تقرير صيانة ال10000

[omar-saad]

اولا الف الف مبروك على رجوع المنتدى تانى
الواحد كان حاسس بضيق جامد لانة ماكنش عارف يشارك او يعمل اى حاجة
ثانيا ودة اول موضوع ليا بعد رجوع المنتدى وهوة تقرير صيانة ال10000
طبعا انا رحت مودرت موتورزاللى فى الحضرة علشان اعمل الصيانة هناك
اخدو العربية وبصوا عليها
وسالونى لو كنت بشتكى من اى حاجة طبعا كان فى حاجات
1- صوت صفارة فى الفرامل على السرعات الواطية (اشتكيت منها فى ال5000 وماتعملتش)
2- السماعتين اللى ورا مخروشين جامد ومافيش اى صوت نقى بيطلع منهم
3- الهاند بريك ضعيفة اوى (وبرضة اشتكيت منها فى ال5000 وماتعملتش)
4- الدهان بتاع الاكصدامات ضعيف اوى وبيتقشر كل ما اجى اغسلها فى المغسلة
وطبعا غير غيار الزيت والفلتر وتنربيط العفشة والخ...............
الحمد لله ان اليوم كان رايق خالص والعربيية خلصت فى الميعاد ومن غير تاخير
واللى اتعمل
1-تنضيف التيل والطنابير وفعلا صوت الصفارة راح
2- السماعتين اللى ورا تم تغيييرهم فى الضمان والصوت رجع ماشاء الله عليه تمام
3- اتعملت وبقت حتة حديدة
4-ودى اللى خنقتنى ان معظم المهندسين بيتعاملو مع العملا انهم اول مرة ركبوا عربيات او دى اول عربية يركبها نضيفة مش عارف حاجة ......... المهم
اتكلمت مع المهندس فى موضوع البوية اللى بتتقشر وقالى ان فى حكات فى الاكصدام ودا عادى جدا انها تقشر وتسرح فى باقى الاكصدام وكل العربيات كدة الكلام دة ضايقنى منه جدا
رديت عليه وقولتله انى ركبت عربيات كتير وعمر مافى عربية فيهم حصل فيها الموضوع دة
لان دة عيب فى الدهان والهدان ضعيف اوى وطبقة واحدة وصورها وبعت الصورة وقالى هانرد عليك كمان يومين
العربية خلصت وطلعت بيها فعلا كان محتاجة التروييقة دى
الموضوع كله اتكلف 340 ج فقط
وبعديها بقى بالليل لاقيت الكرسى بتاع بييزيق
انا اتخنقت كل ماعمل حاجة تطلع حاجة
الحمد لله
انا اسف انى طولت عليكم

[omar-saad]

الف شكر على الردود يا جماعة وهو دة المنتظر من قسم نيسان

[M.Osman]

الف مبروك الصيانة .. بس انا اعتقد ان السبع افضل كتير من مودرن

[Ahmed.TV]

اولا الف مليون مبروك عمل الصيانة على خير يا استاذ مومو وعقبال صيانة المليون

ثانيا بحييك على حبك وانتمائك لمنتدانا الحبيب نايل مورتورز , وبحييك على موضوعك وتقريرك المفيد اللى اكيد حيفيد الاعضاء معانا

ثالثا معلش الناس لسه فاكرة ان المنتدى فيه عطل ومنهم اللى بقا بيكسل يدخل ومنهم اللى اتجه الى مكان اخر لطرح موضوعاته

بس الحمد لله واللى متاكد منه وواثق فيه بنسبة مليون فى المائة من خلال متابعتى بكل المنتديات الاخرى ان منتدانا وقسمنا لا يوجد مثله فى اى مكان اخر على صفحات النت , وبيميزه عن اى منتدى اخر : تداخل اعضائه مع بعض وكثرة موضوعاته الغنية بالمعلومات المفيدة , وبيتميز قسمنا ايضا بتعدد علاقاته بمراكز الخدمة والتوكيل لمساعدتنا

