إعـــــــلان

Collapse

.

,
See more
See less

عن تجربة سنتين يونايتد جروب لأ لأ لأ - السبع يكسب يكسب

Collapse
X
 
  • Filter
  • الوقت
  • Show
Clear All
new posts

  • عن تجربة سنتين يونايتد جروب لأ لأ لأ - السبع يكسب يكسب

    ححاول أختصر قدر الإمكان
    عربيتي صني 2009 اتوماتيك ex عاملة 50000 كم كانت استلام 10/2008 لون كحلي
    كل صياناتي كانت في يونايتد + 3 حوادث اتصلحت في يونايتد ( لأني ساكن بمدينة نصر بس من الظاهر أصلا بوديها الصيانة و أروح استريح عند والدي )
    في البداية كان مركز يونايتد مش زحمة و الدنيا كانت زي الفل و اتعرفت علي المهندسين هناك و كله تمام
    - الحادثة الأولي : شهر 2 / 2009 تعرضت لحادث جامد خلص علي مقدمة عربيتي
    ( واحد دبل كابينة 4*4 مركب عتب فولاذ ماشي في شارع عكس الأتجاه بالدراسة عند مركز دايوو سرعته كانت عالية لدرجة انه شافني بعدي التقاطع و هو في بداية الشارع و فرمل بس عربيته زحفت فوق ال20 متر و اخد عربيتي من جنبي اليمين ادام معاه 5 او 6 متر كمان و ربنا ستر اني طلعت من العربية اصلا و نزل شتمني لأني كنت بعدي التقاطع علي مهلي و طبعا اتنازلت عن اني اتهمه بأي حاجة بعد ما مأمور القسم نبهني للبهدلة اللي حتترتب علي اتهام الطرف الأخر من ترحيل لنيابة و تقليب لعربيتي في الحجز بتاع البوليس و كمان واسطة عشان مهندس المرور ييجي يعاين العربية و ادام محدش مات يبقي الدنيا زي الفل و اتحرق انت لو لك حق في البلد دي لأنه في الأخر كل القصة تعويض ب100 او 200 جنيه و انتهينا بكتابة محضر لشركة التأمين فقط ! ! )
    - المهم وديت العربية لمركز يونايتد لأنه اول الشارع اللي عملت فيه الحادثة و الحق يقال استقبلني المهندس مختار ( المسئول عن السمكرة و الحوادث ) بمنتهي الأهتمام و خلصلي العربية في وقت قياسي 3 اسابيع و اتكلفت 20.000 جنيه اخدت منهم 15.000 من التأمين و العربية كانت تمام و عدت علي الخير و المركز كان فوق الممتاز بس رحت ضبطت الزوايا برة في بريدجستون عشان مكنتش متظبطة مع ملاحظة فرق يكاد لا يذكر في درجة اللون

    - الصيانات كانت كويسة لكن كان عندي مشكلة الكلاكس اللي كل شوية بصوت شكل و الكلام ده من صيانة ال5000 و كل مرة يقولولي في التوكيل مشكلة سلك و اتربط ( كل شهر او اسبوعين اعدي عليهم يضبطولي الكلاكس )

    - الحادثة الثانية : شهر 10/ 2009 الباب بتاعي
    ( صلاح سالم عند كوبري الفنجري سائق ميكروباص ماشي بيعد الفلوس سرح بعربيته يمين لحد ما دخلي في جنب عربيتي طبقلي الباب بتاعي و كل اللي طلعت به منه انه اعتذرلي عشان واحد قفل عليه )
    - طبعا وديت العربية يونايتد بدون تردد و استقبلني المهندس مختار - بقينا اصحاب بقي - و العربية اخدت اسبوع معاه و كان الكرسي اللي جنبي بيزيق لما حد يقعد عليه و قال حيصلحه معاه و اتكلفت 600 جنيه علي حسابي
    و دي كانت بداية العك
    عربيتي لونها كحلي الباب اللي اتصلح اترش 4 مرات في التوكيل عشان يجيب درجة اللون و في النهاية تسببت في جزاء للعامل المسئول عن الدوكو بعد ما قالولي ان كان فيه مشكلة في جهاز الكمبيوتر اللي بيجهز اللون و ضربوا اللون يدوي و رحتلهم بعدها 3 مرات عشان الباب بيخبط و هو بيقفل و كمان الكرسي اللي جنبي برضه بيزيق
    و دي كانت بداية اني الاحظ ان مفيش حد بيراجع ورا العامل , انا بستلم العربية بافتراض من كبير المهندسين و الأستقبال ان العامل ادي عمله 100%

