Sunny Xenon and Parking Sensor

[bayantt]

بعون الله نويت على الصنى .. هى النية كانت تيدا بس الميزانية خرمت .. بالاضافة أن شكل الصنى عاجبنى أكتر أوى.
المهم قبل كل حاجة شكر واجب لكل الرجالة الحلوة اللى فى جروب نيسان, على فكرة القرار بنسبة كبيرة راجع لارائكم

نويت إن شاء الله على اللون الفضى Super Saloon

أستفسار :
1- اللون الفضى ال interior بتاعه أسود ولا بيج ؟
2- لو عايز parking Sensor and Xenon lights أطلبهم مع العربية ولا بيركبو بعدين فى التوكيل ؟
3- مين كويس فى أسكندرية أشترى منه, أنا اعرف تاجر بس قال أن فى over price 1000 عشان مستناش ؟

بجد شكرا على الاراء المحترمة الموضوعية, فعلا You set a standard in evaluating cars

أقتراح :ليه منعملش زيارة لمصنع نيسان ؟

[SeaShark]

1. انا عندي اللون الفضي اي اكس صالون و هو مفيش منه غير دواخل سوداء فقط.
2. مينفعش تطلب الحاجات دي مع العربية ممكن تركبها بعد كده في التوكيل بس مش عارف الزينون بيتعمل في التوكيل ولا لا.
3. بالنسبة للتجار انا مش من اسكندرية بس اسكندرية فيها اجانسات عربيات كتير اوي عند كارفور الناحية التانية في كذا واحد و في اجانس جوا كارفور نفسه و في واحد في مول جرين بلازا (دول اللي انا اعرفهم و شوفتهم اكيد في تاني كتير) إسال فيهم كلهم عشان تجيب احسن سعر.

بالنسبة للإقتراح بتاع زيارة المصنع والله يا ريت ده انا اتمني بس نروح ازاي و هندخل ازاي و بصفة ايه.

[khela]

مبروك مقدما واهلا بيك مع النيساناوية الاسكندرنية
انا كنت شفت عربية مانيوال فرانى عند درويش فى الازاريطة عند ارض كوتة وهو قالى يوميها ب 82000
اما بالنسبه للموزعين فعندك مودرن موتورز ...ومرعى...وعبد اللطيف جميل الى عند داون تاون والى انا متاكد منة ان عبد اللطيف جميل معندهوش حاجة اسمها اوفر برايس بس تستلم امتى معرفش انا سامع ان العربية عليها سحب جامد انا شارى من عندهم وكانوا كويسيين معايا جدا
عموما انزل اسال وشوف الكلام اية

[bayantt]

بس أنا شوفت كذا صنى راكب فيها ال parking sensor بنفس لون الاكصدام كأنه فبريكة بالظبط ؟

[Ahmed.TV]

ما هو بيتركب بنفس لون الفبريكة بالظبط
وبعدين انت ممكن تطلب اللى انت عاوز فى العربية وتستلمه بيها
ولكن يفضل تستلم الاول وبعد كدا تطلب زينون تطلب باركن سينسور فبراحتك
واشترى من موزع معتمد
عندك عبد اللطيف جميل وعندك مودرن وعندك مرعى
والف مليون مبروك مقدما

[omar-saad]

اولا الف مبروك مقدما على العربية
انا من رايى انك تجيبها من مودرن محترمين اوى وماعندهمش اوفر برايس ولا حاجة
وتركب السنسور فى التوكيل علشان يرشوا مع العربية ويبقى على نفس مقاس الفتحة بالظبط
اما الزينون انتا محتاج لمبة واحدة بس عالى واطى وتقريبا هاتكون h4
لان انتا عندك الفانوس قطعة واحدة مش قطعتين
ويسلام لو تكمل وتجيب عليهم الفوجات تبقى تمام التمام
وبلاش ال8000 كلفن اللى هوة الازرق خليك فى 4300 اللى زى بتاع الاوكتافيا والجيتا
الزينون الازرق دة بقى منتشر اوى وبقى محطوط فى الموتوسيكلات الصينى والتكاتك
وكمان ماحدش هايغلس عليك من بتوع المرور
وربنا يوفقك للخير ان شاء الله