على العموم باذن الله الناس اللى قلبها على المكان حتدخل وحترجع وحتشارك معانا

وسعداء بتقريرك

وخاليك وراهم فى حكاية الدهان دى وطمنا فى النهاية قولنا وصلت لايه

تقبل تحياتى

[د.أحمد السعيد]

الف مبرو ك على الصيانة و عقبال ال 1000000 الف بصحة و عافية
و متزعلش الناس لسة حاسبةالمنتدى مقفول

[ash257]

مبروك الصياة انا رايح يوم الثلاثاء إن شاء الله عشان صيانة ال 10000 برضو
انا ماعنديش أي مشاكل الحمد لله غير أن احيانا وبأكد على كلمة احيانا دي بحس ان في حدفة يمين في العربية وكمان فرامل الهاندبريك برضو ضعيفة شوية وكمان بفكر اتلكك واقولهم ان استهلاك البنزين عالي يمكن يعملوا حاجة

[Ahmed.TV]

مبروك الصياة انا رايح يوم الثلاثاء إن شاء الله عشان صيانة ال 10000 برضو
انا ماعنديش أي مشاكل الحمد لله غير أن احيانا وبأكد على كلمة احيانا دي بحس ان في حدفة يمين في العربية وكمان فرامل الهاندبريك برضو ضعيفة شوية وكمان بفكر اتلكك واقولهم ان استهلاك البنزين عالي يمكن يعملوا حاجة

الحدفة دى بسيطة باذن الله ظبط الزوايا حريحلك الدنيا وهما حيقوموا بالازم
وحتى الهاند بريك

بس نصيحة اخوية , لو مش عندك مشكلة فى استهلاك البنزين بلاش موضوع التلكيك ده عشان ممكن يقلب بصورة عكسية وبدل ما يكون كويس يبقا مش كويس والدينا تتلخبط

وزى ما قولتلك طالما الحساسات عندك تمام يبقا خلاص مش محتاج يكون فى حاجة عشان مدخلش نفسك فى متاهات

[hazemelgohary]

مبرك ياأستاذ مومو بس طول بالك على العموم موضوع البوية دة فعلا عيب تصنيع و أنا فعلا شوفتة فى عربيات زيرو صنى كتير بس خليك ور اهم حتعمل أية هى حاجة تغيظ متسبهمش بس الباقى كلة مأدور علية

[Bishoy.Girgis]

الف شكر على الردود يا جماعة وهو دة المنتظر من قسم نيسان

اولا الف الف مبروك يا استاذ موموصني علي الصيانة و عقبال صيانة الـ 100000
ثانيا انا واخد علي خاطري منك لأن ميصحش خالص الرد اللي انت رديته ده خصوصا انك جوا قسم من اقسام نايل الموتورز المحترمة و انت عارف كويس انك بتتعامل مع ناس في قمة الزوق فمينفعش انك تقول الرد ده جوا القسم و انت عارف كويس مدي محبة الاعضاء لبعضهم البعض
و مش معني ان محدش رد يبقي ده تجاهل من الاعضاء لموضوعك ... لأ طبعا بالعكس .. حضرتك شوفت في الفترة الاخيرة لما حصلت مشكلة الموقع انا كنت من اوائل الناس اللي زعلوا علي المواضيع المرتبة اللي اتعملت في القسم و كان ملاحظ جدا كمية التعب اللي حصل فيهم .. عشان كده انا عايز حضرتك متتسرعش في الحكم علي اي حد في القسم ايا ً كان لأن انت مش هتلاقي في القسم الا كل الود و المحبة
أرجوا ان تكون وجهة نظري وصلت لحضرتك و ان شاء الله تساعد القسم علشان نحاول كلنا نجمع المواضيع المهمة اللي حصلت في شهري اكتوبر و نوفمبر و عشان كده انا فرحت جدا بالاعضاء اللي كانوا مهتمين جدا ان اول ما الموقع فتح لاقيتهم حطوا الموضوعات اللي طارت مرة تانية
عشان كده احنا هنا بنساعد بعض بس المهم ان احنا نحاول بقدر من الامكان نلم المواضيع اللي طارت في اقل وقت ممكن.

