عندى مشكله فى فتيس الصنى 2010

[mobarak]

انا عندى نيسان صنى 2010 عمله 7000 كيلو اول مشترتها عند الرجوع الى الخلف (مرشيدير) الاقى عضه فى النقله ولو حاولت مره اخرى اسمع صوت كانى لم ادوس على الدبرياح الى الاخر التروس بتخبط فى بعضها. ذهبت الى مركز السبع فى صيانه 5000 وبلغتهم عن المشكله قالولى ان النيسان كده .المفروض ان تنتظر 3 ثوانى ثم تنقل الفتيس الى الخلف .الكلام ده انامش مقتنع بيه .هل الكلام ده صح ولا ايه.:b4_611:

[SeaShark]

علي ما اعتقد ان الكلام ده صح لازم فعلا تستني شوية
برضه اكيد الاخوة اللي معاهم الصني المانيوال يفيدوك اكتر مني.

[د.محمود صلاح]

الموضوع ده اشتكى منه ملاك اللوجان بالضبط وكان رد التوكيل بنفس الرد السابق ..
وعلى حد علمي انه توكيلهم كان بيركب قطعة معينة لتقليل فترة ال 3 ثواني دي .

[Ahmed.TV]

ايوة كلامهم صح ,واعضاء كتير سالو فى الموضوع ده , ولو حضرتك دورت فى القسم عندنا وقريت فيه شوية , حتستفاد جدا من لمعلومات الغنية اللى فيه, وحتعرف ان الكلام ده اتكملنا فيه وكل الناس اللى معاها صنى مانيول اتكلموا فيه
وفعلا بتصبر 3 ثوانى عقبال ما تدوس عشان يكون ماستر الدبرياج يفتح معاك وتقدر تجيب مرشيدر من غير ما يعصلج معاك كدا

او تنقل للاول وبعد كدا ترجع تجيب مرشيدير
وتقبل تحياتى

[mobarak]

شاكرين على الاهتمام . مدام توكيل رينوه اهتم بالموضوع وعالج العيب . ليه مركز الصيانه مش مهتم . وعلى فكره المشكله دى موجوده فى الفيات 28 .27 يعنى عيب يكون العيب ده فى اليابانى. غير كده اشاره الكاسيت ضعيفه داخل البلد مضطر ارفع الاريال . ده عيب فى الكاسيت ولا هوه ضعيف .