إعـــــــلان

Collapse

.

,
See more
See less

تقرير عن صيانة 5000 وعلاج عضة الفيتيس الاوتوماتيك

Collapse
X
 
  • Filter
  • الوقت
  • Show
Clear All
new posts

  • تقرير عن صيانة 5000 وعلاج عضة الفيتيس الاوتوماتيك

    الحمد لله النهاردة روحت مودرن موتورز الحضرة وعملت صيانة 5000 الدورية المعتادة
    المهم انا كان عندى مشكلتين
    الاولى :-
    كنت بلاحظ اهتزاز فى الدركسيون على السرعات العالية
    الثانية :-
    كان فية عضة جامدة والفتيس بيتحرك من والى الوضع p مع سماع تكة معدنية بالاضافة الى حدوث نتشة خفيفة لما الفتيس بينقل اوتوماتيك من التانى الى التالت

    قولت كمان بالمرة استفيد من العرض بتاع الاكسسوارات وطلبت تركيب باركينج سينسور ووحدة رفع ب 550 جنية بدلا من 650 جنية .

    العربية دخلت الصيانة الساعة 10.00 ص
    فى البداية طبعاً تم تركيب حساسات الركن , ووحدة الرفع
    هما هناك نصحونى انى اركب عدستين بس وعطولى العدستين التانيين علشان الاكصدام فية مكان لاتنين بس والافضل عدم التثققيب فى الاكصدام وخيرونى بصراحة , وقالولى ان الاتنين سينسور حيقموا بدور الاربع عدسات كاملين ,
    انا بصراحة ما كنتش محبذ فكرة ان يتعمل خرمين اضافيين فى الاكصدام المهم ركبت اتنين واخدت الاتنين التانيين معايا
    نيجى بقى للمشاكل الاساسية
    المشكلة الاولى
    وجود اهتزاز فى الدركسيون على السرعات العالية ودى طبعا كانت العربية محتاجة ترصيص وتم فعلا والتكلفة تقريبا 40 جنية
    المشكلة التانية
    عضة الفتيس
    المهندسين فعلا قالوا ان فيه عضة فى الفتيس
    وحسب كلام المهندس ان فية 3 حاجات ليهم علاقة بالفتيس والنقلات
    1 - وحدة التحكم ودى هو عمل تشك عليها فى الاول بالكمبيوتر وغالبا عمل ريسيت للعربية لان الكاسيت طلب كود التشغيل , وبردة العضة كانت موجودة .
    2 - حاجة فى الكبوت على الشمال اسمها drop resistance ( مش عارف الاسم كده صح ولا غلط ) ودى اللى كانت المشكلة فيها ,
    هو فكها ونضفها بالاسبراى وركبها تانى , والحمد لله
    العضة راحت وكمان النتشة اللى بين التانى والتالت والفتيس بنقل اوتوماتيك راحت .
    3 - الحاجة التالتة اللى ممكن تأثر الفرامل وطبعا الحمد لله الفرامل سليمة ما فيهاش مشكلة .

    بعد الانتهاء الساعة 4.00 اخدت العربية جربتها مع مندوب من التوكيل وكانت زى الفل
    اخدتها بعد كدة جربتها على الوراعى والدولى , والحمد لله صوت الموتور اهدى بمراحل وما فيش اى اهتزاز , والحمد لله العربية زى الفل والعضة والنتشة راحوا نهائيا
    انا حبيت انقل التجربة لان احد الاخوة كان بيعانى من نفس مشكلة عضة الفتيس , وان شاء الله يستفيد .

  • #2
    مبروك الصيانة وحل المشاكل بس
    هو الترصيص تبع الضمان يا اسيادنا و لا لأ يعنى بدفع له فلوس و لا ضمن الصيانة الدوريه
    [CENTER][COLOR=black][FONT=Tahoma]د.أحمد أخصائى أطفال[/FONT][/COLOR][COLOR=darkred][FONT=Tahoma]IBCLC[/FONT][/COLOR][COLOR=darkred][FONT=Tahoma] [URL="http://www.nilemotors.net/Nile/154717-a.html"]و حياتي بلا أغاني [/URL][/FONT][/COLOR][COLOR=blue][FONT=Tahoma][URL="http://www.nilemotors.net/Nile/154717-a.html"]لها أسمي [/URL]المعاني[/CENTER]
    [CENTER][FONT=Times New Roman][SIZE=5][URL="http://www.nilemotors.net/Nile/193182-82-11-a.html#post3873181018"][COLOR=darkred]تخيل بضغطه زر واحد يمكن أن تأخذ 82 مليون حسنه أو 11 مليون سيئه.....ولك حريه الاختيار[/COLOR][/URL][/SIZE][/FONT][/CENTER]
    [/FONT][/COLOR]

