بريدجستون عباس العقاد ...... أصدق مين ولا مين؟؟؟

[SonaSteel]

السلام عليكم
حبايبي في الله ....... احلي اعضاء منتدي شفتهم في حياتي ... ممممم (او لسه هاشوفهم يعني ان شاء الله )
كيف حالكم ... أسال الله لكم دوام الصحة والعافية....أمين يارب العالمين

النهارده روحت بريدجستون فرع عباس العقاد اللي في بنزينة كالتكس اخر شارع عباس العقاد.
المهم قلتله عايز اظبط الكاوتشات نيتروجين .... !!!
مسك العجل اللي قدام ... وهو كان عارف ان الصني الجديدة 2011 ان المقاسات 36 قدام و33 ورا
مسك اول عجلة لقاها كااااااااااااااااااااااام ؟؟؟ ................ 41 انا اتخضيت قلتيله ايه ده انا ظابط الكاوتشات عند بريدجستون فرع عمارات العبور .... قالي يبقي عندهم بيزود .... قلتلوه ممكن اللي عندك اللي بيقرا غلط
قالي العدة اللي معايا ديه لسه جديدة ... حتي المقاس لوحده اهو وشغال بيه غير المقاس اللي في الكمبروسر علشان عارف انه بيرمي زياده
ولقي ورا كااااااااااااااام برده؟؟؟ ............ 38
فكده يعني تقريبا اتأكده ان العيب من العداد عن فرع عمارات العبور
يعني فرق الضغط
أمامي 41 -36 = 5 درجات
خلفي 38 - 33= 5 درجات برده
فسألته طيب دول بيفرقوا جامد .... قالي اه طبعا العربية بتقعد تدب معاك في المطبات
الفروق اللي حسيتها:
1- الباور تقل حبة خفيفة
2-العفشة فعلا مبقتش تدب في المطبات
مش عارف بقي ... اروح لمحل تاني اظبط عنه علشان اشوف مقاسات مين اللي مظبوطة؟؟؟
الله المستعان ... هحاول ان شاء الله

[Bishoy.Girgis]

انا رأيي انك خليك علي المقاسات بتاعة كالتكس مدام الدبدبة راحت خالص
المهم اخدت خصم نايل موتورز ولا انت مش حاطط الاستيكر بتاع المنتدي ؟

[alaa99991111]

يفضل انك تشوف الضغوط بنفسك دائما

[SonaSteel]

انا رأيي انك خليك علي المقاسات بتاعة كالتكس مدام الدبدبة راحت خالص
المهم اخدت خصم نايل موتورز ولا انت مش حاطط الاستيكر بتاع المنتدي ؟

لا لسه محطتهوش والله يابيشوي ........ مش لسه بيتظبط وهاينزل ؟؟؟
ولا انت قصدك القديم؟؟
هي الدبدبة راحت بس الباور تقل سنه .... وانا كان عاجبني في الاول بصراحة ... كان خفيف كده ماشاء الله وبعرف اغرز بيه حلو حتي في حتت ضيقة اوي ....... هحاول اتعود علي ده بقي والعب له حبه حديد
بس هو مكانش محتاج خصم ... ده كان ظبط عادي
هو كان هاينفع في اول مرة .... :)) ....... يلا الحمد لله
مستني اشوفك بقي ياجميل عن قريب .... ان شاء الله

[SonaSteel]

يفضل انك تشوف الضغوط بنفسك دائما

ازااااااااي؟؟؟؟ ........ ههههههه

[Ahmed.TV]

كويس انك قولتلنا عشان انا ناوى اعدى عليهم وازود نيتروجين عندى

فحروح على فرع عباس العقاد باذن الله

[just_meroo]

بص انا هقولك اللى حصل معايا وهاترتاح وماتقلقش ... انا رحت بريدجستون العبور ومليت 3 فرد كاوتش نيتروجين والرابعه كانت مخرومه وخليته يظبطها على 36-33 وقالى ان ماعندوش لحام ولازم اروح فرع عباس لو كنت عاوز الحمها صح وفعلا رحت فرع عباس ولحمت الفرده الرابعه وملاها نيتروجين وظبطها وخليته يعمل تشيك على ال3 فرد كاوتش اللى مالتهم فى العبور قالى تمام مظبوطين وده معناه ان القياس فى الاتنين واحد بس هو ممكن يكون اللى بيزود ماكنش مركز.

[shaddadfalcon1]

ممكت حضرتك كنت ماشي بالعربيه كتيير عشان كده القرايه غلط

المفروض تروح والعربيه بارده عشان الضغط يبقي مظبوط

[Powert]

ممكت حضرتك كنت ماشي بالعربيه كتيير عشان كده القرايه غلط

المفروض تروح والعربيه بارده عشان الضغط يبقي مظبوط

"ده نتروجين لا يتأثر بحرارة"

ممكن تجرب اربكم اللي في عمارات رامو في اول احمد فخري العمارات اللي فيها كاربت سيتي و بنك cib

[BassamHafez]

