صيانه الالف كيلوا ,,,,, اعملها فين واروح ازاى :d

[m_love4me]

السلام عليكم ورحمه الله وبركاته


اخواتى الافاضل


انا خلاويص ان شاء الله هعمل صيانه الالف كيلوا

وللاسف مش عارف المفروض اعملها فين
كنت ناوى اعملها فى فرع العبور , لكن فوجئت انه اغلق منافذه للزوار

ف اتصلت بالتوكيل بسالهم اعمل فين واقرب مكان ليا وهكذا
سألونى على بيانات العربيه وادونى كود تفعيل الضمان

واخدت رقم السبع الى ف زهراء المعادى ,,, وكلمنى المهندس وائل وادانى رقمه
علشان سألته على مشكله انى دوست على البنزين لاخره وعلى صوت العربيه

ف قالى كلمنى لما تيجى ان شاء الله



ف دلوقتى انا محتار اروح فين ,,,,,
انا شايف من كلامك جميعا بتشكروا اوى اوى ف السبع موتورز دا ال فى زهراء المعادى
وانا حجزت عندهم على يوم السبت الساعه 11


ولا اروح مكانى تانى افضل


و النقطه بقى الاهم والاكثر تعقيدا
انى من الشرقيه وما روحتش مصر خالص مالص قبل كدا بالعربيه ,,, غير المطار وبس
هو ااعرف سكته

تقبلوا تحياتى

واتمنى حد يرشدنى اروح ازاى بالظبط
وايه احسن فرع اعمل فيه صيانه


تحياتى لكم

[m_love4me]

لا حول ولا قوه الا بالله

ايه دا , مااتعودتش على كدا بصراحه :(

ولا رد واحد
ولا واحد فاعل خير يدلنى على الطريق


:(:(
دا انا قولت هدخل افتح الموضوع الاقى خمسين رد ولا حاجه
زي ما اتعودتش ف نيل موتورز
وصقور نيسان

[egypt0777]

يا سيدى ان جربت توكيل السبع و توكيل الدراسة

لا يفرقوا عن بعضهم خالص فى موضوع الصيانات العادية

بس السبع عنوانه عاوز تركيز شوية لانه توهان انا بصراحة تهت هناك

الخلاصة روح للاقرب لك

[Ahmed.TV]

بص يا سيدى
عندك السبع كويس
وعندك مودرن ابورواش
والاتنين كويسين ونقدر لو فى اى حاجة لقدر الله نقف معاك عشان نعرف ناس هناك

وحطلب منك طلب مهم

وهو انك تجمد قلبك ومتخفش من صيانة او من العربية , لان نصيحة اخوية بخوفك وبحرصك ده الزيادة ممكن تتسبب باى مشكلة فيها , ووارد ان اى حد ابن حرام فى الزمن ده يدخلك فى متاهات ويفتح عليك شغل بسبب القلق اللى عندك

المهم نرجع للصيانة

دلوقتى انت حتروح تعمل صيانة الالف , حتغير فيها زيت وفلتر

وعلى فكرة الموضوع مش مستاهل تتكلم فيه بتاع الاربى ام اللى زاد منك

لان عادى جدا ووارد اى حد يخطا ورجليه تزود , ومتقلقش العربيات الحديثة دى فيها فصل على طول لو زودت عدد لفات الماتور ووصلت الى red zone فاطمن

وكمان بعد صيانة الالف العربية حتحس بيها افضل كمان من الاول

ولو تاجل الصيانة بتعتك اسبوع بعد مقابلة نيسان نظرا لانشغالى للتحضير للمقابلة ممكن اقابل حضرتك واروح معاك الصيانة باذن الله وافضل معاك اليوم ده لغاية ما تخلص على خير

وتحت امرك فى اى خدمة

فمتقلقش من اى حاجة

[m_love4me]

الف شكر على الرد الكريم
جزاكما الله كل خير


استاذ احمد ,,,, انا عندى شويه ملاحيظ صغنتوته كدا

يعنى مثلا --- في صوت تزييق جامد من العربيه من جواها وليس من الجسم من الخارج
من ناحيه درج التابلوه ,, و الباب اليمين فى المطبات وهكذا

