مش عارف هل دة طبيعي

[atefadel]

باللامس جالي مشوار في اخر الهرم
وانا ساكن في مدينة نصر
اخزت الدائري
المهم وانا ماشى بدوت تكيف العربية كانت فايقة وسحبها حلو
هي عاملة دلو قتي 1400 كيلو
كان الجو حر فشغلت التكيف وانا ماشى علي 100 كيلو
وبعدها حسيت ان العربية سحبها قل ومكانتش بتعدي 80 كيلو بسهولة
وكان لازم ادوس بنزين لللاخر
وكان rpmبيعلي قوي بدون زيادة في السرعة محسوسة
هل دة طبيعي لان العربية لسة زيرو والمتور متفتحش
ولا في مشكلة واروح التوكيل وشكرااااااااانا اول مرة اسوق اتوماتيك
بس حاسس ان المانيول احسن في العزم
انا حاسس ان العربية هي الي حكماني مش انا الي حاكمها زي المانيول

[WalidAdel]

بس حاسس ان المانيول احسن في العزم
انا حاسس ان العربية هي الي حكماني مش انا الي حاكمها زي المانيول

مادا احساس الاوتو ياباشا بس حتة العزم دي هما الاتنيني واحدبس ممكن يكون التسارع مش واحد و بعدين شوف لمبه الافر درايف منوره ولا لأ لان تقريبا الطبيعي بتاعها انها تبقي منوره و بعدين احرق علي النقلات الفتره اللي جايه دي يعني انقل علي 3.5 - 4 كده و شوف هل بردوا هاتبقي تقيله في السحب ولا لأ
انا معايا مانيوال علي فكره ممكن تستني رد الاعضاء اللي معاهم اوتو

[atefadel]

مادا احساس الاوتو ياباشا بس حتة العزم دي هما الاتنيني واحدبس ممكن يكون التسارع مش واحد و بعدين شوف لمبه الافر درايف منوره ولا لأ لان تقريبا الطبيعي بتاعها انها تبقي منوره و بعدين احرق علي النقلات الفتره اللي جايه دي يعني انقل علي 3.5 - 4 كده و شوف هل بردوا هاتبقي تقيله في السحب ولا لأ
انا معايا مانيوال علي فكره ممكن تستني رد الاعضاء اللي معاهم اوتو

ازاي احرق علي 3.5 4 -
ولمبة اوفر انا مخليها مطفية علي طول
زي ما الاخوة في المنتدي قالولي

ارجوا من الاخوة الي معاهم اتو
يفدوني

[محمد ابراهيم 1]

أنا مش فاهم ايه المشكلة
عموما لازم الفتيس يبقى على d مش 2
ولازم زرار الأوفر درايف اللى فى عصاية الفتيس يكون لجوه
وعموما الفتيس الأوتوماتيك بينقل بمعطيات معينة مش عند سرعة معينة وخلاص يعنى إنت لو دايس بنزين جامد فده بيأخر النقل جدا ومع الوقت حتتعود على العربية ويكون الموتور فتح

[basemsaeed]

روح التوكيل و شوف الموضوع ايه,ده احسنلك و لو ما عملتش صيانة الالف,روح اعملها و اقولهم على الحكاية دى
عشان انا اسمع انى التكييف بتاع الصنى ما بيأثرش على السحب
و شكرا

[atefadel]

أنا مش فاهم ايه المشكلة
عموما لازم الفتيس يبقى على d مش 2
ولازم زرار الأوفر درايف اللى فى عصاية الفتيس يكون لجوه
وعموما الفتيس الأوتوماتيك بينقل بمعطيات معينة مش عند سرعة معينة وخلاص يعنى إنت لو دايس بنزين جامد فده بيأخر النقل جدا ومع الوقت حتتعود على العربية ويكون الموتور فتح

المشكلة اني حاسس ان العربية سحبها بيقل لو التكيف شغال
ولو انا عاوز ازود السرعة بطي~ة الاستجابة
هل دة طبيعي

[mohamedhamam]

هذا غير طبيعى و الأفضل أن تذهب إلى التوكيل

[mido90]

انا عندى صنى اوتو و التكييف بياثر على السحب على السرعة المتوسطة من 30 الى 60 كيلو بالساعة و يقل التاثير بعد 70كيلو

[egypt0777]

متابع معاك باهتمام

[conc]

هذا غير طبيعى العربية بتجيب بالتكييف ١٢٠ والrpm ما بيعديش ٣ وبسرعة

[atefadel]

هذا غير طبيعى العربية بتجيب بالتكييف ١٢٠ والrpm ما بيعديش ٣ وبسرعة

هل عربية حضرتك مانيول ولا اوتو
انا العربية بدون تكيف بتجيب 120 وrbm بيكون علي 3
اما بالتكيف 90 وrbm بيبقي 3.5

[ahmed alaa]

غير مستحب فتح التكيف و العربية ماشية على سرعة عالية و الكلام ده موجود فى موضوع فى قسم mazda و كيفية الحفاظ على تكيف السيارة و نصائح أخرى و كان من ضمنها (عدم فتح التكيف على سرعة عالية حفاظا على السيور و الكومبريسور) الله أعلى وأعلم

[MOK3336]

السحب بيتأثر مع تشغيل التكييف وده عندي عادى ومتهيقلي ده الطبيعي لكن حته انها مش هتجيب أكتر من 80 دي غريبه
وموضوع التكييف مع السرعات العالية ده برضة مش متأكدمنه يعني لو أنا مسافر والدنيا حر وبجري مثلا 140 -150 مشغلش التكييف ؟.

[mema75]

السحب بيتأثر مع تشغيل التكييف وده عندي عادى ومتهيقلي ده الطبيعي لكن حته انها مش هتجيب أكتر من 80 دي غريبه
وموضوع التكييف مع السرعات العالية ده برضة مش متأكدمنه يعني لو أنا مسافر والدنيا حر وبجري مثلا 140 -150 مشغلش التكييف ؟.

انا معايا مانيوال والتكييف بياثر في السرعات البطيئه فقط لكن يعد ال 70 اعتقد مفيش تاثير يذكر
اما بالنسبه لموضوع تشغيل التكييف علي السرعات العاليه فا اعتقد ان الاخ يقصد انك لما تحب تشغل التكيف في البدايه خلي العربيه اما تكون واقفه او السرعه تحت ال 40 واعتقد ان كلامه صحيح لان لما تكون العربيه علي سرعه كبيره بيكون عدد لفات الموتور عاليه وبيكون التكيف ثابت فاعتقد ان الكمبروسر لما فجئه تطلب منه يبدا يشتغل علي موتور عامل 2500 لفه في الدقيقه علي الاقل اعتقد ده بياثر علي السيور والكمبروسر جامد والله اعلم
مصطفي

[أحمد علاء]

هل عربية حضرتك مانيول ولا اوتو
انا العربية بدون تكيف بتجيب 120 وrbm بيكون علي 3
اما بالتكيف 90 وrbm بيبقي 3.5

أزاي ديه؟
120 وال rpm على 3 معقول بس سرعة 90 وال rpm على 3.5 ازاي؟
يا ريت تراجع الموضوع تاني بس بص على عداد ال rpm والسرعة ثابتة مش في اثناء التسارع.

وتأكد ان لمية الأوفر درايف مطفية (الزرار داخل لجوه)