    - الصيانات مستمرة بالمركز مع ملاحظة جوانب قصور بسيطة مثل انهم كانو المفروض يبدلو وضع العجل كروس ادام و ورا بس المركز كان زحمة فقالولي انه مش مهم مع برضه نفس مشكلة الكلاكس و برضه كل مرة مشكلة الكرسي اللي بيزيق و بستلم العربية المفروض انها تمام و الاقيها زي ما هيه

    - الحادثة الثالثة و مش الأخيرة : شهر 4/ 2010 الجزيرة الوسطي علي الدائري
    كنت راجع من 6 اكتوبر لحقت صاحبي عند هايبر معاه نفس عربيتي طار بها فوق الرصيف الفاصل بين الطريق الرئيسي و الطريق الجانبي الموازي له ( و للأسف بعته يونايتد و عربيته لسة فراملها مش مظبوطة )
    المهم و أنا في طريق العودة علي الدائري بعد امبابة كدة و انت رايح اتجاه السلام عربية نقل وراها مقطورة واحد غرز ادامه و هو ماشي 140 ( كنت ماشي 120 شمال الطريق و هو عدي زي الصاروخ من يميني ) العربية اتطوحت في ايده و المقطورة اللي وراه كبست عليا من اليمين اتضطريت الزق عربيت في الفاصل الأسمنتي اللي بين الأتجاه الرايح و الجاي ( لأن ورايا نقل تاني لازق فيا بيسابقه ) و فجأة انتهي الفاصل الأسمنتي و بقت جزيرة عرضية امامي ( العربية اللي ادامي اتفادتها بمعجزة ) و النقل لازق في يميني مدستش اصلا فرامل بس لحقت استشهد و الحمد لله طارت العربية بجنبهخا الشمال فوق رصيف الجزيرة و اتأخرت العجلة الأمامية شمال ورا بشكل واضح و ربنا ستر و النق اللي ورايا اتفاداني و محدش فكر انه يهدي اصلا و لا يبص وراه
    - و طبعا رحت تاني ليونايتد - صاحبي بقي - اخدت اسبوعين و اتكلفت 6.500 جنيه اخدت منهم 5.000 من التأمين
    و دي كانت القشة التي قسمت ظهر البعير ( أنا البعير ) استلمت العربية زي الفل بس لاحظت لخبطة في الأشارات رجعت التوكيل اكتشفت ان الفني نسي يرجع الأشارات مكانها تاني , عديتها و ركبوها و مشيت و الشك مالي قلبي رفعت العربية في بنزينة موبيل بالدراسة امام يونايتد اتفاجأت ان لحامات تغيير صدر العربية ادامي و العربية مش مرشوشة من ورا الأكصدام بعد ما غيرو جزء من الصدر رجعت للمهندس مختار اللي برضه ادي جزاء للعامل الفني و دخلت العربية اتظبتت و استلمتها
    -في الوقت ده التكييف ابتدي يفصل و الكباس يقطع في الحر رحت يونايتد قالو ان ده شيء عادي عشان موجة الحر اللي موجودة اذاي انا اشغل تكييف في الحر ده العربية برضه لها حدود
    - الكلاكس فصل عشان واحد قطع الطريق فجأة و فضلت دايس علي الكلاكس ثواني فصل خالص و لمبة البطارية نورت رحت برضه يونايتد كشفو علي العربية و قالو الكلاكس بايظ و لازم يتغير بس انا معملتش صيانة ال40000 و ماشي بالعربية 45000 ( علي الرغم اني مغير عندهم زيت الموتور و الفتيس الأتوماتيك في ال40000 ) و ده يخرج العربية برة الضمان و المهنس خايف يغير الكلاكس احسن الشركة تحمله تكلفته و بيترجاني اغيرة في صيانة ال 40 و كانو عاوزين يدفعوني كشف بس مدير الصيانة مخلنيش ادفع لما قليت ادبي و صوتي علي عليهم
    - بعد شهر استعمال و 1000 كم العحل الأمامي بيصفر علي كل السرعات و الملفات رحت لمركز بريدجستون اكتشفت ان التوكيل قفل العجل الأمامي للأمام 2 in و ده تسبب في تأكل للعجل الأمامي ( اسهل من ظبط زوايا العربية )
    رجعت التوكيل يونايتد علي خناقة قالولي قبل ما يشوفو العربية عربيتك زي الفل انت اللي مش فاهم و بعد خناق دخلوني للزوايا و المهندس بتاع الأستقبال شاف بنفسه لقي العجل مغلق للأمام و عليت صوتي و دخلت غصب عنهم صالة الصيانة و شفت العربية بنفسي علي الجهاز شاشته بتدي لون أحمر للعجلة الشمال و قعد يظبط فيها ربع ساعة
    بعد كده المهندس مختار - صديقي - جايلي بتقرير يقوللي العربية زي الفل زي ما استلمتها الأول كلفت نفسك زوايا 88 جنيه و العربية سليمة اصلا
    و لما وضحتله موضوع العجل المغلق للأمام قالي اكيد انت خبطت رصيف أو طوبة بس مش واخد بالك
    ما علينا من قلة ادبي في الرد لأني رحت دفعت و استلمت العربية و دخلت بها في مدخل المركز قفلته و طلعت كل اللي نفسي اقوله من زمان

