مستوى مركز خدمة يونيتد جروب ضرورى جدااااا

[ramysamy2000]

انا ساكن فى الرحاب ومش عارف اقرب مركز خدمة فين وكمان اوتو ايجيبت بيقولى ان يونيتد جروب جامد وكمان قريب ممكن حد يفيدنى من اهل الخبرة وكمان البطارية لازم تتغير ولا مش ضرورى فى حالة السيارة الزيرو لان العناوين مش واضحة ياريت حد يقيم يونيتد جروب شكرا يا نيساوية وارجو ان اكون عضو جديد مفيد للجروب بعد جروب اوبل

[SeaShark]

أنا مش عارف حضرتك تقصد ايه بموضوع البطارية بس اعتقد انك بتسأل هي البطارية هتتغير ولا لا و الاجباة هي لا طبعا هتغيرها ليه و هي لسه جديدة امشي بيها لحد ما تحتاج تتغير بعد فترة و ابءي هات واحده جافة احسن

يونايتد جروب ناس كويسين و انا اتعاملت معاهم في كل الصيانات بتاعتي و هما ناس كويسين و محترمين
هما مش احسن مركز صيانة نيسان في القاهره بس هما كويسين و محترمين.

[ramysamy2000]

أنا مش عارف حضرتك تقصد ايه بموضوع البطارية بس اعتقد انك بتسأل هي البطارية هتتغير ولا لا و الاجباة هي لا طبعا هتغيرها ليه و هي لسه جديدة امشي بيها لحد ما تحتاج تتغير بعد فترة و ابءي هات واحده جافة احسن

يونايتد جروب ناس كويسين و انا اتعاملت معاهم في كل الصيانات بتاعتي و هما ناس كويسين و محترمين
هما مش احسن مركز صيانة نيسان في القاهره بس هما كويسين و محترمين.

اقدر ارحلهم ازاى من الرحاب ممكن تشرحلى

[SeaShark]

المشوار سهل خالص

و انت راجع من الرحاب للقاهره هتكون ماشي في طريق السويس - القاهره و اخر الطريق ده لو فضلت ماشي علي طول المفروض هتلاقي صلاح سالم بالعرض بعد ما هتعدي دار الاشارة و كوبري النزهة اخر الطريق خالص

هتلاقي نفسك طلعت اجباري علي صلاح سالم المتجه الي المطار تاخد اول يو تيرن و ترجع عشان تمشي في صلاح سالم اتجاه وسط البلد و نفق الازهر و هتفضل ماسك شمالك هتنزل نفق و تطلع 2 كوبري لحد ما توصل مسجد الشرطة و تدخل يمين بعد الكوبري التاني علي طول عند مرور الدراسة (خلي بالك هتلاقي مسجد تاني كبير قبل مسجد الشرطة مش هو ده مسجد الشرطة ده واحد تاني)

بعد ما تدخل يمين هتفضل ماشي علي طول و مرور الدراسة هيكون علي ايدك اليمين لحد ما الطريق يخلص هتلاقي نفسك لازم تدخل يمين او شمال

هتدخل يمين و تمشي علي طول لحد ما تلاقي ميدان هتلف الميدان و هتلاقي يونايتد جروب ادامك.

[ramysamy2000]

شكرا جدااا لتعاونك اتمنى نكون اصدقاء دة

[Ahmed.TV]

يونايتد جروب مسمعتش ان فى حد اشتكى منهم ومركز محترم
وبردوا فى عندك السبع وطريقه سهل بردوا ممكن تفضل على الدائرى بتاع المعادى كارفور ومن عند كارفور فى دخلة على السبع هناك , والف مليون واحد حيدلك على طريقهم وليهم يفط على الطريق عن كارفور
فدول افضل مراكز خدمة لعمل الصيانة
وربنا يوفقك

[Bishoy.Girgis]

المشوار سهل خالص

و انت راجع من الرحاب للقاهره هتكون ماشي في طريق السويس - القاهره و اخر الطريق ده لو فضلت ماشي علي طول المفروض هتلاقي صلاح سالم بالعرض بعد ما هتعدي دار الاشارة و كوبري النزهة اخر الطريق خالص

هتلاقي نفسك طلعت اجباري علي صلاح سالم المتجه الي المطار تاخد اول يو تيرن و ترجع عشان تمشي في صلاح سالم اتجاه وسط البلد و نفق الازهر و هتفضل ماسك شمالك هتنزل نفق و تطلع 2 كوبري لحد ما توصل مسجد الشرطة و تدخل يمين بعد الكوبري التاني علي طول عند مرور الدراسة (خلي بالك هتلاقي مسجد تاني كبير قبل مسجد الشرطة مش هو ده مسجد الشرطة ده واحد تاني)

بعد ما تدخل يمين هتفضل ماشي علي طول و مرور الدراسة هيكون علي ايدك اليمين لحد ما الطريق يخلص هتلاقي نفسك لازم تدخل يمين او شمال

هتدخل يمين و تمشي علي طول لحد ما تلاقي ميدان هتلف الميدان و هتلاقي يونايتد جروب ادامك.

شرحك رائع يا استاذ محمد .. و فعلا الطريق كده سهل جدا

[ahmed.mohy]

اعتقد ان السبع اقرب ليك واسهل من غير لما تقف فى إشارات ولا حاجة بس تخلى بالك ان الطريق من كرفور للسبع مكسر ومبهدل شوية

[Bishoy.Girgis]

اعتقد ان السبع اقرب ليك واسهل من غير لما تقف فى إشارات ولا حاجة بس تخلى بالك ان الطريق من كرفور للسبع مكسر ومبهدل شوية

علي فكرة حضرتك الطريق مهيأ جدا مش مبهدل لدرجة انه هيبهدل العربية خالص .. و هتلاقي ان في ناس كتيرة جدا معاك علي نفس الشارع ده لأنه اقصر طريق بين كارفور و السبع

[Ahmed.TV]

لالالالالالالالالالالالالا يا بيشوى الطريق مبهدل جدااااااااااااااااااااااااااااااااا وماليان مطبات صح من بعد كارفور ولغاية السبع وقبل ما تقرب للسبع بشوية بتزيد
انا كنت فاكر انهم هما اللى عملين المطبات والشوارع المكسرة دى عشان العفشة تتدغدغ قبل ما تروحلهم
هههههههههههههههههههههههه
وقولتلهم مفروض تربيط العفشة دى على حسابكم

بس فعلا المنطقة اللى حوالين السبع سيئة جدا

[Ali_Abo_Amr]

على فكرة فيه طريق للسبع من مدخل زهراء المعادى اعتقد انه افضل من دخلة كارفور اللى بتقولو عليها مكسرة دى ...

[Bishoy.Girgis]

لالالالالالالالالالالالالا يا بيشوى الطريق مبهدل جدااااااااااااااااااااااااااااااااا وماليان مطبات صح من بعد كارفور ولغاية السبع وقبل ما تقرب للسبع بشوية بتزيد
انا كنت فاكر انهم هما اللى عملين المطبات والشوارع المكسرة دى عشان العفشة تتدغدغ قبل ما تروحلهم
هههههههههههههههههههههههه
وقولتلهم مفروض تربيط العفشة دى على حسابكم

بس فعلا المنطقة اللى حوالين السبع سيئة جدا

انا بالنسبة لي لما سوقت فيه متعبتش من الطريق و شايفه ان ممكن السواقة فيه بدون مشاكل بس تبقي مركز شوية بس و ده فعلا اقرب طريق من كارفور للسبع اوتوسيرفيس