أول تقرير لاستهلاك بنزين صني 2011 بحساس الأوكسجين !!!!

[SonaSteel]

السلام عليكم
حبايبي في الله ..... انا حبيت اكون اول واحد ان شاء الله اعمل التقرير ده للصني 2011 وخاصة انها مزوده بحساس الاوكسجين المطور من قبل نيسان ..........!!!!
حبيت اعمله دلوقتي وانا في رحلة التليين (1000 كيلو) علشان يبقي تجربة عملية ان شاء الله بعد كده ... ان الاستهلاك بيتحسن بعد 5000 كيلو وفقا لما قاله الاعضاء ذوي الخبرة في المنتدي العزيز ده
العربية : نيسان صني
نوع الغيار: مانيـــــوال
الموديل : 2011
كيلومترات: 850
اولا طريقة الحساب:
انا فولت العربية يوم الخميس اللي فات من بنزينة شل اللي في شارع الطيران وخليت العامل يفول لغاية الزور.
مشيت بيها الاسبوع ده وروحت فولت النهارده كنات عاملة 238 كم ...لما فولت اخدت 27 لتر والحمد لله حاولت اخليها نفس البنزينة ونفس المسدس.

الحسابات:
العربية عملت 238 كم ........ واستهلكت خلالهم 27 لتر
اذا لتر بنزين واحد يعمل = 238/27 = 8.814 كم
20لتر(صفيحة) =8.814*20= 176.30 كم /صفيحة

طريقة السواقة:
الاسبوع ده كان حرق وجري ومشاوير طويلة وزحمة .... بس طبعا بدون تكييف (اول الف كم)
ان شاء الله هحاول اكرر الموضوع تاني الاسبوع ده واشوف الاستهلاك عامل ايه؟؟
ايه رأيكم في الاستهلاك ده .... وان شاء الله هايتحسن بعد ال5000 فعلا؟؟؟
وانا في انتظار مشاركاتكم الطيبة ان شاء الله ........... :b4_007:

السلام عليكم
حبايبي في الله
انا عملت نفس التجربة تاني بكل حاجة تقريبا
دلوقتي العربية عاملة 1040 كم
السواقه داخل البلد برده.... وفي السبوع ده
العربية عملت 239 كم ........ واستهلكت خلالهم 24 لتر
اذا لتر بنزين واحد يعمل = 239/24 = 9.958 كم
20لتر(صفيحة) =9.958*20= 199.166 كم /صفيحة
الحمد لله رب العالمين
يارب يفضل يتحسن كده ..... ان شاء الله أي جديد هاوافيكم بيه علي طول ان شاء الله

[mohamed242]

اخوانى الاعضاء
انا عندى صنى 2011 مانيول ماشى 800 كم حتى الان
استهلاك البنرين داخل القاهرة 20 لتر = 210 كم
انا سافرت مرة فايد مونت من البنزينة الى فى اول طريق مصر اسماعلية و مشيت 97 كم على سرعة 80\90 و مونت تانى فى فايد واخذت العربة 5.4 لتر ملحوظة ( التموين فى البنرينتين كان الى اخر الزور)

[SonaSteel]

اخوانى الاعضاء
انا عندى صنى 2011 مانيول ماشى 800 كم حتى الان
استهلاك البنرين داخل القاهرة 20 لتر = 210 كم
انا سافرت مرة فايد مونت من البنزينة الى فى اول طريق مصر اسماعلية و مشيت 97 كم على سرعة 80\90 و مونت تانى فى فايد واخذت العربة 5.4 لتر ملحوظة ( التموين فى البنرينتين كان الى اخر الزور)

اعتقد كده جميل اوي ماشاء الله
بس علي الطوالي انت متأكد من الرقم ده
1 لتر بنزين =97/5.4 =17.96 كم
ماشاء الله لا قوة الا بالله ....... ربنا يباركلك فيها ويكفيك شر طريقا ويرزقكك خيرها ان شاء الله

[Powert]

انا جبت العربية يوم الاثنين مانيوال مونتها 48 لتر او تكه في المسدس ومشيت بيها 400 كيلو وفولتها تاني اخدت 37 لتر

يعني على حسب حساباتي انها مشيت 216 في الصفيحة

سواقة متواسطة شوية جري وشد وشوية هادي الاستهلاك كده طبيعي !!!