  • #2
    و أنتهيت من يونايتد تماما بعد الملاحظات الأتيه اللي شفتها بنفسي بعد ما فقت
    - لو انت حاجز ميعاد زيك زي اللي جاي علي طول بالعكس اللي بيقف علي مدخل المركز الأول يدخل الأول
    - مهندسين الأستقبال عندهم بيتكلمو بشياكة بس مش بيحلو حاجة و الدليل علي كدة ان المرة اللي رحت فيها و الكلاكس بايظ خالص مهندس الأستقبال وعد بالأصلاح بينما المهندس المسئول عن الصالة رفض الأصلاح بالعكس كان همة ما يصلحش يعني بالكلمة قال لبتاع الأستقبال " هاتلي دفتر الصيانة بتاع العربية اللي فيها كلاكس يكون فيه صيانات كاملة لحد اخر وقت " بلهجة حادة زي ما يكون حياخد مني ورقة اجابة امتحان و لما مهندس الأستقبال قاله ده الأستاذ حسام عميل دائم عندنا رد عليه " شوفلي صياناته كاملة ولا فيها حاجة ناقصة " بلهجة جافة جدا يعني هوه اصلا مش عاوز يعمل حاجة و بيتلكك
    - لما دخلت صالة الصيانة عشان اشوفهم و هما بيظبطو الزوايا لقيت اتنين من الفنيين اللي بيشتغلو جوا واحد خارج بعربية عميل و التاني داخل غلسوا علي بعض بعربيات العملاء و ربنا ستر محصلش حاجة بس في نفس الوقت محدش قالهم انتو بتعملو ايه
    - اللي اخدت بالي منه ان اللي غيرلي زيت الفتيس هوة هوة اللي ظبطلي الزوايا و أنا مش عارف ده ينفع ولا لأ