[ash257]

بعد إذن حضرتك هي الصيانة بتاعة ال10000
اتكلفت 340 جنية ولا 430 جنية أصل لسة حاجز حالاً وقالتلي 430 جنية

[omar-saad]

انا متشكر ليكوا يا جماعة على الردود ويارب المنتدى يفضل كدة على طول دايما فى تفاعل وحب وود مابينا باذن الله
ثانيا يا استاذ بيشوى بعد اذنك انا عارف ظروف المنتدى كويس ولو بصيت على تاريخ عضويتى
حاتلاقينى مشترك بقالى سنة فى نايل موتورز وعارف اد ايه القسم هنا محترمين
بس المشكلة ان طول عمر قسم نيسان كدة الردود فيه بتبقى قليلة جدا
ويمكن زادت فى الفترة الاخيرة بعد بداية انتشار العربية فقط
بص كدة لقسم فيات-اوبل-كيا-رينو-هيونداى الخ..............
هتلاقى فى تفاعل مابين الاعضاء وبعضهم كتير وبسرعة
ليه احنا كمان مانبقاش زيهم ؟
ليه دايما المشاهدات اكتر بكتيييييييييييييييييير من الردود
ياريت حضرتك تكون واقعى يا استاذ بيشوى

-----------------------------------------------------
الاستاذ ash257 الصاينة فعلا 340 ج شاملة الزيت والفلتر والصيانة كاملة
واى استفسار تانى انا تحت امرك

[Ahmed.TV]

ما احنا بردوا عشان نكون واقعين

اغلب الاعضاء فى الاقسام اللى حضرتك ذكرتها دى شباب عمرهم فى اوائل العشرين ومنهم اللى طالبة كتير
وعشان كدا الفئة العمرية دى بتحكم فى كثرة المشاركة

موضوع التفاعل هنا دايما بندعو اليه ومن قبل كمان ما العربية تنتشر , كنا بنحاول ننشر روح الود والتعاون بينا والحمد لله انها منتشرة وانتشرت ودى بتميزنا عن اى قسم اخر

ردود الناس وقلتها , وده كنا بقابله وبتعب منه ومازلت بتالم منه لغاية دلوقتى معاك حق فيه متعب بس بردوا على قد ما فى ناس بتبخل بكلمة او ملعومة بتشارك فيها او تقدير لينا ولصحاب الموضوع , اكيد فى ناس تانية موجودة ومتعاونة لاقصى درجة وبتقدر بردوا

يمكن عاوز اقولك انا اكتر واحد جالى احباط من النقطة دى , لانى بنزل وبتحرك كتير لمساعدة الناس والحمد لله بدون اى مقابل ولوجه الله
والمقابل اللى بتمناه التعاون ومعرفة الناس , ومع ذلك فى ناس بتقدر وبتدخل وبتتعاون معانا وفى ناس مبتقدرش ده لدرجة انى كنت ياست وحنسحب من المشاركة , وده حقيقى


وتراجعت لعشقى وحبى للناس وخصوصا اللى الناس اللى بتقدر المكان اللى احنا فيه وقدرتنى

وصدقنى عاوز اقولك انى عندى ظروف اسرية وشغل وضغوط حياة زى اى واحد واكتر كمان ومع ذلك بعتبر القسم هنا بيتى وهنا بلتقى مع اخوانى بجد ولما بشارك معاهم بحس ان اتشال من عليه هموم

بس للاسف مش حتلاقى ناس بتعشق المكان زيك يا مومو وزينا وزى باقى الاعضاء القدامى اللى مقدرين المكان او بعض الاعضاء الجدد اصحاب الشخصيات المحترمة

نتمنى انك تكون معانا دايما وايدك معانا ومع كل الناس اللى بتقدر قسمنا وبيتنا لنترقى بيه للافضل دايما