حاجة كمان نوع السماعات اللي في العربية "جولدي" انا فتحت الشنطة وبصيت من تحت لاقت مكتوب "جولدي"

[SonaSteel]

انا جبت العربية يوم الاثنين مانيوال مونتها 48 لتر او تكه في المسدس ومشيت بيها 400 كيلو وفولتها تاني اخدت 37 لتر

يعني على حسب حساباتي انها مشيت 216 في الصفيحة

سواقة متواسطة شوية جري وشد وشوية هادي الاستهلاك كده طبيعي !!!

حاجة كمان نوع السماعات اللي في العربية "جولدي" انا فتحت الشنطة وبصيت من تحت لاقت مكتوب "جولدي"

ماشاء الله لا قوة الا بالله
الف الف مبارك عليك..... ربنا يرزقكك خيرها ويكفيك شرها ان شاء الله
216 ده حلو ماشاء الله .... بس ده من غير تكييف طبعا علشان انت لسه بتلين
بس برده متحكمش علي استهلاك العربية الا بعد 5000 كم ... وده ان شاء الله هاعمله
بس انا نزلت الموضوع ده علشان يبقي مرجع ليا من اول ما اشتريت العربية لغاية ما اوصل 5000 ان شاء الله علشان اشوف الاستهلاك بيتحسن قد ايه؟؟
قولي بقي ياحبيبي :)) اخبار المانويل معاك ايه؟؟ .... وجيبتها مانويل ليه ؟؟
انا جايبها مانويل برده وأغلبية الناس معاها اوتو .. ايه رايك فيه وانطباعك عنه ايه؟؟؟؟

[Powert]

ماشاء الله لا قوة الا بالله
الف الف مبارك عليك..... ربنا يرزقكك خيرها ويكفيك شرها ان شاء الله
216 ده حلو ماشاء الله .... بس ده من غير تكييف طبعا علشان انت لسه بتلين
بس برده متحكمش علي استهلاك العربية الا بعد 5000 كم ... وده ان شاء الله هاعمله
بس انا نزلت الموضوع ده علشان يبقي مرجع ليا من اول ما اشتريت العربية لغاية ما اوصل 5000 ان شاء الله علشان اشوف الاستهلاك بيتحسن قد ايه؟؟
قولي بقي ياحبيبي :)) اخبار المانويل معاك ايه؟؟ .... وجيبتها مانويل ليه ؟؟
انا جايبها مانويل برده وأغلبية الناس معاها اوتو .. ايه رايك فيه وانطباعك عنه ايه؟؟؟؟

انا برضه قولت استغل الموضوع ده واعمله مرجع ليا :)

هو طبعاً من غير تكيف بس بمشي سواقة شوية عنيفة وشوية هادية

انا جبت مانيوال علشان انا اغلب الطرق بتكون سريعة زي الدائري او الطريق السويس

ولاني متعود على المانيوال ومش بحب كسل الاتوماتيك وكمان المانيوال بتعها جميل مش متعب

وكمان علشان المانيوال هيوفر في البنزين لاني لما دخلت المنتدى لاقت كل الناس بتقول انها حوت بنزين ولكن بمعدل ده كده بتستهلك عادي

ولكن معايا واحد صحبي معاه فرنا بيقولي انها نفس الاستهلاك تقريباً لاانه كان معظم ال400 كيلو اللي عملتهم بيها

[SonaSteel]

انا برضه قولت استغل الموضوع ده واعمله مرجع ليا :)

هو طبعاً من غير تكيف بس بمشي سواقة شوية عنيفة وشوية هادية

انا جبت مانيوال علشان انا اغلب الطرق بتكون سريعة زي الدائري او الطريق السويس

ولاني متعود على المانيوال ومش بحب كسل الاتوماتيك وكمان المانيوال بتعها جميل مش متعب

وكمان علشان المانيوال هيوفر في البنزين لاني لما دخلت المنتدى لاقت كل الناس بتقول انها حوت بنزين ولكن بمعدل ده كده بتستهلك عادي

ولكن معايا واحد صحبي معاه فرنا بيقولي انها نفس الاستهلاك تقريباً لاانه كان معظم ال400 كيلو اللي عملتهم بيها

ربنا يرزقكك خيرها ويكفيك شرها .... وخلي بالك علي الدائري والطرق ديه وربنا يسترها معاك يارب العالمين
وهي زي اي عربية 1600 ... مش عارف ايه السمعه اللي طالعه عليها ديه .... الله اعلم
وماشاء بالمانويل تحس بالعربية بكل حاجة فيها .... بس هي الزحمة حسبي الله ونعم الوكيل :0002014a:

[Ahmed.TV]