وكمان ف حاجه رخمه اوى
ان اضاءه الفوجات ,,, المفروض من البكره التانيه ال بعد بكره النور الواطى و العالى

ما بيشتغلش نور الفوجات غير لما تكون مشغل النور الواطى
طيب دى رخمه اوى اوانا اشغل الفوجات ليه اصلا لو مشغل الواطى

الواحد يحب يشغل الفوجات لوحدها كدا مع اضافه تابلوه العربيه من جوا

زي ما بشوف ف اى عربيه
ف دى اكيد محتاجه تعديل منهم ف الكهربا بتاعتها

وكذلك صوت الماتور

ويكون ناس فاهمه كويس علشان بس الواحد يحس انه مطمن

وعاوز اركب المخدع ال فى النص بين الكرسين الاماميين
علشان فعلا مفتقده ف العربيه



وياريت لو حضرتك تنصحنى ,,,, يعنى لو عاوز اشوف شويه اكسوارات للعربيه او خدمات
اروح السبع
ولا مودرن
ومين احسن فيهم



وانا الحمدلله معايا ال gps فى الموبايل
وسألت كذا شخص على الطريق
ودلونى على اكتر من واحد

اتمنى لو صح تقولولى

الرأي الاولانى انى
كدا كدا باخد طريق بلبيس الصحراوى
واعدى على كرفور العبور وبعدين موقف السلام او العاشر

ومنه اخد طريق الدائرى الجيزه

وافضل مكمل فيه على طول حوالى 40 دقيقه
هوصل زهراء المعادى


والطريق التانى

انى ادخل صلاح سالم من الطريق ال بيودى على المطار

وانزل نفق العروبه
واطلع منه ونفق تانى بعديه

وبعدين اعدى على المنصه
واخد الطريق ف وشى
وف اخره يوتيرن
وارجع ادخل طريق الاتوستراد

ومنه على زهراء المعادى من تحت الكوبرى

هو شرح نظرى
بس ال يسأل ما يتوهش ان شاء الله



تحياتى لكم

[Ahmed.TV]

- بص مراكز الخدمة دى مراكز محترمة وشغلها عالى , وبيشتغلوا فى مورانو وانفنيتى كمان ,فمتلقش , ناس بتفهم فى الشغل كويس , ولو فى شكاوى عليهم كتير كانت حتسحب منهم التوكيل على طول نيسان

- الحاجة التانية انت معاك تيدا مكسيكى وانا معايا اليابانى , فمش فاهم وجهة نظرك فى موضوع دراعات الفوجات , انا عندى فى الدراع بقدر اقفل من الفوجات واشغل النور الصغير واقدر بردوا اشغل النهور الصغير ومعاه الفوجات

- وبخصوص الاكسسورات

التيدا لو عايز ليها اكسسورات عندك مودرن ابورواش , لان السبع معندوش اى اكسسورات لنيسان عموما

- بعض من الاكسسورات اللى كنت سالت عليها قبل كدا

عندك كفر مرايا باشارة فيه ب750 جنيه
عندك طقم نواكل ابواب بخامات محترمة ب220 جنيه
عندك كمان فيه وحدة رفع ايطالى 770 جنيه بترفع 2*2
فى عتب نيكل بيتحط على عتبة الباب لما بتفتحه مش فاكر بكام
فى زينون تقريبا ب1200 وقريب حيكون 880 جنيه
وطبعا فى اكسسورات اكتر كمان

- وبخصوص الوصفة والطريق افضل طريق للسبع زى ما انت قولت الوصفة الاولى بتاعت اكنك رايح على الدائرى جيزة بالظبط ورايح على كارفور المعادى

- وبخصوص تزيق اللى جاى فى الطابلوه شوف بس ليكون فى حاجة حاطتها وعاملة الصوت , وعلى العموم حيبصولك عليه اكيد ,
وكلها حاجات بسيطة

