تصليح النيسان فى التوكيل والمفاجأة الكبرى

[AHMADKAMAL1]

.]لسادة أعضاء المنتدى أحكى لكم تجربتى لتصليح عربيتى نيسان صنى 2009 سوبر صالون الشكل الجديد بعد خروجى من العمل وانا مهدى وقبل ما اطلع مطب وكان اليمين فاضى جاءت عربية نصف نقل وبسرعة كبيرة خبطتنى من الخلف وبدون فرملة وكانت النتيجة تدمير الأكصدام الخلفى تدمير غطاء الشنطة وكسر الفانوس الخلفى يمين وتكسير بعض النواكل وكان عندى فكرة عن الأسعار طبقا لما هو مكتوب فى المنتدى وطبعا طلع وهم كبير لان الأسعار دى غير خقيفية بالمرة فعلى سبيل المثال لا الحصر غطاء الشنطة مكتوب فعلا 1500 جنية ولكن المهندىس شرحلى قالى 1500 دول الغطاء حديدة يعنى بدون دهان بدون فك وتركيب بدون كهرباء يعنى السعر النهائى 550 دهان +500 سمكرة مكان الشنطة القديمة+ فك وتركيب200 +1500 ثمن الغطاء+550 تمن النواكل اللى تكسرت واحسوبوها انتم وقيس على جدة الأكصدام والفانوس من مصنعية لفك وتركيب وبدون تفاصيل أكتر الخساب كان بضربية الميبعات 6800 جنية مصرى وكان دة فى مركز خدمة ابورواش مودرن موتورز وما كنتش مأمن لأن اتأمين مدتة خلصت من شهر 9 وربنا يعوض . على فكرة توكيل السبع أغلى من مودرن وأمكانيتهم أقل بكتير من مودرن هم بس أحسن فى الصيانات الدورية لأنى مجرب كل مراكز الصيانة تقريبا لأنى تعرضت ل3 حوادث سابقة وربنا ميكتبها عليكوا واسف للاطالة


[/overline]









غ

[Bishoy.Girgis]

هو فعلا يا استاذ احمد زي ما انت قولت بالظبط كده و علي فكرة كل ده بسبب ان التوكيل مش بيصلح العربية .. التوكيل بيشيل القديم و يركب جديد .. عشان كده العربية بترجع لك زي بالظبط و انت شاريها من الاجانس لكن لو عايز تقلل من التكلفة فممكن تروح لناس محترفة في الحرفيين و هتقلل التكلفة كتير عن كده و برده العربية هتبقي زي الفل لكن طبعا هتتحمل ثمن القطع اللي هتشتريها اصلي لكن لو جبت التايواني التكلفة هتبقي قليلة جدا برده فعشان كده القرار هيكون ليك انت ..

[egypt0777]

ربنا يسترها معاك و معانا

عموما صلح بره احسن انت اولى بالفرق خصوصا انك مش مامن على العربية

[Ahmed.TV]

الحمد لله قدر الله ماشاء فعل وفداك والمهم انك بخير

ياريت تقولنا ايه فى الاسعار اللى وهم كبير عشان نستفاد

عشان الخطا اللى فيها نتاكد منه ونفيد بيه الاعضاء ونصلحه

عشان الاسعار اللى مكتوبة اغلبها فى مودرن ابورواش

وفعلا اغلب الناس بتشكر فى شغل السمكرة والدهان فى مودرن

ومرة تانية حمدلله على السلامة

[ygamgoum]

قدر الله ماشاء فعل وفداك والمهم انك بخير. والحمد لله على سلامتك

[Amr2004IBM]

قدر الله ما شاء فعل الله و يعوض عليك . طلاما انه سليم وصحتك تمام متزعلش على حاجه

[AHMADKAMAL1]

ا

[AHMADKAMAL1]

رد على الأسعار الوهم


السادة اعضاء أسرة نيسان أولا أنا بأشكركم على الردود الرقيفة لان بصراحة الواحد بيكون فى أزمة بعد الحادثة واللى يغظيك فعلا الناس اللمعندهاش ضمير وبتمشى بدون وعى ولا حساب للناس وفاكرين ان الواحد لاقى الفلوس عموما انا باحب أوضح ان الأسعار كانت مفاجاءة لى والوهم اللى أنا بأقصدة فى الأسعار عندك على سبيل المثال الأكصدام الخلفى مكتوب سعرة 750 بيوصل فى النهاية450 دهان+200 دفر+300فك وتركيب +تمنة750 +200 النيكل حلية+10%ضريبة تقريبا 2000 جنية أو أكتر على العموم هى دى الحقيقة الفعلية للاسعار ويمكن أنا اللى كنت عايش فى الوهم وعلى العموم أنا دفعت وووووووامرى للة ومستنى أستلم بعد أسبوع على كلامهم ويارب ما يكتبها عليكم
والسلام.

[Ahmed.TV]

الله يكون فى عونك بجد

ومقدرين اللى انت فيه وبنلومك عشان مش قولتلنا على اللى بيحصل معاك

كنا عاوزين نقف معاك وجنبك

عشان انا بقدر الحالة دى , الواحد بيكون محتاج حتى ولو معنويا الناس تكون جنبه

وبخصوص الاسعار اللى مكتوبة فى المنتدى هنا , فعلا دى اسعار القطعة , من غير اى حاجة اخرى , ومن غير التركيب ومن غير الضريبة

على العموم فداك الدنيا كلها , والحمد لله انها خلصت على خير

وقدر الله ماشاء فعل

[tiger45]

صلح بره ارخص وربنا يعوض عليك