    Comment


    • #3
      السبع
      منتهي منتهي الأحترام
      حجزت ميعاد و أنا فاكر ان النظام زي يونايتد اللي ييجي الأول يدخل و لما رحت كان فيه اربع عربيات اصحابها واقفين و الأستقبال سلم علي الناس و طلع من الجهاز ادامه الحجوزات الأول بالترتيب ( لأني كنت مع اتنين اصدقائي حاجزين و هو استلم بترتيب حجزنا فعلا
      وضحتله كل شكوتي من العربية و سايب لكم الحكم :
      - انا عملت صيانة ال40000 ( عداد العربية عامل 50000 )
      - بدون اي كلام غيرولي فردتين الكلاكس في الضمان مدفعتش اي حاجة و هو ذكرها عرضا كأنها حاجة عادية جدا هما لقو الأحوط يغيروا الأتنين عشان مفكرش تاني في الكلاكس
      - طلبت ظبط الزوايا عشان قلبي يتطمن قالي تكلفتها 60 جنيه ( مش 88 جنيه يونايتد ) وبعد ما خلص العربية علي جهاز الزوايا و طلع جربها قاللي الزوايا سليمة و مش حدفع حاجة اعتبرها هدية من المركز
      - طلبت فحص التكييف ( اللي يونايتد قالو اني غلطان عشان شغلته في الحر و رفضوا يفحصوه عشان عندهم زحمة ) و تم فعلا في السبع و طلع نقص في الفريون و اتصلح علي حساب الضمان
      - فرامل العربية بتطق معايا و بعد الكشف دخلوني عند العربية و وراني تيل الفرامل ورا و ادام متاكلين و عايزين يتغيرو قلتله بعد العيد و لما قلتله اني معايا القديم الأصلي طلب يشوفه عشان لو لقي حالته احسن حيحطه مكان الموجود و ده بدون مصنعيات اضافية ( احترام للعميل و مصلحته ) بس للاسف طلع بايظ برده
      - صلحولي التزييق اللي في الكرسي ( في الضمان )
      -كنت خايف عشان يونايتد قالو ان اللي بيغير الزبت في السبع بيستعمل مسدس فك عجل العربية عشان يفك الطبة و ده بيؤدي لهلاك كارتيرة الزيت , لما سألت العامل قاللي مستحيل دي لازم تتفك و تتركب يدوي عشان متبوظش
      - و في النهاية عشان انا جديد علي مركز السبع و كنت داخل مكتأب من العربية و هما ناس محترمين عملولي خصم خاص ( بدون طلب مني ) بـ 80 جنيه
      - عربيتي ex بس انا مركبلها فوج لايت ( كنت مركبه في يونايتد ) و انا رايح السبع اللمبة الشمال مكنتش بتنور خرجت من الصيانة كله تمام و بتنور كان فيه فيوز هما غيروه بدون طلب مني او ذكر ان فيه حاجة اصلا في الكهرباء مش شغالة
      - طولت شويتين بس معنديش كلام تاني اقوله

      Comment


      • #4
        +1111111111111

        شكرا يا باشا علي التفاصيل دي لانك فعلا حتفييييد ناس كتيير اوي بجد و احب بس اكرر تجربتي مع السبع كنت كتبتها قبل كده و برده فيها انصاف للسبع
        نا احب احكي تجربتي مع مركز السبع المعادي
        انا معايا صني 2010 auto و كانت بتعمل 150 كيلو في الصفيحه والمشكله دي موجوده بسبب الضفيييره المصري و عايز اقول hن انا لفيت علي الثلاث مراكز المعتمده (يونايتيد جروب-مودرن موتورز-السبع) مفيش مركز اعترف بالمشكله غير السبع كله بيحاول يوهمك انك مش عارف تسوق و ان الصني دي محتاجه طريقه فضائيه في القياده !! كله بيقيس السياره علي الكمبيوتر و يقولك السياااره اوووك اوي و ان العيب فيك انته (مفيش سياره ممكن تعمل 150 كيلو في الصفيحه بدوون تكيف حتي لو ايه...متسدقوووش اى حاجه)

        بالنسبه لمركز السبع
        انا عايز اثبت حق الناس دي علشان حرام المركز دا و الناس الفيه يتساوو باى مركز تاني لنيسان و حقهم و مجهودهم يتساوي بالاقل منهم...نيسان لازم تكافيء المركز دا فعلا لان هو الافضل علي الاطلاق ...انا واحد لف علي جميع المراكز كذا مره عشان انا كنت حالف اني ماسيب مشكله البنزين تعدي علي خير و قلت لازم تتحل في اي مركز,,السبع هما الوحيدون الكشفوا علي العربيه صح مش مجرد كمبيوتر

