دينامو
150 سير تكييف

[Ahmed.TV]

الحمد لله ان المشكلة اتحلت على خير يا وليد باشا

وربنا يخليك على شعورك الطيب ده , ولا شكر على واجب , احنا كلنا اسرة واحدة , وموجودين هنا لمساعدة بعضنا البعض , وتحت امرك دايما

انا زعلان لانى مقدرتش اجى واكون معاك ,لانى كنت مستاذن من الشغل الصبح وكنت مع بيشوى حبيبى بردوا وكان مواعدنى ومكنش ينفع اسيبه وبعد ما خلصت معاه رجعت على الشغل على طول لانى كنت متاخر ومكنش بايدى الا اتابع مع حضرتك فى التليفون

واهم حاجة انك مشيت مبسوط ومرتاح ومشكلة الونة دى راحت

وبوجه شكرى معاك الى المهندسين فى السبع كلهم

لانهم ناس محترمين جدا فى التعامل مع العملاء , وبصراحة مش بيتاخروا على اى حد ابدااا , واعتقد ان حضرتك شوفت وربنا يجزيهم كل خير

وبجه شكر خاص الى الاخلاق والذوق والقمة فى العطاء والمحبة للعملاء ولشغله المهندس كريم , وربنا يجزيه خير , ويوفقه فى شغله ,ودائما الى الاحسن ياكريم

وتقبل تحياتى
احمد مصطفى

اسرة نيسان

[WalidAdel]

الحمد لله ان المشكلة اتحلت على خير يا وليد باشا

وربنا يخليك على شعورك الطيب ده , ولا شكر على واجب , احنا كلنا اسرة واحدة , وموجودين هنا لمساعدة بعضنا البعض , وتحت امرك دايما

انا زعلان لانى مقدرتش اجى واكون معاك ,لانى كنت مستاذن من الشغل الصبح وكنت مع بيشوى حبيبى بردوا وكان مواعدنى ومكنش ينفع اسيبه وبعد ما خلصت معاه رجعت على الشغل على طول لانى كنت متاخر ومكنش بايدى الا اتابع مع حضرتك فى التليفون

واهم حاجة انك مشيت مبسوط ومرتاح ومشكلة الونة دى راحت

وبوجه شكرى معاك الى المهندسين فى السبع كلهم

لانهم ناس محترمين جدا فى التعامل مع العملاء , وبصراحة مش بيتاخروا على اى حد ابدااا , واعتقد ان حضرتك شوفت وربنا يجزيهم كل خير

وبجه شكر خاص الى الاخلاق والذوق والقمة فى العطاء والمحبة للعملاء ولشغله المهندس كريم , وربنا يجزيه خير , ويوفقه فى شغله ,ودائما الى الاحسن ياكريم

وتقبل تحياتى
احمد مصطفى

اسرة نيسان

ياباشا الشكر لحضرتك و كفايه انك كنت متابع معايا الموضوع باتليفون والله يعني انا مكنتش عايز اتعبك معايا بس كنت اتمني اني اشوفك و اتعرف عليك والله و ان شاء الله في اول مقابله اكون موجود معاكوا فيها و اتعرف عليك

[Samah AbdAllah]

شكرا استاذ وليد على نقل تجربتك
فعلا بنكون كلنا سعداء لما نلاقى مشكلة احد الاعضاء اتحلت وكمان بنكون اسعد لما نلاقى توكيل جيد يخدم عملاؤه كما ينبغى
مبروك على زوال الونة عقبال ما تحل مشكلة الدبرياج
تحياتى يا افندم
شكرا احمد على تعبك مع الاعضاء ربنا يخليك لنايل موتورزكلها مش نيسان بس

[WalidAdel]

شكرا استاذ وليد على نقل تجربتك
فعلا بنكون كلنا سعداء لما نلاقى مشكلة احد الاعضاء اتحلت وكمان بنكون اسعد لما نلاقى توكيل جيد يخدم عملاؤه كما ينبغى
مبروك على زوال الونة عقبال ما تحل مشكلة الدبرياج
تحياتى يا افندم
شكرا احمد على تعبك مع الاعضاء ربنا يخليك لنايل موتورزكلها مش نيسان بس

