اية رأيكم في ثيات الصني؟

[beckeryahia]

اية رأي الاعضاء ملاك الصني في ثباتها علي الطرق السريعة وفي مطبات الهواء اذا كانت العربية فاضية مافيهاش حد غير السواق؟

[omar-saad]

العربية ثباتها كويس جدا لحد 140
بعد كدة العربية لو الهوا مش معاك بتبدى تخف بس مش لدرجة القلق
يعنى ثباتها احسن من كورولا والنترا و لانسراو زيها
وفى الملفات لحد 100-110 تمام اوى وفى الفواصل العربية بتعوم سنة بسيطة اوى
وفى الغرز وخصوصا المقفولة اخرك 120 لان ممكن الهوا يهز العربية وانتا بتاخدها
واى استفسارات تانية انا تحت امرك

[beckeryahia]

شكرا ياباشا علي ردك , بس انا بصراحة بحس ان الدايو الانوس اثبت من الصني , عشان نظام التعليق الخلفي للصني لايوفر الثبات المطلوب ليها , انا كنت بامشي بالانوس 190 وكنت مطمئن لاكن الصني بخاف منها بصراحة وخصوصا لو الطريق غير مستوي من اليمين والشمال

[ahmad--ezzat]

دايو لانوس اثبت من الصنى

[loveknight]

دايو لانوس اثبت من الصنى

++++++++++++
اما ان الصنى اثبت من التويوتا ماعتقدش استحاله

[omar-saad]

شكرا ياباشا علي ردك , بس انا بصراحة بحس ان الدايو الانوس اثبت من الصني , عشان نظام التعليق الخلفي للصني لايوفر الثبات المطلوب ليها , انا كنت بامشي بالانوس 190 وكنت مطمئن لاكن الصني بخاف منها بصراحة وخصوصا لو الطريق غير مستوي من اليمين والشمال

هوة انا معرقش نظام التعلق فى الانوس ايه بس انا كنت راكبها وكانت على 160 ومحملة وكانت كويسة لكن انا بتكلم لو انتا لوحدك تقريبا زى بعض
لان اللانوس 800 ك
لكن انا برشحلك السوبر صالون لان عفشتها احسن وفيها ميزان خلفى وكمان الجنوط بتبقى اعرض ودا اكيد هايعمل فرق كويس

[beckeryahia]

بص يا باشا , انا كان معايا لانوس لمده 4 سنوات ومشيت بيها 100000 كيلو , وكانت سياره رائغة بالنسية للثبات والجري والغرز , وجبت صني من 5 شهور حسيت بفرق شاااسع , مش عارف اخد غرزه بالعربية , والعربية سيئة جدا في المطبات العالية من ناحية وواطية من ناحية وروحت التوكيل وقالولي هي العربية كده عشان تعليق خلفي متصل .

[fady_anis]

اللانوس اثبت من الصنى ..................!!!!! تيجى ازاى دى ؟؟؟؟؟

[mem]

انا لا اعتقد ان ثبات الدايو افضل من الصنى مطلقا
انا سوقت الدايو ومن بعد 110 حسيت ان العربية طايرة وصوت الهوا فظيع فمزوتش عن 120
اما الصنى مشيت بها 160 وكنت بزود كمان وكان ثابتة ما شاء الله ولا كان فيه حاجة وكانت مستعده تجيب اكتر من كده كمان
بس للعلم العربية فى الحالتيين كانت مليانة يعنى ما كنتش سائق لوحدى

[SaberMan]

بص يا باشا , انا كان معايا لانوس لمده 4 سنوات ومشيت بيها 100000 كيلو , وكانت سياره رائغة بالنسية للثبات والجري والغرز , وجبت صني من 5 شهور حسيت بفرق شاااسع , مش عارف اخد غرزه بالعربية , والعربية سيئة جدا في المطبات العالية من ناحية وواطية من ناحية وروحت التوكيل وقالولي هي العربية كده عشان تعليق خلفي متصل .

أحتمال تكون حضرتك أتعودت على طريقة سواقة اللانوس موتور و عفشه و ابعاد و دى مشكله بتواجه الناس التعودت على عربيتهم لفتره طويله بتحس بعد كده أن العربيه الجديده مجرد أنضف و اغلى لكن مش اعلى فى الاداء .