        Comment


        • #5
          نيسان موتورز ايجيبت لازم تعرف المهازل البتحصل عند وكلائها...ولازم برده يكافئو مركز السبع و يكون مميز عندهم

          Comment


          • #6
            اولا حمد لله على سلامتك من الحوادث اللى مريت فيها , والحمد لله انك بتطلع منها بخير دايما

            تانى حاجة بجد الله يكون فى عونك على طول صبرك على اللى فات ده كله فى الصيانات , وكان مفروض تقدم شكوى كبيرة على الكلام ده كله وتثبت حقك , عشان يعرفوا ان فى طلسقة كانت بتحصل معاك

            وبخصوص السبع , فعلا هما ناس محترمة جدا وبيشتغلوا بما يرضى الله , واذا كان ممكن يكون حصل قبل كدا اى تقصير مع اى عضو ده عشان لانهم بشر , وبيعالجوا وبيهتموا باى عميل كمان خارج زعلان , وبيصلحوا اى خطا ممكن يقعوا فيه , مش بيتنصلوا ويهربوا منك
            وده اللى بيميزهم عن غيرهم

            وشكرا بجد الى سرد تجربتك لافادة الناس , وهو ده اللى بنطلبه منكم كلكم اننا نعرف تجاربكم خصوصا بعد عمل الصيانة عشان الناس تستفاد من التقارير دى

            يمكن تقاريرك مهم جدا لسبب , لان اللى بيروح يونايتد او حتى غيره بيروح يعمل صيانات بسيطة , مش بيروح على حوادث كبيرة
            وانت بكل الحوادث الكبيرة اللى روحت فيها عندهم اثبت انهم مقدروش يتعاملوا فى الحاجات الكبيرة جدا ومقدروش يصلحوا الامور كما كانت ,
            وعشان كدا اللى مامن على عربيته وفى اى حادث لقدر الله كبير , يروح على مودرن او السبع , لان دول مراكز خدمة كبيرة جدا

            وربنا يبعد عنا شر الطريق
            والف مبروك صيانتك الاخيرة فى السبع
            [CENTER][COLOR=#ff7700][SIGPIC][/SIGPIC][/COLOR][/CENTER]
            [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
            [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
            [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

            Comment


            • #7
              بصراحة حضرتك سردت موضوعك بشكل جميل جدا و تفاصيل فعلا كل واحد هيتعلم منها حاجات كتيرة و فعلا السبع عمره ما بيبخل عن عميل بأي حاجه و اهم حاجه عندهم هو ان العميل يكون ماشي مبسوط بدون اي مشاكل في العربية
              [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

              [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

              Comment


              • #8
                انا اتعملت مع السبع لاني لاقيت معظم اعضاء المنتدي بيشكروا فيه وده كان في اول صيانة ليه وبصراحة الناس كانوا محترمين جدا و ياريت الخدمة تفضل بنفس المستوى

                Comment


                • #9
                  أنا كنت بفاضل بين ينايتد جروب اللي في الدراسة ( زي ما وكيل نيسان اللي جبت منه العربية رشحلي ) أو السبع أتوسيرفيس ( من كلام مالكي نيسان على نيل موتورز) بعد الكلام دة وكالم قبلة كتير إن شاء الله أعمل صيانة الـ 1000 كم عند السبع ويارب تخلص على خير .
                  عندي أسئلة كتير بالنسبة لصيانة الألف بس أهمها لو حد من حضراتكم يفيدني في نوع الزيت اللي أحطه للعربية
                  وهل نيسان تفضل نوع معين ولا إية ؟ أصل بشوف الإيستيكر دة ساعات على بعض السيارات مثلاً
                  Mobile 1 is recommended by Mitsubishi
                  وباقي الأسئلة إن شاء الله تباعاً
                  وفعلاً أعضاء هذا المنتدى (خاصة النيسانوية :) )في قمة الإحترام وكم الإستفادة والخبرات كبير جدأ
                  شكراً

