وقت تشغيل التكييف

[harizy]

يا جماعة أنا اشتريت سوبر صالون من مودرن موتورز من حوالى أسبوعين، وعاملة حوالى 570 كيلو ، المهم وأنا باستلمها أوصانى البائع بأن التكييف يشتغل مع دوارة العربية يعنى لو نازل الصبح يبقى أشغل التكييف مع العربية عادى وما استناش لما العربية تسخن أو أشغله بعد أمشى كام متر كده، وقال إن ده أحسن للموتور والكمبروسور، بس بصراحة وبينى وبينكو كلامه مش عجابنى ومش مريحانى، لأن قبل النيسان كان معاى مازادا 323 مو2002 الشكل اللى قبل الشكل ده، وكانت 1400 سى سى، وما شاء الله كانت تحفة بصراحة رغم أنها كانت مانيوال يالا المهم ربنا يبارك للى اشتراه، بس ما كنتش باعمل غير كده يعنى أشغل الموتور ثم أمشى بها كام متر عقبال ما الموتور يسخن وبعد أقفل الإزاز وأشغل التكييف ولحد ما بعتها الكمبروسور كان كويس والموتور كان كويس، ياريت لو حد عنده خبرة فى الموضوع ما يبخلش بالنصيحة ... التكييف مع بداية الدوارة ولا بعد ما العربية تسخن؟؟؟ طيب وبعدين لو ما شغلتش التكييف من الأول ثم غيرت رأى هل أركن ولا أقفل الموتور ثم أشغل الاثنين مع بعض؟؟ بصراحة حاجة تلخبط.

[WalidAdel]

عادي ياباشا جدا قتي و خلاص ولا هاتفرق تشغل التكييف امتي بس الافضل طبعا انك تشغلوا لما العربيه تسخن حته او مؤشر الحراره يبتدي في التحرك و بعض الاوقات بشغله اول ماخش العربيه علطول يعني انا كنت في مشوار و ليسه راكن و غيبت عن العربيه مثلا 10 طقايق العربيه بتبتقي ليسه سخنه بقوم علطول مشغل التكييف لكن الصبح لازم بستني علي المكنه شويه اما تسخن و كده ليييه ماعرفش بس انا متعود علي كده يعني
و ممكن نستني راي باقي الاعضاء حد ييجي يدلوا بدلوه بحاجه مفيده نفهم منها

[harizy]

عادي ياباشا جدا قتي و خلاص ولا هاتفرق تشغل التكييف امتي بس الافضل طبعا انك تشغلوا لما العربيه تسخن حته او مؤشر الحراره يبتدي في التحرك و بعض الاوقات بشغله اول ماخش العربيه علطول يعني انا كنت في مشوار و ليسه راكن و غيبت عن العربيه مثلا 10 طقايق العربيه بتبتقي ليسه سخنه بقوم علطول مشغل التكييف لكن الصبح لازم بستني علي المكنه شويه اما تسخن و كده ليييه ماعرفش بس انا متعود علي كده يعني
و ممكن نستني راي باقي الاعضاء حد ييجي يدلوا بدلوه بحاجه مفيده نفهم منها

يا باشا أنا رأي من رأى حضرتك بس البائع بصراحة قلقنى، أنا فعلاً بأعمل كده وأشغله أول ما العربية تسخن أو تبتدى تسخن، لأن التكييف كأنه بتجر عربية تانية وراك أو بتقطرها فشى طبيعى جداً أن الموتور لازم يبقى سخن أو جاهز للعمل إنما ما ينفعش الواحد يبقى لسه صاحى من النوم ويقوم يشيل حديد أو يلعب ضغط، معرفش جاب الكلام ده منين، وشاكر اهتمامك يا جميل، ومستنى أراء الأعضاء

[egypt0777]

انا ضابط التكيف على ال on علطول اول مشغل العربية يشتغل علطول

مش حاطط فى دماغى موضوع التسخين ده خالص

[Bishoy.Girgis]