- وبخصوص صوت الماتور كمان لما حضرتك حتغير الزيت صوت الماتور بيهدا عن الاول وبيكون ادائه افضل

- ولو حضرتك عايز تركب اكسسورات يبقا عليك وعلى موردن ابورواش منه تعمل الصيانة ومنه تركب الاكسسورات


وان شاء الله تعمل صيانتك على خير

واتمنى انى اكون جاوبت على كل استفساراتك

[m_love4me]

الله يبارك فيك استاذ احمد , ويجزيك الجنه يارب



بخصوص الفوجات

حضرتك المفروض ان الفوجات بتشغلها تشتغل تماما :d
لوحدها , او حتى تشغلها مع النور الواطى

انا عندى بقى تشغلها ما تشتغلش
ما بتشتغلش الا لما تكون مشغل النور الواطى

ف اكيد ف حاجه غلط , لانى محتاج اشغل الفوجات لوحدها
من غير النور الواطى




ثانيا
الطريق بقى على خيره الله زي ما هو كدا ان شاء الله نوصل بخير

ثالثا
التابلوه بالفعل انا كنت حاطط فيه مسدس ال 9 ملى وهو تقيل كفايه انه يعمل الصوت
وكنت شاكك زي حضرتك , لكن للاسف الصوت هو هو ومش من التابلوه من تحته كدا
وناحيه الباب



واخيرا
للاسف انه تم الحجز ف السبع من الاسبوع ال فات
على يوم السبت , لانى فى بكالريوس طب اسنان ودا اليوم الوحيد ال اجازه عندى
وما اقدرش مااحضرش ولا اى يوم , لاننا بنخلص شغل حالات عملى مطلوب مننا :(
ولانى مقيم ف الاسماعيليه فتره الدراسه
وبسافر كل فتره الشرقيه

ف بالمره بقى وانا ف البيت ,
لان والدى متعقد من الاتوماتك :d



هل اقدر اروح مودرن ابو رواش
من غير حجز بكره
وهل هو اقرب واحسن ف الطريق من السبع


ولو حضرتك تفيدنى , سعر المخدع ال ف النص دا كام


واخير نهائيا

بجد بدعيلك يجزيك كل خير
ويكرمك بالزوجه الصالحه
والذريه الصالحه


على الخير ال بتعمله معانا جميعا


تحياتى لك

[Ahmed.TV]

الله يبارك فيك استاذ احمد , ويجزيك الجنه يارب



بخصوص الفوجات

حضرتك المفروض ان الفوجات بتشغلها تشتغل تماما :d
لوحدها , او حتى تشغلها مع النور الواطى

انا عندى بقى تشغلها ما تشتغلش
ما بتشتغلش الا لما تكون مشغل النور الواطى

ف اكيد ف حاجه غلط , لانى محتاج اشغل الفوجات لوحدها
من غير النور الواطى


ان شاء الله يبصوا عليها ولو فيها حاجة اكيد حتتعمل

ثانيا
الطريق بقى على خيره الله زي ما هو كدا ان شاء الله نوصل بخير

ان شاء الله توصل بالسلامة وتعمل صيانتك على خير

ثالثا
التابلوه بالفعل انا كنت حاطط فيه مسدس ال 9 ملى وهو تقيل كفايه انه يعمل الصوت
وكنت شاكك زي حضرتك , لكن للاسف الصوت هو هو ومش من التابلوه من تحته كدا
وناحيه الباب


ممكن يكون فى حاجة عاوز تتربط او تتنظف باسبراى مثلا

انا عاوز اقولك بس معلومة : ان طالوه التيدا مش حتة واحدة , ده طابلوه مجزء الى 4 اجزاء مربوطين فى بعض
فوارد تلاقى تزيق فى المطبات العنيفة جدا

وتقسيم الطابلوه فايدته ان لو حاجة اتكسرت فيه فى حادثة لقدر الله او ايرباجز اتفتح , ميزته ان ممكن تفك الجزء المكسور ده وتغيره , مش حتغير الطالوه كامل زى اى عربية اخرى وتجيب طابلوه كامل جديد بمبلغ وقدره

