مثبت السرعة

[kedab2a]

السلام عليكم
ازيكم جميعا
رمضان كريم

أنا عندى صنى 2008 وكان نفسى أركبلها مثبت سرعة وكان استفسارى هل ممكن فعلا تركيبه ولا ده شىء مستحيل
ولو ينفع ممكن أركبه فين وبكام

[SeaShark]

متابع بإهتمام

[fady_anis]

بلاش تركب حاجه غريبه عن العربيه ويبقى فيها لعب كتير بالكهربا وقلق كده انت فى غتى عته
ده رأيي

[SeaShark]

بلاش تركب حاجه غريبه عن العربيه ويبقى فيها لعب كتير بالكهربا وقلق كده انت فى غتى عته
ده رأيي

والله عندك حق فعلا

[Bishoy.Girgis]

السلام عليكم
ازيكم جميعا
رمضان كريم

أنا عندى صنى 2008 وكان نفسى أركبلها مثبت سرعة وكان استفسارى هل ممكن فعلا تركيبه ولا ده شىء مستحيل
ولو ينفع ممكن أركبه فين وبكام

انا من رأيي حضرتك انك تركبه فقط لو كان موجود في التوكيل و حضرتك متركبش حاجه بره التوكيل عشان ضمان العربية و عشان الكمبيوتر و الضفيرة ميحصلش فيهم حاجه

[kedab2a]

طب السؤال هو أصلا ممكن يتركب ولا ده حلم
ماهو لو موجود بره وبيتركب ممكن أسئل التوكيل لو ممكن يركبوهولى
بس هو موجود ولا لأ

[M.almaghraby]

موجود و ينفع يتركب بحوالي 1400 جنيه علي ما اتذكر

لكن للاسف مش عارف متوفر فين

[harizy]

باشا كنت عايز أسأل سيادتك هو ليه عايز تركب مثبت سرعة هل أنت بتسافى كتير، وإذا كان يبقى هل من المريح أنك تتفاعل مع السيارة باستمرار يعنى تكون صاحى وعارف إيه اللى بيحصل حواليك ولا تجيب مثبت سرعة وتشيل رجلك من على دواسة البنزين ومالكش دعوة بحاجة، معلش أنا عايز اقتنع بميزة مثبت السرعة عشان لما اشتريت العربية كان من مميزاتها إنها ما فيهاش مثبت يعنى كنت أقدر اشترى عربيات أخرى موديلات قديمة (أوكتافيا ـ كورولا) فيها مثبت بس بصراحة ماحستيش أنه ميزة يمكن الاعتماد عليها فى شراء السيارة، وأسف إذا طولت عليك

[M.almaghraby]

فالسفر يا باشا مريح جدا جدا انك متزودش بنزين طول طريق السفر و يبقي تركيزك مع الدركسيون بس

[kedab2a]

أنا فعلا بسافر كتير أوى ومن الحجات المهمة كمان أنه مش هيخالينى أعدى السرعات القانونية لأنى بصراحة رجلى تئيلة عالبنزين شوية ومش بعرف أثبت رجلى كتير على ال90 وكمان ده بيخالينى أفضل مركز كتير مع العداد زيادة عن اللزوم

[ezzatkhalifa]

فالسفر يا باشا مريح جدا جدا انك متزودش بنزين طول طريق السفر و يبقي تركيزك مع الدركسيون بس

أنا معاك تماما

[princex1]

لو بتسافر مسافات و رجلك تقيله فعلا هيبقى مريح
بس متكونش من اللي بينامو في العربية
متابع بس يكون داخل الضمان