يا جماعة أنا اشتريت سوبر صالون من مودرن موتورز من حوالى أسبوعين، وعاملة حوالى 570 كيلو ، المهم وأنا باستلمها أوصانى البائع بأن التكييف يشتغل مع دوارة العربية يعنى لو نازل الصبح يبقى أشغل التكييف مع العربية عادى وما استناش لما العربية تسخن أو أشغله بعد أمشى كام متر كده، وقال إن ده أحسن للموتور والكمبروسور، بس بصراحة وبينى وبينكو كلامه مش عجابنى ومش مريحانى، لأن قبل النيسان كان معاى مازادا 323 مو2002 الشكل اللى قبل الشكل ده، وكانت 1400 سى سى، وما شاء الله كانت تحفة بصراحة رغم أنها كانت مانيوال يالا المهم ربنا يبارك للى اشتراه، بس ما كنتش باعمل غير كده يعنى أشغل الموتور ثم أمشى بها كام متر عقبال ما الموتور يسخن وبعد أقفل الإزاز وأشغل التكييف ولحد ما بعتها الكمبروسور كان كويس والموتور كان كويس، ياريت لو حد عنده خبرة فى الموضوع ما يبخلش بالنصيحة ... التكييف مع بداية الدوارة ولا بعد ما العربية تسخن؟؟؟ طيب وبعدين لو ما شغلتش التكييف من الأول ثم غيرت رأى هل أركن ولا أقفل الموتور ثم أشغل الاثنين مع بعض؟؟ بصراحة حاجة تلخبط.

كلام حضرتك اللي صح و امشي علي كده و الف الف مبروك علي العربية

[A.Saad]

البائع ده خبرة كبيرة جدا





بس فى الكفتة

الافضل
اولا ما تشغلش التكييف وانت rpm عالى اعلى من 2000
ساعتها مور وشغله وعشق تانى

كمان
الافضل لطرد الحرارة من الكابينة وده بيريح التكييف
لو كنت راكن
تفتح الزجاج
تمشى شوية لطرد الهوا الساخن
تشغل التكييف وانت لسه فاتح الزجاج
تقفل الزجاج

كمان الكمبروسيور حمل على الموتور
يبقى ازاى اشغله من الاول قبل التسخين

[mony10]

اعتقد ان وجهة نظر البياع ان العربيه لما تكون مشغل المكيف مع تدوير الموتور على طول ان الكومبرسور ما يحملش على الموتور وهو شغال فجأه يعني بيبقى شغال معاه من ساعة تدوير العربيه ودا طبعا كلام غلط والسبب ان انت لو مشغل المكيف مع الموتور وانت بتدور الموتور هيدور الأول طبيعي جدا بعد كدا تسمع صوت الكومبرسور بيحمل على الموتور يعني مش اللي هو عايز يعمله العربيه رفضت تعمله تاني حاجه وانت ماشي او واقف بالعربيه ومشغل المكيف من فتره بيبدأ الكومبرسور انه يفصل ويرجع يشتغل بعد شويه لما الحراره تزيد جوه العربيه يعني الكومبرسور بيحمل على الموتور وهي ماشيه على سرعه او بطيئه او وهي واقفه يعني اللي هو عايز يعمله اساساً مستحيل حدوثه

[mem]

التكييف يشتغل بعد ما العربية تسخن وتبدا تمشى بيها بكده التكييف يعطى لك اعلى كفاءه وفى نفس الوقت ما
يكنش حمل على الموتور قوى لانك وانت ماشى بتساعد على ان التكييف يكون شغال بكفاءة افضل ومع تسارع العربية يقل التحميل على الموتور وايضا اطاله لعمر التكييف

[doctor_eid]

انا ضابط التكيف على ال on علطول اول مشغل العربية يشتغل علطول

مش حاطط فى دماغى موضوع التسخين ده خالص

انا اللي اعرفه ان ده مش صح
المفروض تشغل العربية الأول بعدين تشغل التكييف
كمان قبل ما تطفي العربية تطفي التكييف الأول و بعدين تقفل الموتور

[Ali_Abo_Amr]

اعتقد انه مافيش قلق على الموتور من التكييف نهائى ... تشغل وانت واقف او تشغل وانت ماشى مافيش مشكلة ...
لكن الخوف على التكييف نفسه والكمبيرسور من تشغيله والعربية ماشية بسرعة عاليه او الـ ار بى ام عالى علشان ده بيضر الكمبيرسور وممكن يضرب منك طبعا ومش من اول مرة ولكن مع تكرار العملية ممكن يحصل ... والله اعلم

[Amr Hussain]

البائع ده خبرة كبيرة جدا





بس فى الكفتة

الافضل
اولا ما تشغلش التكييف وانت rpm عالى اعلى من 2000
ساعتها مور وشغله وعشق تانى

كمان
الافضل لطرد الحرارة من الكابينة وده بيريح التكييف
لو كنت راكن
تفتح الزجاج
تمشى شوية لطرد الهوا الساخن
تشغل التكييف وانت لسه فاتح الزجاج
تقفل الزجاج

كمان الكمبروسيور حمل على الموتور
يبقى ازاى اشغله من الاول قبل التسخين

+1