فدى ميزة والحمد لله فيها

وانا معنديش صوت تزيق الا فى المطبات العنيفية وبيكون نادرا كمان , بس متقبل الامور والحمد لله وانا عامل بعربيتى 40 الف كيلو


واخيرا
للاسف انه تم الحجز ف السبع من الاسبوع ال فات
على يوم السبت ,

ان شاء الله تعمل صيانتك على خير يا باشا والسبع ناس محترمة ولما تروح اسال على المهندس محمد عمر او المهندس ايمن عبد المتجلى وقولهم انك من النايل موتورز ولما تشوفهم بلغهم تحياتى

لانى فى بكالريوس طب اسنان ودا اليوم الوحيد ال اجازه عندى
وما اقدرش مااحضرش ولا اى يوم , لاننا بنخلص شغل حالات عملى مطلوب مننا :(
ولانى مقيم ف الاسماعيليه فتره الدراسه
وبسافر كل فتره الشرقيه

ياباشا تخلص على خير ان شاء الله والف مبروك مقدما شهادة الدكتوراه وباذن الله نكون زباين عندك وتعملنا خصم
كان نفسى اطلع دكتور سنان عشان اجيب عربية انفينتى , هههههههههههههههههه
انا مش بحسد , انا بقر بس هههههههههههههه

ف بالمره بقى وانا ف البيت ,
لان والدى متعقد من الاتوماتك :d

ربنا يخلهولك الحاج , وخليه بس واحدة واحدة يسوق الاتوماتيك وحيحبها , او هاتوا فى زحمة القاهرة كام مرة , وهو حيكره المانيول ويعرف قيمة الاتوماتيك هههههههههههههه

هل اقدر اروح مودرن ابو رواش
من غير حجز بكره
وهل هو اقرب واحسن ف الطريق من السبع

المسافة مين اقرب مش عارف والله بس تقريبا الاتنين زى بعض , بس السبع اقرب بحاجة بسيطة
ومودرن لازم تروح تحجز طبعا تقولهم تعمل صيانة واحتمال تركب اكسسوار


ولو حضرتك تفيدنى , سعر المخدع ال ف النص دا كام

مسالتش عليه فى مودرن بس ممكن تجيبه من شارع دمشق فى مصر الجديدة يكون افضل وارخص
وحتلاقى هناك كتير اوى

واخير نهائيا

بجد بدعيلك يجزيك كل خير
ويكرمك بالزوجه الصالحه
والذريه الصالحه


على الخير ال بتعمله معانا جميعا


تحياتى لك

يارب يكون الدعاء من نصيبى ومن نصيبك , وانا مبعملش غير الواجب , وتحت امرك وامر الاعضاء

تحياتى
الرد فى الاقتباس

[egypt0777]

انت متخوف من ايه

الى الامام ...... الى الامام

[m_love4me]

هههههههههه
ثوره ثوره


بكل احباط

والدى اصر انى ما اروحش النهارده
خوفا ان مصر تكون مقلوبه والناس ما تكونش عاقله ف التصويت
ويكون ف اختلافات تتطور لخنااقات

وما قدرتش اقول غير حاضر ياعم الحاج

قالى بلاش النهارده

ربنا يسهل بقى


والسبع بجد انا معجب بيهم جدا
اتصلوا عليا اكتر من مره
علشان يعرفوا انا جاي ووصلت ولا لا
لما عرفوا ان من الشرقيه

وكمان ,, وانا بتصل اول مره كنت بكلم والدى ف قفلت السكه
قبل ما يرن
لقيتهم بيتصلوا عليا فورا
وبيقولولى السبع اؤمر يا فندم

هروحلهم ان شاء الله

تحياتى للجميع

[ahmed_shimi]

بالنسبه لموضوع الفوجات التيدا المكسيكى نازله مواصفات امريكى علشان كده لازم النور يكون شغال علشان تشغل الفوجات ده كلام مندوب البيع و انا بستلم العربيه .

ربنا يوفقك :)