                  Comment


                  • #10
                    المشاركة الأصلية كتبت بواسطة waelali77 مشاهدة المشاركة
                    أنا كنت بفاضل بين ينايتد جروب اللي في الدراسة ( زي ما وكيل نيسان اللي جبت منه العربية رشحلي ) أو السبع أتوسيرفيس ( من كلام مالكي نيسان على نيل موتورز) بعد الكلام دة وكالم قبلة كتير إن شاء الله أعمل صيانة الـ 1000 كم عند السبع ويارب تخلص على خير .
                    عندي أسئلة كتير بالنسبة لصيانة الألف بس أهمها لو حد من حضراتكم يفيدني في نوع الزيت اللي أحطه للعربية
                    وهل نيسان تفضل نوع معين ولا إية ؟ أصل بشوف الإيستيكر دة ساعات على بعض السيارات مثلاً
                    Mobile 1 is recommended by Mitsubishi
                    وباقي الأسئلة إن شاء الله تباعاً
                    وفعلاً أعضاء هذا المنتدى (خاصة النيسانوية :) )في قمة الإحترام وكم الإستفادة والخبرات كبير جدأ
                    شكراً

                    فى البداية استاذ وائل اهلا بيك معانا فى اسرة قسم نيسان

                    باذن الله تعمل صيانة الالف على خير , وفى السبع ناس محترمين جدا

                    وبخصوص الزيت فى السبع بيستخدموا شل , وموبيل كويس بردوا مفيش فيهم اى مشكلة

                    وياريت تاخد جولة فى موضوعات التيدا المثبتة واكيد حتفيدك جدا


                    واهلا بيك مرة تانية
                    تقبل تحياتى
                    [CENTER][COLOR=#ff7700][SIGPIC][/SIGPIC][/COLOR][/CENTER]
                    [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
                    [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
                    [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

                    Comment


                    • #11
                      على فكرة انا عملت الصيانة ال 1000 عند بتوع الدراسه و حسيت انهم مش كويسين و بيتلصقوا فى الشغل

                      فعلا اللى ضبطلى الزوايا انا كمان غيرلى الزيت و هو نفس الشخص اللى كمل بنود صيانة ال 1000

                      تقيمى لهم مش قد كده ممكن 5/10

                      Comment


                      • #12
                        يا جماعة عاوز استشيركم فى قرار صيانة ال10000 باذن الله
                        يونايتد جروب انا جربته فى كشف عند 8400 كم على العفشة بعد ما اخدت مطب محترم ع السريع وقريب منى وناس كتير بتشكر فيه انه هادى ومش زحمة وكمان بيحط زيت موبيل 1 وهو الافضل من وجهة نظرى من توتال بتاع ابوغالى اللى حطهولى فى صيانة الالف وال5000
                        اما السبع هما محترمين وكل حاجة بس مشكلته مكانه فى المعادى البعيد عنى والزحمة وزيت شل اللى بيحطه

                        انا دلوقت 8800 كم
                        ياترى اروح فى صيانة ال10000 السبع وممكن اشترى الزيت على حسابى من برة ولا اروح يونايتد جروب وخلاص مع العلم العربية مافيهاش اعطال كتير
                        كل اللى محتاجه تربيط عفشة وتبديل العجل كروس وتغيير زيت وفلتر وزرار زجاج الباب الامامى يمين بيعلق يطلع وما ينزلش
                        وممكن ارصص وازبط زوايا عشان حاسس بحدفة شمال خفيفة
                        ارجو الافادة لأنى من كلامكم فهمت ان السبع بيشيك ع العربية من غير اما اقوله اى حاجة ؟!!!!
                        [COLOR=black]Y2Y1500 سابقا[/COLOR]