    Comment


    • #3
      المشاركة الأصلية كتبت بواسطة د.أحمد السعيد مشاهدة المشاركة
      مبروك الصيانة وحل المشاكل بس
      هو الترصيص تبع الضمان يا اسيادنا و لا لأ يعنى بدفع له فلوس و لا ضمن الصيانة الدوريه
      طيب ما احنا فى الصيانة الدورية بندفع تمن الزيت وتمن فلتر الزيت يعتى من مجانية
      الترصيص ليس له علاقة بالضمان لانه مش عيب فى العربية دا حاجة طبيعى انها تحصل وعلاجها باضافة رصاص

      Comment


      • #4
        الف الف مبروك استاذ حسام علي الصيانة و علي المشاكل اللي كانت بتقابلك و كويس انك ضفتلنا معلومة قيمة جدا بتصليح نتشة الفتيس
        الف مبروك
        [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

        [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

        Comment


        • #5
          المشاركة الأصلية كتبت بواسطة peaceman مشاهدة المشاركة
          الف الف مبروك استاذ حسام علي الصيانة و علي المشاكل اللي كانت بتقابلك و كويس انك ضفتلنا معلومة قيمة جدا بتصليح نتشة الفتيس
          الف مبروك
          ربنا يبارك فيك يا استاذ بيشوى , والف شكر لمرور حضرتك بس هو كان يوم علقة بصراحة

          Comment


          • #6
            طيب انا قرت هاروح للسبع واقولهم على نتسة الفتيس الأوتوماتيك ده؟؟
            بس حضرتك ممكن تقولى عاملوا اية بالظبط؟

            Comment


            • #7
              الف مليون مبروك يا استاذ حسام على الصيانة

              تقرير قوى جدا ومفيد بجد

              مع انه حيشغل هاجس الوسواس عند الناس فى نقطة العضة والنتشة دى واللى مش عنده حيتلكك هههههههههه احيانا فى ناس كدا

              انا عاوز بس اعرف النتشة دى كنت بتحسها وانت ماشى صح ولالا عشان نوضح اكتر للناس والعربية بتنقل لوحدها غيارتها

              والعضة امتى بالظبط

              انا اعرف موضوع النتشة دى تظبيط حساسات

              عشان نحدد اكتر عشان الناس تعرف تفرق بين لو فيه مشكلة عندهم شبيها بمشكلة حضرتك ولالا ام الوضع عندهم عادى

              ولكى منى كل تحية وتقدير

              وتقري مفيد وجزاك الله خيرا عليه
              [CENTER][COLOR=#ff7700][SIGPIC][/SIGPIC][/COLOR][/CENTER]
              [CENTER][FONT=Tahoma][COLOR=#ff7700]محرر فى دعم اتخاذ القرار بوزارة الاعلام[/COLOR][/FONT][/CENTER]
              [CENTER][FONT=Tahoma][COLOR=darkslategray]قليل المشاركة فى [COLOR=blue]الموضوعات [/COLOR]والرسائل [COLOR=blue]الخاصة[/COLOR] لانشغالى بالعمل[/COLOR][/FONT][/CENTER]
              [CENTER][FONT=Tahoma][COLOR=darkgreen][COLOR=darkred]برجاء الاتصال بى[/COLOR] :[/COLOR][COLOR=navy] [U]01288814049[/U][/COLOR][/FONT][/CENTER]

              Comment


              • #8
                المشاركة الأصلية كتبت بواسطة doc_semsem مشاهدة المشاركة
                طيب انا قرت هاروح للسبع واقولهم على نتسة الفتيس الأوتوماتيك ده؟؟
                بس حضرتك ممكن تقولى عاملوا اية بالظبط؟
                ان شاء الله المشكلة تتحل زى ما انا قولت فوق مصادر المشكلة 3 حاجات انا كانت مشكلتى فى المقاومة دى وهما فكوها ونضفوها وركبوها تانى يعنى الموضوع تم فى 10 دقايق والحمد لله النتشه راحت وكمان عضة الفتيس وهو بيتحرك من والى p انتهت

                Comment


                • #9
                  المشاركة الأصلية كتبت بواسطة ahmed.tv مشاهدة المشاركة
                  الف مليون مبروك يا استاذ حسام على الصيانة

                  تقرير قوى جدا ومفيد بجد

                  مع انه حيشغل هاجس الوسواس عند الناس فى نقطة العضة والنتشة دى واللى مش عنده حيتلكك هههههههههه احيانا فى ناس كدا

                  انا عاوز بس اعرف النتشة دى كنت بتحسها وانت ماشى صح ولالا عشان نوضح اكتر للناس والعربية بتنقل لوحدها غيارتها