مقاسات الهواء عند كل واحد مختلفه

يعني ممكن تكون ظابط على رقم وتروح تقيس في حته تانيه تلاقيها اكتر او اقل انت وحظك

انا عن نفسي بظبط على 32 في الاربع عجلات وكنت لسه ظابط عند محطه وطنيه وبعديها بنص ساعه قولت اظبط على الديجيتال بتاع امارات مصر عشان كانت في طريقي لقيت كل عجله فيها بتاع 5 او 6 بار زياده

[SonaSteel]

كويس انك قولتلنا عشان انا ناوى اعدى عليهم وازود نيتروجين عندى

فحروح على فرع عباس العقاد باذن الله

انت تؤمرني يابو حميد ...... ياسلااااااام
انا اجيبلك انبوبة النيتروجيت تحت البيت

بص انا هقولك اللى حصل معايا وهاترتاح وماتقلقش ... انا رحت بريدجستون العبور ومليت 3 فرد كاوتش نيتروجين والرابعه كانت مخرومه وخليته يظبطها على 36-33 وقالى ان ماعندوش لحام ولازم اروح فرع عباس لو كنت عاوز الحمها صح وفعلا رحت فرع عباس ولحمت الفرده الرابعه وملاها نيتروجين وظبطها وخليته يعمل تشيك على ال3 فرد كاوتش اللى مالتهم فى العبور قالى تمام مظبوطين وده معناه ان القياس فى الاتنين واحد بس هو ممكن يكون اللى بيزود ماكنش مركز.

هو فعلا ممكن مكانش مركز ...... بس يبقي الفرق ثابت في كل العجل 5 درجات زياده ؟؟؟
و5 درجات رقم برده مش قليل صح ولا ايه ؟؟؟

ممكت حضرتك كنت ماشي بالعربيه كتيير عشان كده القرايه غلط

المفروض تروح والعربيه بارده عشان الضغط يبقي مظبوط

ايه ده ؟ .. المعلومة ديه جديدة أوي :))

"ده نتروجين لا يتأثر بحرارة"

ممكن تجرب اربكم اللي في عمارات رامو في اول احمد فخري العمارات اللي فيها كاربت سيتي و بنك cib

ان شاء الله لو عديت هناك ابقي اظبطهم تاني ... بس الحتة اللي هناك ديه زحمة اوي ... بخاف اروح اتزنق هناك هههههه

مقاسات الهواء عند كل واحد مختلفه

يعني ممكن تكون ظابط على رقم وتروح تقيس في حته تانيه تلاقيها اكتر او اقل انت وحظك

انا عن نفسي بظبط على 32 في الاربع عجلات وكنت لسه ظابط عند محطه وطنيه وبعديها بنص ساعه قولت اظبط على الديجيتال بتاع امارات مصر عشان كانت في طريقي لقيت كل عجله فيها بتاع 5 او 6 بار زياده

يعني الحمد لله ... الواحد يتوكل علي الله وربنا يستر ... المشكلة ان كل حاجة في مصر عايزة معايرة
حتي الكاوتش هههههههههههههههه

[egypt0777]

انا رحت فرع عباس العقاد و عبيت نتروجين و كان مكتوب على الطبلوه من الجنب مقاس ضغط الهواء 36 امامى و 33 خلفى

وخد 20 ج ثمن ملى النتروجين و الراجل كان عنده مقياس الكاوتش ديجتال و ده طبعا احسن من المانيول ابو زمبلك

صراحة انا حسيت بفرق معقول بين الهوا و بين النتروجين من ناحية العافشة نقول بنسبة 30 %

بس النتروجين عموما احسن من الهوا فى حجات كتيره اقلها نه لا يتمدد بالسخونة ولا ينكمش بالبروده بنسبة كبيره زى الواء يعنى المقاس حيكون ثابت بشكل كبير


عموما ان انصح اى حد يغير للنتروجين وعند ناس كويسه محترمه زى بريدجستون عموما

[SonaSteel]

انا رحت فرع عباس العقاد و عبيت نتروجين و كان مكتوب على الطبلوه من الجنب مقاس ضغط الهواء 36 امامى و 33 خلفى

وخد 20 ج ثمن ملى النتروجين و الراجل كان عنده مقياس الكاوتش ديجتال و ده طبعا احسن من المانيول ابو زمبلك

صراحة انا حسيت بفرق معقول بين الهوا و بين النتروجين من ناحية العافشة نقول بنسبة 30 %

بس النتروجين عموما احسن من الهوا فى حجات كتيره اقلها نه لا يتمدد بالسخونة ولا ينكمش بالبروده بنسبة كبيره زى الواء يعنى المقاس حيكون ثابت بشكل كبير


عموما ان انصح اى حد يغير للنتروجين وعند ناس كويسه محترمه زى بريدجستون عموما

+11111111111111111111111111111111111111111

[Khaled_Nowaihy]

من خلال تجربتى : مقياس الضغط عند بريدج ستون العبور مش مضبوط ... أو العمال اللى هناك ما بيعرفوش يضبطوا الجهاز صح
كان ناقص 4 درجات فى الكارينز فى الأربع عجلات

[yoko]

غالبا مكنش مركز لإن بريدجستون بيظبطوا قرائه العدادات كل شهر والكلام ده اتأكدت منه بنفسي