باذن الله كمان يا حسين لما تعمل صيانة الالف وتغير زيت اداء العربية حيختلف باذن الله للافضل كمان

[SonaSteel]

باذن الله كمان يا حسين لما تعمل صيانة الالف وتغير زيت اداء العربية حيختلف باذن الله للافضل كمان

ربنا يبارك فيك يابو حميد
ان شاء الله تعدي علي خير

[Powert]

ربنا يرزقكك خيرها ويكفيك شرها .... وخلي بالك علي الدائري والطرق ديه وربنا يسترها معاك يارب العالمين
وهي زي اي عربية 1600 ... مش عارف ايه السمعه اللي طالعه عليها ديه .... الله اعلم
وماشاء بالمانويل تحس بالعربية بكل حاجة فيها .... بس هي الزحمة حسبي الله ونعم الوكيل :0002014a:

الف شكر وربنا يباركلنا فيها وفعلاً بالمانيوال بحس بكل حاجة وانا ماشي
وانا بحب المانيوال اكتر المشكلة في الزحمة ودي مش فارقة معايا
وربنا يباركلك فيها .

[Islam_Shady]

لو بتعمل 210 فى الطوالى يبقا ده قليل , وروح لهم تانى
لان مفروض تعمل فى الطوالى مش اقل من 240 طوالى من غير تكيف خصوصا على طرق سفر بقيادة هادية جدا

فعلا وروح لهم تانى وانا بردو حروحلهم تاني واقولهم ان مفيش تغير وانها بتعمل لحد ما لمبة البنزين تنور حوالي 300 ك

شكرا يا رجالة على النصيحة

روحت لتوكيل السبع السبت اللى فات و النتيجة؟؟

ده المعدل الطبيعى 160 جوه البلد و 210-220 على الطوالى

قولتله يا باشمهندس دى 2011 اللى فيها حساس اكسوجين

قاللى مابيعملش حاجه , ده معمول علشان العادم و البيئة موش توفير البنزين

قولت شكررررررررررررا و السلام عليكم

دلوقتى ايه رايكم يا رجاله؟

هو انا بس اللى حاسس انها غول بنزين ولا ايه؟

زميلى معاه سيراتو الشكل القديم التانك بيعمل معاه 750 كيلو

[ygamgoum]

انا بردو بتستهك كتييروكنت مفول وجه يوم الزحمة ال37 لتر ععمل 210-220 كيلو فقط بس كان زحمة جدا وهما بيعملو في الطريق العادي حوالي 300 ك وعمال اجرب بعد ما غيرت قياسات الكاوتش 36 -33 . يارب يطلع افضل

[youssef_u]

انا معايا نيسان صني 2005 و بقوة 1300 cc ( انا عايش في السعوديه ) و دايما لما بسافر متوسط السرعه 160 كم و استهلاك الوقود بيكون دايما 300 كم في الصفيحه

[Ahmed.TV]

ها يا حسين اخبار القراءات الجديدة ايه يا باشا

طمنا وطمنا الناس

[Ahmed.TV]

شكرا يا رجالة على النصيحة

روحت لتوكيل السبع السبت اللى فات و النتيجة؟؟

ده المعدل الطبيعى 160 جوه البلد و 210-220 على الطوالى

قولتله يا باشمهندس دى 2011 اللى فيها حساس اكسوجين

قاللى مابيعملش حاجه , ده معمول علشان العادم و البيئة موش توفير البنزين

قولت شكررررررررررررا و السلام عليكم

دلوقتى ايه رايكم يا رجاله؟

هو انا بس اللى حاسس انها غول بنزين ولا ايه؟

زميلى معاه سيراتو الشكل القديم التانك بيعمل معاه 750 كيلو

الطوالى بيعطى اكتر من كدا من اللى حضرتك بتقوله

قيادة سواقتك ازاى

لو هادية ومش بتحرق بالعربية والطوالى مش بتعدى سرعة ال100 يبقا ارجعله تانى

وخاليهم يظبطوا قراءات حساس الtps على 44 او 46 بالكتير كل ما كان اقل من 48 افضل

وموضوع الحساس الاوكسجين معمول عشان حاجات تانية فعلا زى ما قالك بس عشان ينظم عمليات الحرق والاستهلاك يتحسن , بس بيكون التحسن بنسب مش كبيرة اوى ,


وطمنا



ها يا حسين انت فين مش بتشارك ليه فى الموضوع خايف تقول القراءات الجديدة

سمعنا صوتك