عندي استفسار مهم

[WalidAdel]

انا و الحمد لله استلمت صني بس في حاجه محيره انا الشبكه الاماميه خطوطها بالعرض السياره لاكن يوجد موديل خطوط الشبكه بطول السياره ما الفرق بين هذا و هذه انا عارف هوه سؤال ملوش لزمه بس حاسس اني استلمت 2007 بدلاً من 2008

[ابوشريف]

الشبكه بالطول دى موديلات حتى 2004

[WalidAdel]

شكراً يا باشا علي الرد السريع ده

[WalidAdel]

في حاجه كمان لاخظتها هيا ان الفتيس في رعشه كده مش ظريفه
هل ده طبيعي ولا ايه
و في كمان تكه كده عند تدوير الموتور بتطلع من الشمال زي نا تكون كهربا او حاجه هيا زي صوت الاشاره كده في اي عربيه هل ده طبيعي برده ولا ايه

[loai-omar]

يا باشا ماتشككش نفسك

انت لو عندك اي حاجه مش مريحاك اطلع على السبع ايلي في زهراء المعادي

و انا بقولك على دا عشان فعلا المركز هناك كويس
و بيدوا كل عربيه حقها هناك

[WalidAdel]

انا بردوا بقول كده شكراً

[sab3aawy]

بالنسبة للشبكة اللى بالطول والعرض فكما قال الإخوة الشبكة اللى بالطول بتاعة الموديلات ختى 2004 ودايما هتلاقيها مرتبطة بوجود الفانوس العريض ورا وشكل الإكصدامات مختلف شوية

بالنسبة للتكة فدة صوت الكتاوت بتاع طرمبة البنزين لما بيلقط علشان تحضير البنزين فده صوته الطبيعى

رعشة الفتيس طبيعية جدا لأن الموتور كله بيرعش لأنه لسة فى التليين، هتقل شوية بعد 5000 آلاف كيلومتر لما الموتور يلين وحركته تتظبط ، لكن عمرها ما هتروح 100% لأن فى النهاية دى عربية متوسطة ، ليست مرسيدس ولا جاجوار ، فالحاجات دى عادية فى هذة الفئة من العربيات ولا تعنى وجود مشكلة

[WalidAdel]

شكراً يا اسبعاوي بيه علي الاجابه دي و ريحتني صراحه

[moen]

الراجل بيقول شبك بالعرض وبيشوك انه استلم موديل 2007 بدل من 2008 التفسير الي عندي انه زي ما قال الاخ ان لغايت 2004 الشبك العريض واكيد مش هيستلم عربية 2007 او 2008 شبك عريض الاحتمال ان العربية تكون خليجي وده افضل