                  والعضة امتى بالظبط

                  انا اعرف موضوع النتشة دى تظبيط حساسات

                  عشان نحدد اكتر عشان الناس تعرف تفرق بين لو فيه مشكلة عندهم شبيها بمشكلة حضرتك ولالا ام الوضع عندهم عادى

                  ولكى منى كل تحية وتقدير

                  وتقري مفيد وجزاك الله خيرا عليه
                  احمد باشا انت نورت الموضوع يا فندم النتشه اصلا كانت موجودة والفتيس بينقلل اوتوماتيك من التانى الى التالت وطبعا العربية ماشية على D مش موجودة غير فى النقلة دى , ثانيا عضة الفتيس كانت وانا بعشق على p انا ممكن اوصفهالك زى ما تكون راكن العربية فى مطلع وعشقت على p من غير تدوس فرامل جامد وبعدين تيجى تتحرك على d مثلا , تخيل شكل عضة الفتيس عاملة ازاى ساعتها دا كان بيحصل معايا بس الفرق ان العربية لا كانت فى مطلع ولا حاجة وكنت بدوس فرامل وامور العربية على النورمال واشد الهاند بريك قبل ما اعشق على p

                  Comment


                  • #10
                    طيب حسام باشا انا عندى الفتيس بيكون فيه تقل كتير قوى ونتشة وبمعنى اصح عضة لما اجى اجيب الفتيس من الpالى اى غيار تانى سواء العربية فى مطلع او عادى؟؟؟
                    ياترى حضرتك قولتلى انهم نضفوا ايه بالظبط؟؟؟؟؟
                    شكرا

                    Comment


                    • #11
                      المشاركة الأصلية كتبت بواسطة doc_semsem مشاهدة المشاركة
                      طيب حسام باشا انا عندى الفتيس بيكون فيه تقل كتير قوى ونتشة وبمعنى اصح عضة لما اجى اجيب الفتيس من الpالى اى غيار تانى سواء العربية فى مطلع او عادى؟؟؟
                      ياترى حضرتك قولتلى انهم نضفوا ايه بالظبط؟؟؟؟؟
                      شكرا
                      بعد اذنك يا حسام باشا هرد علي الاستاذ سمسم
                      بص حضرتك خد الخطوة اللي هقولها لحضرتك مرة واحد و مش هيحصل ابدا النتشة دي تاني
                      طبعا حضرتك و انت بتجيب الفتيس من اي حارة الي الـ p طبعا بتكون دايس فرامل
                      حضرتك متسيبش رجلك من علي الفرامل الا لما تشد فرامل اليد
                      فلما حضرتك تيجي تنقل بعد كده الصبح مثلا او علي مطلع لازم تكون دايس فرامل و بعد تنزل فرامل اليد و بعدين تحرك الفتيس من الـ p الي الحارة اللي حضرتك تحددها
                      و منها مش هيبقي في نتشة خالص
                      و اي خدمة
                      [CENTER][FONT=Tahoma][SIZE=5][COLOR=blue][COLOR=blue][IMG]http://img560.imageshack.us/img560/9168/featurew.jpg[/IMG] PeaceMan[/COLOR] [COLOR=sienna]@[/COLOR] [COLOR=green]Nissan[/COLOR] NileMotors [IMG]http://img560.imageshack.us/img560/9168/featurew.jpg[/IMG][/COLOR][/SIZE][/FONT][/CENTER]

                      [CENTER][URL="http://www.nilemotors.net/Nile/226179-a.html"][IMG]http://img194.imageshack.us/img194/2737/presvj.png[/IMG][/URL][/CENTER]

                      Comment


                      • #12
                        المشاركة الأصلية كتبت بواسطة peaceman مشاهدة المشاركة
                        بعد اذنك يا حسام باشا هرد علي الاستاذ سمسم
                        بص حضرتك خد الخطوة اللي هقولها لحضرتك مرة واحد و مش هيحصل ابدا النتشة دي تاني
                        طبعا حضرتك و انت بتجيب الفتيس من اي حارة الي الـ p طبعا بتكون دايس فرامل
                        حضرتك متسيبش رجلك من علي الفرامل الا لما تشد فرامل اليد
                        فلما حضرتك تيجي تنقل بعد كده الصبح مثلا او علي مطلع لازم تكون دايس فرامل و بعد تنزل فرامل اليد و بعدين تحرك الفتيس من الـ p الي الحارة اللي حضرتك تحددها
                        و منها مش هيبقي في نتشة خالص
                        و اي خدمة

                        كلام سليم يا فندم
                        الله ينور يا استاذ بيشوى
                        ولو عملت كل ده وبعد كده المشكلة فضلت موجودة يبقى حضرتك تروح للتوكيل

                        Comment


                        • #13
                          متشكر جدا لزوقكم جميعا

                          Comment

                          Working...
                          X