[HOSSAM_GABRE]

على حد علمى كل السوبر صالون الفرش الداخلى بيج , يعنى ما فيش سوبر صالون اسود من جوه يمكن علشان الابانوس
العربية فعلا دلوقتى عليها اوفر برايس من 500 الى 1000 جنية على حسب المعرض لكن طبعا انت تجيبها سواء من عبد اللطيف جميل ( ودا موزع معتمد زيه زى مودرن موتورز ) او مودرن موتورز او مرعى بدون اوفر برايس بس حتستنى لفترة تعتمد على اللون اللى انت عايزة ومدى توافرة يعنى لو موجود ممكن تشيل على طول .
والسعر الرسمى للسوبر صالون 100 الف جنية وكان فيه فترة فى شهر رمضان كان فيه عروض وخصومات فى حدود 1500 جنية ودلوقتى بردة تلاقى ممكن خصومات على المتبقى من موديل 2010 .

[omar-saad]

على حد علمى كل السوبر صالون الفرش الداخلى بيج , يعنى ما فيش سوبر صالون اسود من جوه يمكن علشان الابانوس
العربية فعلا دلوقتى عليها اوفر برايس من 500 الى 1000 جنية على حسب المعرض لكن طبعا انت تجيبها سواء من عبد اللطيف جميل ( ودا موزع معتمد زيه زى مودرن موتورز ) او مودرن موتورز او مرعى بدون اوفر برايس بس حتستنى لفترة تعتمد على اللون اللى انت عايزة ومدى توافرة يعنى لو موجود ممكن تشيل على طول .
والسعر الرسمى للسوبر صالون 100 الف جنية وكان فيه فترة فى شهر رمضان كان فيه عروض وخصومات فى حدود 1500 جنية ودلوقتى بردة تلاقى ممكن خصومات على المتبقى من موديل 2010 .

لا ياباشا فى فرش اسود حسب اللون
يعنى انا اعرف اتنين معاهم سوبر صالون واحدة فضى وواحدة كحلى والاتنين الانتيريور بتاعهم اسود

[harizy]

لا ياباشا فى فرش اسود حسب اللون
يعنى انا اعرف اتنين معاهم سوبر صالون واحدة فضى وواحدة كحلى والاتنين الانتيريور بتاعهم اسود

الرجل ده بيتكلم صح الصح، الفرق بين الإى إكس والسوبر صالون فى حاجات تانية خالص غير الفرش الداخلى، الاثنين فيهم بيج وأسود حسب الطلب والذوق، وحسب الموجود كمان؛ إنما السوبر صالون أكيد فيها الاثنين، وآسف على التكرار لأنه كان بغرض التأكيد يعنى بنتحدى الملل

[Bishoy.Girgis]

1- اللون الفضى ال interior بتاعه أسود ولا بيج ؟
2- لو عايز parking Sensor and Xenon lights أطلبهم مع العربية ولا بيركبو بعدين فى التوكيل ؟
3- مين كويس فى أسكندرية أشترى منه, أنا اعرف تاجر بس قال أن فى over price 1000 عشان مستناش ؟

بجد شكرا على الاراء المحترمة الموضوعية, فعلا You set a standard in evaluating cars

أقتراح :ليه منعملش زيارة لمصنع نيسان ؟

الاجابات
1- انا بفضل الفرش الاسود مع لون العربية الفضي
2- لما بتشتري العربية جديدة بيكون معاها في الغالب هدايا بتكون وحدات رفع و براكنج سنسور فعشان كده متطلبش العربية بأي حاجه عشان ممكن يحملولك الهدايا علي الفاتورة و بعدين انت ممكن تركبهم في اي وقت في التوكيل.
3- انا شايف ان لو في مودرن في اسكندرية ابقي احجز عندهم

بالنسبة للاقتراح
انا اول واحد معاك لو حضرتك عملتلنا كلنا دعوة علي مصنع نيسان لو عرفت تاخد منهم موافقة بما انها فكرتك