الحمد لله و شكرا لمرور حضرتك

[Bishoy.Girgis]

الف الف مبروك يا استاذ وليد ان كككل المشاكل اللي عندك اتحلت و طبعا هو ده االمتعارف عن توكيل السبع اوتوسيرفيس انه مش بيمشي عميل زعلان ابدا و كل الشكر لكل الموظفين هناك و بخص بالذكر المهندس كريم اسامه اللي فعلا مش بيتأخر عن حد ابدا
و طبعا اخويا اخويا اخويا الحبيب احمد اللي فعلا بيتعامل بكل محبة و بساطة مع كل الناس ... ميرسي يا احمد علي تعبك معايا و انت بجد اخ عزيز عليا اوي اوي اوي

[ahm128]

انا بعد اذنكم كنت عايز اعرف هو صوت الونة اللى بتكلموا عليها دى بيكون مسموع وعالى ولا ايه لانه سعات بيظهر عندى صوت ونة على خفيف قوى ومش متصل على فترات اثناء السير

[Ali_Abo_Amr]

تجربة مفيدة جدا وانا مبسوط لك بصراحة علشان انا عارف لما بيكون فيه مشكلة عند الواحد بيبقى قلقان لحد ما تتحل ...
والراجل احمد مصطفى ده مالوش حل الصراحة ....

[ahm128]

انا بعد اذنكم كنت عايز اعرف هو صوت الونة اللى بتكلموا عليها دى بيكون مسموع وعالى ولا ايه لانه سعات بيظهر عندى صوت ونة على خفيف قوى ومش متصل على فترات اثناء السير

هو ليه محدش رد علية

[WalidAdel]

انا بعد اذنكم كنت عايز اعرف هو صوت الونة اللى بتكلموا عليها دى بيكون مسموع وعالى ولا ايه لانه سعات بيظهر عندى صوت ونة على خفيف قوى ومش متصل على فترات اثناء السير

مش مسألة محدش رد علي اد مامسألت ان الكلام مش واضح اوي حضرتك

حضرتك الونة عموما مختلفه المصدر و الصوت انا عندي مثلا مكنتش مسموعه اوي حتي ابويا مكنش واخد باله منها و لا الميكانيكي بتاعي بردوا قعد يقولي دي تهيؤات و بتاع
المهم حضرتك توضحلي السير دا بيبقي ازاي يعني وانت ماشي علطول ولا واخد ملف شمال ولا ملف يمين كده يعني و علي سرعه ولا لأ و دواسة البنزين بتبقي كابس عليها جامد ولا مريح و لا ثابته يعني و بعدين لازم تحدد الصوت جاي منين بالظبط انا قعدت 3 ساعات بدور الصوت جاي منين و انا واقف ولا ماشي و من التكييف ولا لأ ولا لحسن تكون من الكتينه ولا من علبة الدريكسيون حوار كبييييييييير و بياخد وقت انك تحدد صوت الونه دي ايه علشان لما اروح التوكيل مش هايقعدوا يدور بذمه و يقوليلي دا من هنا لأ اسهل حاجه هايقولك العربيه تمام
انا لما روحت توكيل السبع كنت محدد انها بتطلع و العربيه سخنه و مكانها ناحية السيور و بتطلع و المكنه صوتها عالي حبه مش سلانسيه و لما بدور العربيه مش بيبقي الصوت موجود علشان العربيه بتبقي بارده و مش من التكييف و الصوت طالع من ناحية السيور و لو هيا السوير كبيتي عليها شويه ميه الصوت راح يبقي النتيجه النهائيه اللي بلغت بيها التوكيل او المهندس كريم انها سيور علي اد تحليلي للصوت

[ahm128]

اولا شكرا على الاهتمام
ثانيا انا حاولت اشخص المشكلة بالتكيف ومن غيره وبالجرى وبهدوء واول ماوصل لشىء ان شاء الله هكتب لكم مباشرة

[WalidAdel]

لما حضرتك تيجي تكتب الموضوع امتبه في موضوع منفصل و احكي اللي عملته بالتفصيل علشان الناس تتفاعل معاك و تقولك رايها حاول تحكي بكل التفاصيل علشان الناس تحس انك فعلا عايز رايهم