[WalidAdel]

ازاي بس اللانوس اثبت من الصني انا كان معايا لانوس قبل الصني قعدت معايا 4 سنين عامل بيها 165 الف و بعدها جيبت الصني فرق شاسع بين الاتنين اصلا
انا الصني معايا الصني من 2008 و عامل بيها 126 الف اكيد عربية حضرتك فيها مشكله ما ياريت تروح توكيل السبع لانهم فاهمين العربيه اوي اوي و خالي مهندس يطلع يجربها معاك ياباشا

[Ahmed.TV]

اولا نقطة الثبات بتفرق من وجهة نظر كل واحد

والدليل على كدا انك بتقول ان العربية مش ثابتة بعد 140

اومال التيدا اللى معايا اقول عليها ايه بقا بعد ال140 !!! وهى اعلى ارتفاعا من الصنى وطبعا بلتمس ليها العزر فى الثبات عشان ارتفاعها

وفى نقطة تانية مهمة .... مينفعش اكون راكب عربية قديمة زمان ولما اغيرها واركب عربية غيرها اقارن كل حاجة بيها

زى البولو الصغنونة اللى كانت معايا لما بعتها وجبت تيدا , وطبعا التيدا عملاقة عنها فى كل شى , هل ينفع اقارن البولو بالتيدا

التيدا باور كهرباء البولو لا , التيدا ارتفاع عالى البولو لا , وهكذا

حتى على سبيل المثال اللى قولت عليه باور الانوس مش زى باور الصنى مع ان الاتنين باور عادى

فخالوا بالكم من نقطة المقارنة بين عربية قديمة كنت سايقة وعربية اخرى جديدة معاك

ونقطة مهمة بردوا تانى .. فى فرق بين الثبات , وبين ان جبت بالعربية 160 و190 و300 يعنى تجميع واستجابة الماتور

الثبات تحس انها بتعوم او بترقص منك بسبب الهوا كل ما بتعدى جنب حاجة

والسرعة وتجميع الماتور حاجة تانية , لان ممكن العربية ثباتها عادى او قليل وتجمعيها قوى وبتجيب معاك 190

نقطة اخيرة

قبل ما تجرب ثبات عربية , اظبط هواء الكاوتش واعمل ظبط زوايا

تحياتى

[Bishoy.Girgis]

بص يا باشا , انا كان معايا لانوس لمده 4 سنوات ومشيت بيها 100000 كيلو , وكانت سياره رائغة بالنسية للثبات والجري والغرز , وجبت صني من 5 شهور حسيت بفرق شاااسع , مش عارف اخد غرزه بالعربية , والعربية سيئة جدا في المطبات العالية من ناحية وواطية من ناحية وروحت التوكيل وقالولي هي العربية كده عشان تعليق خلفي متصل .

[mohamedsunny]

بص يا باشا , انا كان معايا لانوس لمده 4 سنوات ومشيت بيها 100000 كيلو , وكانت سياره رائغة بالنسية للثبات والجري والغرز , وجبت صني من 5 شهور حسيت بفرق شاااسع , مش عارف اخد غرزه بالعربية , والعربية سيئة جدا في المطبات العالية من ناحية وواطية من ناحية وروحت التوكيل وقالولي هي العربية كده عشان تعليق خلفي متصل .

انا مبحبش اعمل تعليقات لكن الموضوع استفزنى اوى انا معاية نيسان صنى 2008 سوبر صالون غرز 160 او 170 عادى حسب سواقة حضرتك و ممكن متكونش متعود على العربية لاكن مشاء الله العربية ثبات على جدا مشاء الله
حتى لسرعة 210 العربية مسكه نفسها فا اظن الواحد ميطلبش اكثر من كده كدة طمع
و عن تجربة اللانوس صاحبى معاه لانوس 1 العربية فى الضياع لا يوجد اى نوع من الثبات العربية مشياة على الهوا و بالذات بعد 110 العربية لو اخذت غرزة على سرعات من اليمين للشمال العربية بتعوم او بتعوم
لا مقارنة بين الانوس و الصنى مع احترامى لوجه نظرك

[omar-saad]

++++++++++++
اما ان الصنى اثبت من التويوتا ماعتقدش استحاله

يابشا انا كان معيا كورولا 2007 وعارف انا بتكلم على ايه كويس
الصنى اثبت منها بكتير

انا مبحبش اعمل تعليقات لكن الموضوع استفزنى اوى انا معاية نيسان صنى 2008 سوبر صالون غرز 160 او 170 عادى حسب سواقة حضرتك و ممكن متكونش متعود على العربية لاكن مشاء الله العربية ثبات على جدا مشاء الله
حتى لسرعة 210 العربية مسكه نفسها فا اظن الواحد ميطلبش اكثر من كده كدة طمع :e_braces[1]:
و عن تجربة اللانوس صاحبى معاه لانوس 1 العربية فى الضياع لا يوجد اى نوع من الثبات العربية مشياة على الهوا و بالذات بعد 110 العربية لو اخذت غرزة على سرعات من اليمين للشمال العربية بتعوم او بتعوم :e_braces[1]:
لا مقارنة بين الانوس و الصنى مع احترامى لوجه نظرك

من امتى والنيسان بتجيب 210