هل فعلا صاج الصنى ضعيف جدااا ؟؟؟؟

[harizy]

للاسف صاج الصنى ضعيف
اقل ترييحة بيتطبق

أيوة بالظبط إيه هى الترييحة التى تقصدها سيادتك، هل بكف إيدك مثلاً ولا برجلك ولا لو حد قعد عليها، ولا لو حد ريح عليها فى إشارة مرور، ياريت حضرتك توضح لينا برضه عشان نبقى فاهمين

[mohamedhamam]

صاج الصنى جيد و ليس ضعيف

[omar-saad]

ايوة حضرتك للاسف صاج الصنى ضعيف زيه زى بقيت اليابانى
على فكرة انا راكب(كورولا 2007 وصنى 2009 )
اول ماجبت النيسان اتنين بيهظروا مع بعض واحد زق التانى على الباب
الباب بقى فى تريحة خفيقة
معلش اى عربية اوروبى صاجها متين وبيتحمل الحاجت اللى زى دى

[Bishoy.Girgis]

صاج ايه اللي انت جاي تقول عليه
يا جماعة حد يجيبلي عربية في مصر صاجها بيحافظ علي اللي جواها .. دا صاج العربيات بقي بيتعلق بكلبسات مش مسامير زي زمان
بس بصراحة صاج النيسان محترم جدا

[SAMEHNOSHI]

اطمن ...صاج الصنى قوى و احسن من صاج معظم العربيات الكورى و اليبانى فى نفس الفئة.

[harizy]

صاج ايه اللي انت جاي تقول عليه
يا جماعة حد يجيبلي عربية في مصر صاجها بيحافظ علي اللي جواها .. دا صاج العربيات بقي بيتعلق بكلبسات مش مسامير زي زمان
بس بصراحة صاج النيسان محترم جدا

[egypt0777]

للعلم تخانة الصاج هى اللى تحكم هل الصاج قوى و محمل ولا لا

فلو حد عنده معرفة بتخانت او سمك الصاج يبقى كده احنا حلنها

يعنى مثلا الاسبرانزا تخانه الصاج 8 مل - وده تخانه محترمه و تعمل قوة للصاج

[omar-saad]

للعلم تخانة الصاج هى اللى تحكم هل الصاج قوى و محمل ولا لا

فلو حد عنده معرفة بتخانت او سمك الصاج يبقى كده احنا حلنها

يعنى مثلا الاسبرانزا تخانه الصاج 8 مل - وده تخانه محترمه و تعمل قوة للصاج

ازاى الاسبرانزا 8ملل
والاوكتافيا الa4 7ملل

[megahed124]

صحيح موضوع التخانه ده بس ابتداء من تخانه كام نقدر نقول ان الصاج ده محمل و محترم و ياريت لو حد يفيدنا و يقولنا تخانه صاج الصنى كام

[Khalid_Mostafa]

ازاى الاسبرانزا 8ملل
والاوكتافيا الa4 7ملل

لو تسمحولي يا جماعة و مع إحترامي لرأيكم ولكن التخانات الي حضرتكم بتقولو عليها دي سواء الإسبرنزا او الأوكتافيا معتقدش انها واقعية و الأكيد انها اقل من ذلك بكثير ولن تتعدي الـ 1.5 في احسن الأحوال ...الأرقام دي ممكن تخص صاج دبابات او ما شابه وفي هذه الحالة مبيتسماش صاج و لكن دروع

غير كده ...مش سمك الصاج فقط هو الي بيحكم علي المتانة ...صحيح هو ليه دور كبير ولكن تصميم السيارة و الثنيات و الإنتفاخت فيها عليه دور كبير جداً في تدعيم الهيكل الخارجي ولذلك صعب جداً المقارنة بالطريقة الي بتقولوا عليها دي

[omar-saad]

لو تسمحولي يا جماعة و مع إحترامي لرأيكم ولكن التخانات الي حضرتكم بتقولو عليها دي سواء الإسبرنزا او الأوكتافيا معتقدش انها واقعية و الأكيد انها اقل من ذلك بكثير ولن تتعدي الـ 1.5 في احسن الأحوال ...الأرقام دي ممكن تخص صاج دبابات او ما شابه وفي هذه الحالة مبيتسماش صاج و لكن دروع

غير كده ...مش سمك الصاج فقط هو الي بيحكم علي المتانة ...صحيح هو ليه دور كبير ولكن تصميم السيارة و الثنيات و الإنتفاخت فيها عليه دور كبير جداً في تدعيم الهيكل الخارجي ولذلك صعب جداً المقارنة بالطريقة الي بتقولوا عليها دي

انا بحترم رايك جدا
بس هوة دة اللى بيتقال من الوكلاء فى الاعلانات وفى صالات العرض

[Khalid_Mostafa]

انا بحترم رايك جدا
بس هوة دة اللى بيتقال من الوكلاء فى الاعلانات وفى صالات العرض

اخذ معلومات من الوكلاء والصالات يماثل تماماً دخولك لشراء دواء لا تعرف اسمه من صيدلية لا يعمل بها صيدلي

[ehabspc]

يا ريت 1.5

يا سيدى الفاضل هما يقصدوا 0.8 من المللى
و اعتقد ان الاوكتافيا 0.9 مللى و هى اتقل صاج فى العربيات الحديثة طبعا
و بعدين دلوقتى تقييم الصاج مش بس بالتخانة
لا فى عملية المعالجة اللى تخليه ميصديش مثلا و فيه التصميم اللى يخلى التصادمات لا قدر الله متأثرش على الركاب
و السوك اللى بتعمل تقوية للصاج

هذا على حد علمى