                        Comment


                        • #13
                          اولا اشكر كل الاعضاء الأفاضل اللي اهتموا بالرد و متابعة الموضوع
                          و بعتذر عن انقطاعي لفترات بس عندي مشكلة في النت و حتتحل الأسبوع ده
                          و اللي نسيت اقوله لإستكمال موضوع يونايتد
                          انهم بعد كام يوم من اخر مرة كنت عندهم ( ساعة ضبط الزوايا ) اتصلت بي السكرتيرة من الإستقبال عشان تعرف ان كان مستوي الخدمة كويس ولا لأ و الحمد لله رديت عليها بشكل واضح جدا انهم مركز زي الزفت و مستحيل اتعامل معاهم تاني
                          و هي برضه سابتني اسبوعين و اتصلت تاني تبلغني انه تم تحديد ميعاد ليا عندهم عشان يدرسوا شكوتي و يريحوني و طبعا شكرتها لأن مالهاش زنب و قلتلها بالكلمة انا مش عبيط عشان اسلمكم العربية تاني

                          سيبكم بقي من الكلام البايخ علي المركز البايخ
                          و تصديقا علي كلام الأخ الفاضل kamello2003 عن مركز السبع
                          بعد صيانة الـ40000 العربية في منتهي النعومة و السحب بقي اكتر من ممتاز و استهلاك البنزين بقي معقول جدا جدا يعني انا في العيد فولت التنك و رحت اتفسحت في 6 اكتوبر عند اصحابي ( انا ساكن في مدينة نصر ) و رجعت و العداد عامل مسافة 210 كم فولت التنك تاني اخد 17 لتر فقط مع ملاحظة ان المشوار تضمن طريق طوالي و نزلت وسط البلد و جريت بالعربية شوية ( 150 ) لكن في العموم مكنتش محتاج اقرص علي العربية لأن سحبها بقي معقول جدا
                          و بقول تصديق علي كلام بالنسبة لمركز الصيانة عشان في صيانة الـ20000 اللي عملتها في يونايتد العربية مكنتش بالأداء ده

                          Comment


                          • #14
                            بالنسبة لموضوع زيت شل اللي عند السبع انا لسة حاطه في صيانة الـ40000 و كنت متخوف برضه و استغربت بس احب اقول و الله اعلم ان الموضوع تعاقدات بين المراكز و شركات البترول و إن كنت مستغرب لأنه المفروض ان ماركة العربية هي اللي بتتعاقد مع شركات البترول علي نوع الزيت مش مراكز الخدمة
                            و ارجع تاني بالنسبة للزيت نفسه هي كلها زيوت مخلقة سواء موبيل او شل و بصراحة انا مش متخصص عشان افتي انهي احسن
                            بس انا شايف ان موبيل دعاية و اعلان اكتر و خللي بالكم ان العربية الفولكس الجيتا بتستعمل كاسترول مش موبيل و دي عربية مكلفة , يعني قصدي انه مش شرط يكون موبيل هو الأحسن و برضه الله أعلم

                            يا ريتك تتصل بالسبع تسأل عن امكانية انك تجيب الزيت معاك و ياخدو مصنعية بس و تكون مرتاح نفسيا

                            بالنسبة للملاحظات اللي في العربية و عن واقع تجربتي متروحش يونايتد , روح السبع

                            و بالنسبة للزوايا و الأتزان ممكن ميكونش في التوكيل , ممكن تروح مراكز بريدجستون و الموضوع عندهم مش مكلف و تحط بالمرة نتروجين بدل الهوا في العجل و يعملو لك الكروس و كل حاجة و هما محترمين جدا عن تجربة مركز صلاح سالم عمارات العبور و المركز الموجود بالعاشر من رمضان

                            بس اياك و يونايتد لأن بدايتي كانت نفس تفكيرك انه اقرب و ملاحظاتي علي العربية بسيطة و النتيجة الموضوع اللي احنا بندردش فيه

                            Comment


                            • #15
                              بخصوص السبع يا جماعة بيحط موبيل لو انت جايبة من بره وعمره ما حيقولك لا , عادى جداااا
                              مفيش فيها اى مشكلة
                              [CENTER][COLOR=#ff7700][SIGPIC][/SIGPIC][/COLOR][/CENTER]
                              [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
                              [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
                              [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

                              Comment

                              Working...
                              X